Benefits of Lemon Juice Turmeric Black Pepper Tea : సమ్మర్లో వచ్చే వివిధ ఆరోగ్య సమస్యల నుంచి ఉపశమనం పొందాలంటే బాడీని హైడ్రేట్గా ఉంచడం చాలా అవసరం. అయితే, వేసవిలో సాధారణ వాటర్ ఎంత తాగినా దప్పిక తీరదు. అలాకాకుండా నిమ్మరసం(Lemon Juice), పసుపు, మిరియాలతో ప్రిపేర్ చేసుకునే.. ఈ సమ్మర్ స్పెషల్ హెర్బల్ టీని తీసుకున్నారంటే వేసవి తాపం నుంచి ఉపశమనం పొందడమే కాకుండా.. బోలెడు ఆరోగ్య ప్రయోజనాలు పొందవచ్చంటున్నారు ఆరోగ్య నిపుణులు. ఇంతకీ, దానిని తాగడం వల్ల ఎలాంటి హెల్త్ బెనిఫిట్స్ లభిస్తాయో ఈ స్టోరీలో తెలుసుకుందాం.
రోగనిరోధక శక్తిని పెంచుతుంది : నిమ్మరసం, పసుపు, మిరియాలతో తయారుచేసుకునే ఈ హెర్బల్ టీ రోగనిరోధక శక్తిని పెంచడంలో చాలా బాగా ఉపయోగపడుతుందని నిపుణులు సూచిస్తున్నారు. ముఖ్యంగా నిమ్మరసంలో పుష్కలంగా ఉండే విటమిన్ సి, పసుపులో ఉండే యాంటీ ఇన్ఫ్లమేటరీ లక్షణాలు, మిరియాలలో ఉండే క్యాప్సైసిన్తో పాటు మరికొన్ని పోషకాలు రోగనిరోధక వ్యవస్థను బలపర్చడంలో సహాయపడుతాయని చెబుతున్నారు నిపుణులు.
జీర్ణక్రియను మెరుగుపరుస్తుంది : ఈ టీ లో ఉపయోగించే నిమ్మరసం జీర్ణ ఎంజైమ్‌ల ఉత్పత్తిని ప్రేరేపించి మెరుగైన జీర్ణక్రియకు సహాయపడుతుందని నిపుణులు సూచిస్తున్నారు. అలాగే పసుపు, నల్ల మిరియాలలో ఉండే పోషకాలు కడుపు ఉబ్బరం, గ్యాస్ ట్రబుల్ వంటి వాటిని తగ్గించడమే కాకుండా గట్ హెల్త్ను మరింత మెరుగుపరుస్తాయంటున్నారు.
మంచి డిటాక్సిఫికేషన్ డ్రింక్ : ఈ సమ్మర్ స్పెషల్ హెర్బల్ టీ మంచి డిటాక్సిఫికేషన్ డ్రింక్గా పనిచేస్తుందని నిపుణులు అంటున్నారు. అంటే.. శరీరంలోని వ్యర్థాలను తొలగించడంలో చాలా బాగా సహాయపడుతుందని చెబుతున్నారు. అంతేకాకుండా, శరీరాన్ని డీహైడ్రేషన్ బారిన పడకుండా కాపాడడంలో ఈ డ్రింక్ చాలా బాగా యూజ్ అవుతుందని నిపుణులు సూచిస్తున్నారు.
గుండె ఆరోగ్యానికి మేలు : నిమ్మరసం, పసుపులోని యాంటీఆక్సిడెంట్లు కొలెస్ట్రాల్ స్థాయిలను తగ్గించడం ద్వారా ధమనులలో అడ్డంకి ఏర్పడకుండా కాపాడతాయి. ఫలితంగా గుండె ఆరోగ్యానికి ఎంతో మేలు చేస్తాయని చెబుతున్నారు నిపుణులు. అంతేకాకుండా, నల్ల మిరియాలు రక్త ప్రసరణను మెరుగుపరుస్తాయని సూచిస్తున్నారు.
క్యాన్సర్ నుంచి డీహైడ్రేషన్ వరకు - తాటి ముంజలతో ఎన్నో బెనిఫిట్స్!
బరువు తగ్గడంలో సహాయపడుతుంది : ఈ హెర్బల్ టీ బరువు తగ్గడంలో చాలా బాగా సహాయపడుతుందని నిపుణులు సూచిస్తున్నారు. ముఖ్యంగా నిమ్మరసంలో ఉండే పెక్టిన్ ఫైబర్ అతిగా తినాలనే కోరికలను నియంత్రించి, కడుపు నిండిన భావనను కలగజేస్తుందని న్యూట్రసీ లైఫ్స్టైల్ వ్యవస్థాపకురాలు, న్యూట్రిషనిస్ట్ డాక్టర్ రోహిణి పాటిల్ పేర్కొన్నారు. అలాగే పసుపు జీవక్రియను పెంచుతుందని, నల్ల మిరియాలు కొవ్వును బర్న్ చేయడంలో సహాయపడతాయన్నారు. అదేవిధంగా.. 2019లో "అపెటైట్" అనే జర్నల్లో ప్రచురితమైన నివేదిక ప్రకారం.. 12 వారాల పాటు రోజుకు ఒకసారి ఈ హెర్బల్ టీ తీసుకున్న వారు సగటు 3శాతం శరీర కొవ్వును తగ్గించుకున్నారని వెల్లడైంది.
మెదడు ఆరోగ్యాన్ని మెరుగుపరుస్తుంది : నిమ్మరసంలో విటమిన్ సి ఉంటుంది. ఇది న్యూరోట్రాన్స్మిటర్ పనితీరుకు మద్దతు ఇచ్చి మానసిక స్థితి, అభిజ్ఞా పనితీరును మెరుగుపరుస్తుందని నిపుణులు చెబుతున్నారు. అలాగే పసుపు, మిరియాలలో ఉండే పోషకాలు మెదడు ఆరోగ్యాన్ని మెరుగుపర్చడంలో సహాయపడతాయని నిపుణులు సూచిస్తున్నారు.
ఈ హెర్బల్ టీ తయారీ విధానం:
- ఒక గ్లాసులో అర టీస్పూన్ పసుపు, 1 టేబుల్ స్పూన్ నిమ్మరసం, పావు టీ స్పూన్ నల్ల మిరియాల పొడి వేసి బాగా కలుపుకోవాలి.
- ఇప్పుడు ఆ మిశ్రమంలో ఓ కప్పు వేడి నీరు పోసి కలపుకోవాలి. అంతే హెర్బల్ టీ రెడీ.
- రుచి కోసం, మీరు 1/2 టీస్పూన్ తేనె కూడా యాడ్ చేసుకోవచ్చు.
- ఈ షాట్ని రోజుకు ఒకసారి ఉదయం ఖాళీ కడుపుతో తాగడం మంచిది.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
సమ్మర్లో ఈ పదార్థాలు అస్సలు తినకండి - తీవ్ర అనారోగ్య సమస్యలు గ్యారెంటీ!
