Easy Ways To Clean Bathroom Tiles : ఇంటిని శుభ్రం చేయడం ఒక ఎత్తయితే బాత్రూమ్ని శుభ్రం చేయడం మరో ఎత్తు. ఎందుకంటే, ఇల్లంతా క్లీన్ చేసినా రాని అలుపు.. ఒక్క బాత్రూమ్ కడిగితే వస్తుంది. అయితే మనలో చాలా మంది బాత్‌రూమ్‌ను ఎవరు చూస్తారులే అని ఏదో అలా కడిగి కడగనట్లుగా శుభ్రం చేస్తుంటారు. ఇక కొద్దిమంది అయితే బాత్రూమ్ మొత్తం క్లీన్ చేసినా.. టైల్స్ విషయంలో మాత్రం నిర్లక్ష్యం వహిస్తారు. దీనివల్ల టైల్స్పై సబ్బు నీళ్లు, దుమ్ము, ధూళి పేరుకుపోయి.. ఆ ప్లేస్ అంతా డర్టీగా తయారవుతుంది. దీనివల్ల అనేక రకాల అనారోగ్య సమస్యలు వచ్చే అవకాశం కూడా ఉంటుంది. మరికొద్దిమంది టైల్స్ను క్లీన్ చేయడానికి బయట మార్కెట్లో లభించే క్లీనర్స్ యూజ్ చేస్తుంటారు. ఇకపై అలా కాకుండా.. ఇంట్లో తయారు చేసిన క్లీనర్స్తో బాత్రూమ్ టైల్స్ను క్లీన్ చేస్తే.. కొత్త వాటిలా తళతళా మెరిసిపోతాయి..
బాత్రూమ్ టైల్స్ను ఇలా మెరిపించండి.. ఇంట్లో ఉండే వెనిగర్, నిమ్మరసం వంటి వాటితో బాత్రూమ్ టైల్స్ను మెరిపించడంతో పాటు.. వంటింట్లో ఉండే టైల్స్ను కూడా శుభ్రం చేసుకోవచ్చు. అది ఎలాగంటే..
వెనిగర్ : బాత్రూమ్ టైల్స్పై ఉండే మురికిని తొలగించడంలో వెనిగర్ మంచి క్లీనింగ్‌ ఏజెంట్‌గా పని చేస్తుంది. దీనిని ఉపయోగించడం వల్ల బాత్‌రూమ్‌లో దుర్వాసన కూడా తొలగిపోతుంది. వెనిగర్‌తో టైల్స్ను క్లీన్ చేయడానికి ముందుగా ఒక కప్పులో ఐదు టేబుల్ స్పూన్ల వెనిగర్‌ను తీసుకోండి. తర్వాత అందులోకి 5 టేబుల్ స్పూన్ల నీటిని యాడ్‌ చేయండి. ఇప్పుడు ఒక స్క్రబ్బర్‌ సహాయంతో టైల్స్ను తుడవండి. టైల్స్ ఆరిన తర్వాత అవి మెరుస్తుంటాయి.
నిమ్మరసం : నిమ్మకాయలో ఉండే ఆమ్ల లక్షణాలు టైల్స్ను తళతళా మెరిసేలా చేస్తాయి. ఇది మంచి క్లీనర్‌గా పనిచేస్తుంది. ముందుగా ఒక స్ప్రే బాటిల్‌ను తీసుకోండి. అందులో వాటర్ నింపి.. రెండు లేదా మూడు నిమ్మకాయలను కట్‌ చేసి, ఆ రసాన్ని స్ప్రే బాటిల్‌లో పోసి.. టైల్స్పై చల్లి, బ్రష్‌తో శుభ్రంగా క్లీన్ చేయండి. దీంతో అవి కొత్త వాటిలా మారతాయి.
వంట సోడా : టైల్స్ను శుభ్రం చేయడంలో బేకింగ్‌ సోడా కూడా ప్రభావవంతంగా పని చేస్తుంది. ముందుగా ఒక టీస్పూన్‌ లిక్విడ్‌ డిష్‌ సోప్‌లో వంటసోడా, హైడ్రోజన్ పెరాక్సైడ్ కలపండి. తర్వాత ఆ మిశ్రమాన్ని ఒక స్ప్రే బాటిల్‌లో పోసి టైల్స్పై చల్లండి. పది నిమిషాల తర్వాత బ్రష్‌ సహాయంతో లేదా స్పాంజితో టైల్స్ను శుభ్రం చేయండి.
బ్లీచ్ : బ్లీచింగ్ పౌడర్‌ వల్ల ఎన్ని ఉపయోగాలున్నాయో మనందరికీ తెలిసిందే. మీరు కూడా ఈ సారి టైల్స్ను శుభ్రం చేయడానికి ఒకసారి బ్లీచింగ్ పౌడర్‌ను ట్రై చేయండి. అంతే, మరకలు, దుర్వాసన అన్నీ దూరమవుతాయి. ముందుగా గోరు వెచ్చని నీటిని తీసుకుని అందులో బ్లీచ్ పౌడర్‌ను వేయండి. తర్వాత ఆ నీటిని ఒక స్ప్రే బాటిల్‌లో పోసి.. టైల్స్పై చల్లండి. ఒక బ్రష్‌ సహాయంతో టైల్స్ను క్లీన్ చేయండి.
వాటర్ బాటిల్స్ క్లీన్ చేయడం కష్టంగా ఉందా? ఈ టిప్స్ పాటిస్తే చాలా ఈజీ!
వాస్తు ప్రకారం మీ ఇంటిని ఇలా క్లీన్ చేయండి - దోషాలన్నీ తొలగిపోతాయ్!
