How To Make Soya Dosa Recipe At Home : మారిన జీవనశైలి కారణంగా ఈరోజుల్లో చాలా మంది వయసుతో సంబంధం లేకుండా డయాబెటిస్తో బాధపడుతున్నారు. దీంతో షుగర్ బాధితులుకఠినమైన ఆహార నియమాలు పాటిస్తూ నోటిని కట్టేసుకుంటుంటారు. ఏ ఆహారం తిందామన్నా ఎక్కడ షుగర్ లెవల్స్ పెరుగుతాయో అనే భయంతో వెనకాడుతుంటారు. అలాంటి వారికి ఎంతో మేలు చేసే ఒక స్పెషల్ బ్రేక్ఫాస్ట్ రెసిపీని పట్టుకొచ్చాం. అదే.. సోయా దోశ(Soya Dosa).
ఈ దోశ తయారీ కోసం ఎక్కువ సమయం కూడా పట్టదు. చాలా ఈజీగా ప్రిపేర్ చేసుకోవచ్చు. పైగా టేస్ట్ అద్భుతంగా ఉంటుంది. అంతేకాదు.. ఈ దోశ రెసిపీలో షుగర్ లెవల్స్ పెంచే ఆహార పదార్థాలు లేవు! కాబట్టి డయాబెటిస్(Diabetes) ఉన్నవారు సోయా దోశను ఎలాంటి ఇబ్బంది లేకుండా తినవచ్చంటున్నారు నిపుణులు. ఇంతకీ, సోయా దోశ తయారీకి కావాల్సిన పదార్థాలేంటి? ఎలా ప్రిపేర్ చేసుకోవాలి? అనే వివరాలు ఈ స్టోరీలో తెలుసుకుందాం.
కావాల్సిన పదార్థాలు :
- ఒక కప్పు - సోయా పాలు
- పావు కప్పు - గోధుమపిండి
- సరిపడినంత - నూనె
- రుచికి సరిపడా - ఉప్పు
- చిటికెడు - బేకింగ్ సోడా
- 1 టీస్పూన్ - జీలకర్ర
- కొద్దిగా - పచ్చిమిర్చి తరుగు
- అరకప్పు - ఉల్లిపాయ తరుగు
- కొద్దిగా - కొత్తిమీర తరుగు
షుగర్ బాధితులకు దివ్యౌషధం - ఈ "మసాలా కాకరకాయ" తింటే వెంటనే నార్మల్ అయిపోతుంది!
తయారీ విధానం :
- ఇందుకోసం ముందుగా రెసిపీలోకి కావాల్సిన ఉల్లిపాయలు, పచ్చిమిర్చిని సన్నగా కట్ చేసుకొని పక్కన ఉంచుకోవాలి. అలాగే కొత్తిమీరను తరుక్కోవాలి.
- ఇప్పుడు ఒక బౌల్లో గోధుమ పిండి, సోయా పాలు పోసుకొని బాగా మిక్స్ చేసుకోవాలి.
- ఆ విధంగా కలుపుకున్నాక.. ఆ మిశ్రమంలో ముందుగా తరిగిపెట్టుకున్న ఉల్లి, పచ్చిమిర్చి తరుగు, బేకింగ్ సోడా, జీలకర్ర, రుచికి సరిపడా ఉప్పు ఒక్కొక్కటిగా యాడ్ చేసుకోవాలి.
- ఆపై మిశ్రమంలో తగినన్ని వాటర్ యాడ్ చేసుకుంటూ.. దోశలు వేయడానికి వీలుగా పిండిని ప్రిపేర్ చేసుకోవాలి. ఆ తర్వాత పిండిని 15 నిమిషాల పాటు పక్కన ఉంచి అనంతరం దోశలు వేసుకోవాలి.
- ఇలా ప్రిపేర్ చేసుకున్న దోశలను టమాటా చట్నీ, కొబ్బరి చట్నీ, సాంబార్.. ఇలా దేనితో తిన్నా సూపర్ టేస్టీగా ఉంటాయి.
- మరి, ఇంకెందుకు ఆలస్యం మీరూ ఆరోగ్యానికి మేలు ఈ దోశలను ఇప్పుడే ఓ ట్రై చేసి.. టేస్ట్ చేయండి.
రీసెర్చ్ : మీ ఒంట్లో షుగర్ ఎంత ఉన్నా- లవంగాలు ఇలా తీసుకుంటే చాలు! - దెబ్బకు నార్మల్ అయిపోతుంది!
