Does Drinking Water Before Meals Help Lose Weight : ప్రస్తుత రోజుల్లో ఎక్కువ మంది అధిక బరువు సమస్యను ఎదుర్కొంటున్నారు. ఈ క్రమంలోనే చాలా మంది బరువు తగ్గడానికి వ్యాయామాలు చేయడం, డైలీ డైట్లో అనేక మార్పులు చేస్తుంటారు. ఇంకొందరు నేచురల్ రెమిడీస్తో పాటు కొన్ని టిప్స్ను ఫాలో అవుతుంటారు. ఇదిలా ఉంటే కొందరు భోజనానికి ముందు వాటర్ తాగితే బరువు తగ్గుతారని సలహా ఇస్తుంటారు. నిజంగా ఇలా చేయడం ద్వారా బరువు తగ్గుతారా? ఇందులో వాస్తవమెంత? దీనిపై నిపుణులు ఏం చెబుతున్నారు? పూర్తి వివరాలు ఈ స్టోరీలో తెలుసుకుందాం.
భోజనానికి ముందు వాటర్ తాగడం బరువు తగ్గడానికి తోడ్పడుతుందా? అనే అంశంపై ఆరోగ్య నిపుణులు ఈ విధంగా వివరిస్తున్నారు.
కడుపు నిండిన ఫీలింగ్ : మీల్స్కి ముందుగా వాటర్ తాగడం వల్ల కడుపు నిండిన ఫీలింగ్ కలుగుతుంది. మన పొట్టలో అనేక నరాలు ఉంటాయి. ఇవి నీటిని తాగినప్పుడు సాగి బ్రెయిన్కి ఆహారాన్ని తీసుకోవద్దని సంకేతాలు పంపుతాయట. ఫలితంగా ఆహారం తక్కువ తీసుకోవడం బరువు తగ్గడానికి దోహదపడుతుందంటున్నారు నిపుణులు. పలు పరిశోధనల్లోనూ ఈ విషయం వెల్లడైంది. భోజనానికి ముందు వాటర్ తాగని వారితో పోలిస్తే తాగిన వారు ఆహారాన్ని తక్కువగా తీసుకున్నట్లు తేలింది. నేషనల్ ఇన్స్టిట్యూట్ ఆఫ్ హెల్త్ సభ్యుల బృందం జరిపిన మరో రీసెర్చ్లో కూడా లో క్యాలరీ డైట్ తీసుకుంటూ భోజనానికి ముందు నీటిని తాగని, తాగినవారినీ పరిశీలించారు. సుమారు 12 వారాలు పరిశీలించగా నీరు తాగనివారితో పోలిస్తే తాగినవారు బరువు తగ్గినట్లు పరిశోధకులు కనుగొన్నారు. అందుకు సంబంధించిన రిపోర్టు కోసం ఇక్కడ క్లిక్ చేయండి.
ఆకలేసినా వాటర్ తాగితే సరిపోతుందట!
మనకు చాలా సార్లు ఆకలిగా అనిపిస్తుంది. అలాంటి టైమ్లో ఏదో ఒకటి తినడానికి ట్రై చేస్తుంటాం. కానీ, అలా అనిపించడం అన్ని సార్లు ఆకలి కాదంటున్నారు. దాహం వేసి కూడా కొన్ని సార్లు అలాంటి ఫీలింగ్ కలుగుతుందంటున్నారు నిపుణులు. ఆ టైమ్లో కొద్దిగా నీటిని తాగడం వల్ల అనవసర కేలరీల జోలికి వెళ్లకుండా ఉంటామంటున్నారు. దాంతో ఎక్కువ ఆహారాన్ని తీసుకోము. ఫలితంగా ఇది బరువు తగ్గడానికి సహాయపడుతుందంటున్నారు.
వ్యాయామం చేసే ముందు వాటర్ తాగడం : చాలామంది వ్యాయామం చేసే సమయంలో కండరాలు పట్టేయడం, అలసట, తిమ్మిర్లు వంటి సమస్యలతో ఇబ్బంది పడుతుంటారు. అందుకు కారణం బాడీ డీహైడ్రేషన్కి గురికావడమే అంటున్నారు. కాబట్టి, వ్యాయామం ముందు తప్పనిసరిగా వాటర్ తీసుకుని బాడీని హైడ్రేట్గా ఉండేలా చూసుకోవాలంటున్నారు.
కొవ్వు కరిగేందుకు వాటర్ అవసరం : బాడీలో పేరుకుపోయిన ఫ్యాట్ కరిగేందుకూ వాటర్ అవసరం పడుతుందంటున్నారు నిపుణులు. శరీరంలో నీటి స్థాయులు తగ్గి డీహైడ్రేట్ అవ్వడం వల్ల కొవ్వు కరిగే ప్రక్రియ నిలిచిపోతుందంటున్నారు. అదే నీటిని ఎక్కువగా తీసుకోవడం వల్ల ఈ ప్రక్రియ మరింత సమర్థంగా పనిచేస్తుందని వివరిస్తున్నారు.
కూల్ డ్రింక్స్కు బదులు నీటిని తాగితే బెటర్ : నార్మల్గా మనం తాగే అధిక కేలరీలు ఉండే కూల్డ్రింక్స్కు బదులుగా వాటర్ని తీసుకోవడం మంచిదంటున్నారు. దీని వల్ల కూడా బరువు తగ్గే ఛాన్స్ ఉంటుందని వివరిస్తున్నారు. నేషనల్ ఇన్స్టిట్యూట్ ఆఫ్ హెల్త్ సభ్యుల బృందం జరిపిన ఒక రీసెర్చ్లో కూడా ఫ్రూట్ జ్యూసెస్, ఆల్కహాల్, సోడా లాంటి పానీయాల స్థానంలో తరచుగా నీటిని తీసుకోవడం వల్ల దీర్ఘకాలంలో బరువు తగ్గినట్లు వెల్లడైంది. అందుకు సంబంధించిన రిపోర్టు కోసం ఇక్కడ క్లిక్ చేయండి.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
ఇవీ చదవండి :
పాలు తాగితే బరువు తగ్గుతారా? షుగర్, ఊబకాయం సమస్యలకు చెక్ పెడుతుందట!
బరువు తగ్గేందుకు ఈ చపాతీలు సూపర్ ఆప్షన్! - షుగర్ కూడా తగ్గుతుందట!
