PCOD Ayurvedic Remedies: ఈ మధ్య కాలంలో మహిళలను పాలిసిస్టిక్ ఒవేరియన్ డిజార్డర్(పీసీఓడీ) ఎక్కువగా ఇబ్బంది పెడుతుంది. ఈ సమస్య వల్ల అవాంఛిత రోమాలు రావడంతో పాటు పీరియడ్స్ కూడా అస్తవ్యస్తంగా మారుతాయని నిపుణులు అంటున్నారు. ఈ సమస్యను అధిగమించడానికి అనేక మందులు వాడుతుంటారు. అయితే, ఈ సమస్యకు ఆయుర్వేద పద్ధతిలో చక్కటి పరిష్కార మార్గం ఉందని నిపుణులు వెల్లడిస్తున్నారు. ఈ నేపథ్యంలోనే ఔషధం ఎలా తయారు చేసుకోవాలో ప్రముఖ ఆయుర్వేద వైద్యురాలు గాయత్రీ దేవి వివరిస్తున్నారు.
కావాల్సిన పదార్థాలు
- 25 గ్రాముల మెంతుల చూర్ణం
- 25 గ్రాముల వేపాకుల చూర్ణం
- 25 గ్రాముల పసుపు
- 25 గ్రాముల తిప్పతీగ చూర్ణం
- 25 గ్రాముల నేల వేము చూర్ణం
- 25 గ్రాముల ఉసిరి చూర్ణం
తయారీ విధానం
- ముందుగా ఓ గిన్నెలో మెంతులు, వేపాకు, పసుపు, తిప్పతీగ, నేల వేము, ఉసిరి చూర్ణం వేసి బాగా కలపాలి.
- అనంతరం స్టౌ ఆన్ చేసి ఓ గిన్నెలో 60 మిల్లీ లీటర్ల నీటిని పోసి సన్నటి మంటపై మరిగించుకోవాలి.
- ఇప్పుడు మిశ్రమాన్ని అందులో వేసుకుని సగం ఆవిరయ్యే వరకు మరిగించుకోవాలి.
- ఆ తర్వాత దీనిని వడపోసుకుని తీసుకుంటే ఔషధం రెడీ!
- ఇంకా దీనికి రుచికి కావాలంటే కొంచెం పటిక బెల్లం వాడాలని చెబుతున్నారు.
- 5-10 గ్రాముల మిశ్రమాన్ని తీసుకుని ఎప్పటికప్పుడు కషాయంలో కాచుకోవాలని వివరిస్తున్నారు.
- సుమారు 5-6 నెలల పాటు ఉదయం, సాయంత్రం తీసుకోవాలని చెబుతున్నారు.
మెంతులు: ఇది ఇన్సులిన్ హర్మోన్లో ఉండే అసమతుల్యతను తగ్గించేందుకు తోడ్పడుతుందని గాయత్రీ దేవి చెబుతున్నారు.
వేపాకులు: మన శరీరంలో ఉండే హర్మోన్ల సమస్యను తగ్గించడంలో వేపాకులు చాలా బాగా సహాయపడతాయని వివరిస్తున్నారు.
పసుపు: దీనిని అనేక ఆయుర్వేద ఔషధాల తయారీలో వాడుతుంటారు. పసుపు కూడా హర్మోన్ల అసమతుల్యతను అరికడుతుందని వివరిస్తున్నారు.
తిప్పతీగ: మన శరీరంలో రోగ నిరోధక వ్యవస్థ సరిగ్గా పనిచేసే విధంగా చేయడంలో తిప్పతీగ ఎంతో ఉపయోగపడుతుందని చెబుతున్నారు. ఇంకా హర్మోన్ల ఇంబ్యాలెన్స్ను తగ్గించడంలో సహాయ పడుతుందని అంటున్నారు.
నేల వేము: చేదుగా ఉండే నేల వేము వాత దోషాన్ని తగ్గించడంలో బాగా ఉపయోగపడుతుందని అంటున్నారు. దీంతో పాటు హర్మోన్ల అసమతుల్యను అరికడుతోందని చెబుతున్నారు.
ఉసిరి: పీసీఓడీ సమస్యకు ఉసిరి చూర్ణం చాలా బాగా ఉపయోగపడుతుందని చెబుతున్నారు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
'అయ్యప్ప స్వామి పంచామృతంతో ఎంతో ఆరోగ్యం'- ఎలా చేయాలో మీకు తెలుసా?
జలుబు, దగ్గుతో ఇబ్బందా? రాత్రి నిద్ర కూడా పట్టట్లేదా? ఈ సింపుల్ టిప్స్ పాటిస్తే ఈజీగా తగ్గే ఛాన్స్!
