Besan For Weight Loss : బరువు తగ్గాలనుకునే వారి కష్టాలు అన్నీ ఇన్నీ కావు. కొందరు కొన్ని ఆహార పదార్థాలు తింటే త్వరగా బరువు తగ్గుతారు అనే చెబితే, మరికొందరు అవే పదార్థాలు తినడం వల్ల బరువు పెరుగుతారని అంటుంటారు. వీటిలో ఏది నిజమో ఏది అబద్దమో తెలియక, ఏం తినాలో, ఏం తినకూడదో అర్థం కాక అయోమయం అవుతుంటారు వెయిట్ లాస్. బరువు తగ్గించడం విషయంలో ఇలా రెండు రకాల అభిప్రాయాలు కలిగిన ఆహార పదార్థాల్లో శనగపిండి ఒకటి. ఇది బరువు తగ్గిస్తుందని చాలామంది చెబుతారు. అలాగే బరువు పెంచేస్తుందని ఇంకొందరు అభిప్రాయపడతారు. దీంట్లో ఏది నిజమో మనమూ ఇప్పుడు తెలుసుకుందాం.
బ్రెడ్, కేకులతో పాటు స్వీట్లు, డెజర్టులు వంటి రకరకాల ఆహారాల తయారీలో ఉపయోగించే శనగపిండి బరువు తగ్గాలనుకునే వారికి కచ్చితంగా ఉపయెగపడుతుందని నిపుణులు చెబుతున్నారు. అదెలా అంటే?
ప్రొటీన్లు ఎక్కువే
శనగపిండిలో ఎక్కువగా లభించే ప్రొటీన్లు కణజాలాల నిర్మాణానికి, మరమ్మతుకు చాలా అవసరం. అలాగే అధిక ప్రొటీన్ల కారణంగా శనగపిండి కడుపుకు తృప్తినిచ్చి ఆకలిని నియంత్రించడంలో, కేలరీలను తగ్గించడంలో సహాయపడుతుంది.
ఫైబర్
ఫైబర్ అధికంగా కలిగి ఉండే శనగపిండి తక్కువ ఆహారం తీసుకున్నా ఎక్కువ సంతృప్తినిస్తుంది. అతిగా తినడాన్ని నిరోధిస్తుంది. కేలరీల వినియోగాన్ని కూడా తగ్గించి బరువు నిర్వహణలో సహాయపడుతుంది.
అరుగుదల
శనగపిండిలోని ఫైబర్ ప్రేగుల కదలికలను పెంచి జీర్ణక్రియను మెరుగుపరుస్తుంది. మొత్తం ఆరోగ్య శ్రేయస్సుకు, పోషకాల శోషణకు జీర్ణ వ్యవస్థ ఆరోగ్యంగా ఉండటం చాలా అవసరం. ఇది బరువు తగ్గించేవారికి పరోక్షంగా మద్దతు ఇస్తుంది.
మజిల్ మాస్
ప్రోటీన్ కంటెంట్ ఎక్కువగా ఉండే బేసన్ బరువు తగ్గాలనుకునే వారికి మజిల్ మాస్కు తోడ్పడుతుంది. కండరాలు సన్నగా, మంచి ఆకృత్రికి వచ్చేలా చేస్తుంది. జీవక్రియ ఆరోగ్యాన్ని మెరుగుపరచడం సహా దీర్ఘకాలం బరువును నియంత్రించడంలో సహాయపడుతుంది.
గ్లైసిమిక్ ఇండెక్స్
తక్కువ గ్లైసిమిక్ ఇండెక్స్ ఉన్న ఆహారాలు నెమ్మదిగా జీర్ణమవుతాయి. రక్తంలో చక్కెర స్థాయిలను క్రమంగా పెంచుతాయి. శనగపిండి తక్కువ గ్లైసిమిక్ ఇండెక్స్ కలిగి ఉండి రక్తంలో చక్కెర స్థాయిలను నియంత్రిస్తుంది. ఆకలిని తగ్గిస్తుంది.
గ్లూటెన్ రహితం
శనగపిండి సహజంగానే గ్లూటెన్ రహిత ఆహార పదార్థం. ఇది గ్లూటెన్ సెన్సివిటీలు, ఉదరకుహన వ్యాధులు ఉన్నవారికి మంచి ఆహర పదార్థంగా చెప్పచ్చు. బరువు తగ్గాలనుకునే వారికి శనగపిండి మంచి ఆహారంగా పనిచేస్తుంది.
పోషకాల గని
విటమిన్లు, మినరల్స్ సహా ఫొలేట్, మెగ్నీషియం, ఐరన్, యాంటీ ఆక్సిడెంట్లు కలిగిన శనగపిండి. బరువు తగ్గించడం సహా మొత్తం ఆరోగ్యాన్ని మెరుగుపరిచేందుకు సహాయపడుతుందట.
బరువు పెంచడమూ నిజమే!
అవును. కొందరు అభిప్రాయపడుతున్నట్లు శనగపిండి బరువు పెంచేందుకు కూడా కారణమవుతుంది. కానీ అది ఎక్కువగా తీసుకున్న సందర్భాల్లో మాత్రమే. శనగపిండి విషయంలో మనం గుర్తించుకోవాల్సిన విషయం ఏంటంటే మితంగా తింటే బరువు తగ్గేందుకు అమితంగా తింటే బరువు పెరిగేందుకు దోహదపడుతుంది.
ముఖ్యగమనిక: ఇక్కడ మీకు అందించిన సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య, నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
పచ్చి మామిడికాయలు తింటే వెయిట్ లాస్- ఈ లాభాలు తెలుసా? - Benefits of Eating Raw Mango
