Health Benefits Of Eating Garlic At Night : లేత పసుపు రంగులో ఉండి.. ఘాటైన రుచిని కలిగిన వెల్లుల్లి వంటలకు మంచి రుచిని అందిస్తుందన్న సంగతి అందరికీ తెలిసిందే. అందుకే చాలా మంది రోజూ కూరల్లో వీటిని వేసుకుంటుంటారు. అయితే వెల్లుల్లి వంటలకు రుచి మాత్రమే కాదు.. ఎన్నో ఆరోగ్య ప్రయోజనాలును సైతం అందిస్తుంది. ముఖ్యంగా వీటిని రాత్రి పడుకునే ముందు తింటే ఆరోగ్యానికి ఎంతో మేలు జరుగుతుందని ఆరోగ్య నిపుణులు అంటున్నారు. ఆ వివరాలు ఇప్పుడు చూద్దాం..
రోగనిరోధక శక్తి పెరుగుతుంది : వెల్లుల్లిలో యాంటీ ఆక్సిడెంట్లు, యాంటీ బ్యాక్టీరియల్, యాంటీవైరల్ లక్షణాలు పుష్కలంగా ఉంటాయి. ఇవి మన శరీరంలో వ్యాధులతో పోరాడే శక్తిని పెంచుతాయి. రోజూ రాత్రి వెల్లుల్లి రెబ్బలను తినడం వల్ల జలుబు, ఫ్లూ వంటి వ్యాధుల బారిన పడకుండా మనల్ని మనం కాపాడుకోవచ్చని నిపుణులు చెబుతున్నారు.
2014 లో "Complementary and Integrative Medicine" జర్నల్‌లో ప్రచురితమైన అధ్యయనం ప్రకారం.. రాత్రి పూట వెల్లుల్లి తినేవారిలో జలుబు, ఫ్లూ వంటి లక్షణాలు తక్కువగా కనిపించాయని పరిశోధకులు గుర్తించారు. ఈ పరిశోధనలో బెల్జియంలోని ఘెంట్ విశ్వవిద్యాలయానికి చెందిన డాక్టర్ కరీన్ వెర్ష్యురెన్ (Dr. Karin Verschueren) పాల్గొన్నారు.
జీర్ణక్రియను మెరుగుపరుస్తుంది : వెల్లుల్లిలో జీర్ణక్రియ ఎంజైములు అధికంగా ఉంటాయి. ఇవి తిన్న ఆహారాన్ని సులభంగా జీర్ణం చేయడానికి సహాయపడతాయి. అలాగే పేగుల ఆరోగ్యాన్ని కాపాడతాయని నిపుణులంటున్నారు.
అలర్ట్ - డైలీ ఒక సిగరెట్ తాగుతున్నారా? మీ శరీరంలో ఏం జరుగుతుందో తెలుసుకోండి!
రక్తపోటు అదుపులో : వెల్లుల్లిలో అల్లిసిన్‌ అనే సమ్మేళనాలుంటాయి. ఇవి మన శరీరంలో రక్త నాళాలను విడదీసి.. రక్త ప్రవాహాన్ని పెంచుతాయి. దీనివల్ల రక్తపోటు తగ్గుతుందని నిపుణులు పేర్కొన్నారు. అలాగే రక్తం గట్టకట్టే ప్రమాదం కూడా తగ్గుతుందట. కాబట్టి, అధిక రక్తపోటుతో బాధపడేవారు రక్తపోటు అదుపులో ఉండటానికి వీటిని తీసుకోవాలని సూచిస్తున్నారు.
గుండె ఆరోగ్యంగా : వెల్లుల్లి మన బాడీలో చెడు కొలెస్ట్రాల్ స్థాయిలను తగ్గించి.. మంచి కొలెస్ట్రాల్ స్థాయిలను పెంచడంలో సహాయపడుతుందని.. దీనివల్ల గుండె జబ్బుల ప్రమాదం తగ్గుతుందని నిపుణులు అంటున్నారు.
మంచి నిద్ర : వెల్లుల్లిలో ట్రిప్టోఫాన్ అనే అమైనో ఆమ్లం ఉంటుంది. ఇది సెరోటోనిన్‌ అనే హార్మోన్‌ను ఉత్పత్తి చేస్తుంది. దీనివల్ల అలసట దూరమై.. త్వరగా మంచి నిద్ర పడుతుందని నిపుణులు చెబుతున్నారు. కాబట్టి, మంచి నిద్ర కోసం రాత్రి వెల్లుల్లి రెబ్బలను తినాలని సూచిస్తున్నారు.
లైంగిక సమస్యలు తగ్గుతాయి : లైంగిక సమస్యలతో బాధపడేవారు రోజూ నైట్‌ వెల్లుల్లి తింటే మంచి ఫలితం కనిపిస్తుందట. ఇందులో ఉండే కొన్ని గుణాలు మన శరీరంలో టెస్టోస్టిరాన్‌ హార్మోన్‌ స్థాయులను పెంచుతాయని నిపుణులు చెబుతున్నారు. అలాగే రక్తప్రసరణ కూడా పెరుగుతుందట.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
ముల్తానీ మట్టి - ముఖాన్ని మాత్రమే కాదు జుట్టునూ మెరిపిస్తుంది! ఇలా వాడండి!
ఒత్తిడితో బుర్ర భేజా ఫ్రై అవుతుందా? మీ ఫుడ్లో ఇవి చేర్చుకుంటే క్షణాల్లో మటుమాయం!
