Chia Seeds Recipes for Weight Loss : నేటి ఉరుకుల పరుగుల జీవితంలో మారిన జీవనశైలి కారణంగా చాలా మంది అధిక బరువు సమస్యను ఎదుర్కొంటున్నారు. నిజానికి బరువు పెరగడం తేలిక.. కానీ, దాన్ని తగ్గించుకోవడమే పెద్ద సవాల్. ఈ క్రమంలోనే ఎక్కువ మంది త్వరగా వెయిట్ తగ్గి స్లిమ్గా, ఫిట్గా మారడానికి ఏవేవో ప్రయత్నాలు చేస్తుంటారు. అయినా ఫలితం అంతంతమాత్రంగానే కనిపిస్తోంది. అలాంటివారు తమ రోజువారి డైట్లో చియా సీడ్స్(Chia Seeds)తో ప్రిపేర్ చేసే ఈ రెసిపీలను చేర్చుకున్నారంటే వేగంగా బరువు తగ్గడమే కాదు ఆరోగ్యంగా ఉంటారని సూచిస్తున్నారు. ఇంతకీ, ఆ రెసిపీలు ఏంటో ఈ స్టోరీలో తెలుసుకుందాం.
చియా సీడ్స్తో ప్రిపేర్ చేసుకునే ఈ రెసిపీలు ఏంటంటే..
చియా సీడ్స్ వాటర్ : వెయిట్ లాస్ అవ్వడానికి చియా సీడ్స్ వాటర్ చాలా ఎఫెక్టివ్గా పనిచేస్తుందంటున్నారు నిపుణులు. ఇందుకోసం 1/4 కప్పు (40 గ్రాములు) చియా విత్తనాలను 4 కప్పుల (1 లీటర్) నీటిలో 20 నుండి 30 నిమిషాలు నానబెట్టుకోవాలి. ఆ తర్వాత అవి జెల్గా మారుతాయి. అలా తాగేయొచ్చు. లేదంటే టేస్ట్ కోసం నిమ్మరసం లేదా నారింజ జ్యూస్ వంటివి యాడ్ చేసుకుని తాగవచ్చు.
స్మూతీలు : చియా విత్తనాలతో స్మూతీలు ప్రిపేర్ చేసుకుని తాగినా మంచి ప్రయోజనాలు పొందవచ్చంటున్నారు ఆరోగ్య నిపుణులు. మీకు నచ్చిన పండ్లను ముక్కలుగా చేసుకొని మిక్సీ జార్లో వేసుకొని పాలు, చియా గింజలను యాడ్ చేసుకొని జ్యూస్లా పట్టుకోవాలి. అవసరమైతే రుచికోసం కాస్త తేనెను యాడ్ చేసుకోవచ్చు. ఇవి శరీరానికి కావాల్సిన పోషకాలను సమృద్ధిగా అందించడంతో పాటు బరువు తగ్గడానికి చాలా బాగా ఉపయోగపడతాయని చెబుతున్నారు నిపుణులు.
అధిక బరువుతో ఇబ్బంది పడుతున్నారా? - ఈ కూరగాయలు తింటే ఈజీగా వెయిట్ లాస్!
పాన్కేక్స్ : మీరు పాన్‌కేక్ ప్రియులైతే చియా గింజలతో కూడిన పాన్‌కేక్‌లు కూడా బరువు తగ్గడంలో చాలా బాగా పనిచేస్తాయంటున్నారు నిపుణులు. ఇందుకోసం చియా గింజలు, గోధుమ పిండి, అరటిపడు గుజ్జు కలిపి మృదువైన పిండిని తయారు చేసుకోవాలి. ఆ తర్వాత దాంతో పాన్కేక్లను ప్రిపేర్ చేసుకోవాలి. ఆపై చియా విత్తనాలు, వెన్న, మాపుల్ సిరప్‌ను అదనపు రుచి కోసం గార్నిష్ చేసుకొని తినేయండి.
ఓట్మీల్ : చియాసీడ్స్తో ప్రిపేర్ చేసుకునే ఓట్మీల్తో బోలెడు ఆరోగ్యప్రయోజనాలు లభిస్తాయంటున్నారు నిపుణులు. ఈ రెసిపీలో కూడా శరీరానికి కావాల్సిన పోషకాలు అందుతాయి. ఇందుకోసం ముందుగా ఒక బౌల్లో 1 కప్పు పాలు తీసుకొని కాస్త వేడి అయ్యాక 1/2 కప్పు ఓట్స్ యాడ్ చేసుకొని ఆ మిశ్రమాన్ని మరిగించుకొని దానిని గ్లాసులోకి తీసుకోవాలి. ఆ తర్వాత దానికి 1 అరటిపండును ముక్కలు చేసి, ఒక టేబుల్స్పూన్ చియా సీడ్స్ కలుపుకోవాలి. అవసరమైతే అదనపు రుచి కోసం కాస్త తేనె, నట్స్, బెర్రీలు, మాపుల్ సిరప్ యాడ్ చేసుకొని తీసుకోవాలి.
పుడ్డింగ్ : చియా విత్తనాలతో పుడ్డింగ్ను సులభంగా ప్రిపేర్ చేసుకోవచ్చు. ఇందుకోసం ముందు రోజు రాత్రి.. బాదం, సోయా లేదా కొబ్బరి పాలతో చియా గింజలను కలిపి చియా సీడ్ పుడ్డింగ్ను తయారు చేసుకోవాలి. పుడ్డింగ్కు తియ్యదనాన్ని కల్పించడానికి తేనె లేదా మాపుల్ సిరప్‌ను యాడ్ చేసుకోవాలి. ఆ తర్వాత గట్టి పడటానికి రాత్రంతా రిఫ్రిజిరేటర్‌లో ఉంచాలి. తినే ముందు బెర్రీలు, బాదం గార్నిష్ చేసుకుని తినేయడమే.
ఇక ప్రయోజనాలు చూస్తే.. చియా విత్తనాలలో ఫాస్పరస్, మాంగనీస్, మెగ్నీషియం, కాల్షియం, ఒమేగా-3 కొవ్వు ఆమ్లాలు, కొవ్వు, ప్రోటీన్, ఫైబర్ వంటి పోషకాలు సమృద్ధిగా ఉంటాయి. అలాగే, ఇందులో యాంటీఆక్సిడెంట్లు అధికంగా ఉంటాయి. ఈ గింజలు పరిమాణంలో చిన్నగా ఉన్నప్పటికీ అధిక ఆరోగ్య ప్రయోజనాలను అందిస్తాయి. వీటిలో పీచు పదార్థం ఎక్కువ ఉండటం వల్ల జీర్ణక్రియ మెరుగుపడుతుంది. 2017లో Nutrition Reviews జర్నల్లో ప్రచురితమైన అధ్యయనం ప్రకారం.. ఈ గింజలలో ఉండే పోషకాలు గుండె ఆరోగ్యాన్ని మెరుగుపరచడానికి, రక్తంలో చక్కెర స్థాయిలను నియంత్రించడానికి, బరువు తగ్గడానికి సహాయపడతాయని తేలింది.
బరువు తగ్గడానికి వాకింగ్‌ చేస్తున్నారా? ఇలా చేస్తే మీ శ్రమ అంతా వృథా!
