Yash Toxic Movie : శాండల్వుడ్ స్టార్ హీరో యశ్, 'ఆకాశం నీ హద్దురా' ఫేమ్ డైరెక్టర్ గీతూ మోహన్‌దాస్‌ కాంబినేషన్‌లో రానున్న పాన్ ఇండియా మూవీ 'టాక్సిక్'. యశ్ బర్త్డే సందర్భంగా విడుదలైన టైటిల్ రివీల్ వీడియోతో ఈ చిత్రంపై భారీ అంచనాలే నెలకొన్నాయి. అయితే ఈ సినిమాలో ఎవరెవరు నటిస్తున్నారన్న విషయంపై రోజుకో రూమర్ నెట్టింట చక్కర్లు కొడుతోంది.
అదేంటంటే ఈ మూవీలో తొలుత బెబో కరీనా కపూర్ యశ్కు జోడీగా నటిస్తారని అన్నారు. కానీ ఆ తర్వాత ఆ రూమర్స్లో ఏమాత్రం నిజం లేదని స్వయంగా హీరోయినే క్లారిటీ ఇచ్చారు. ఆ తర్వాత ఇప్పుడేమో యశ్ సరసన బాలీవుడ్ బ్యూటీ కియారా అడ్వాణీ పేరు ఫిక్స్ అయినట్లు తెలుస్తోంది.
ఇదిలా ఉండగా, ఈ సినిమాలోని సెకెండ్ లీడ్ కోసం మరో బీటౌన్ బ్యూటీని మేకర్స్ ఎంపిక చేసినట్లు తెలుస్తోంది. 'స్టూడెంట్ ఆఫ్ ద ఇయర్-2' హీరోయిన్ తారా సుతారియాను సెకెండ్ సీడ్గా ఫిక్స్ చేసినట్లు సినీ వర్గాల టాక్. ఇప్పటికే ఈ విషయం గురించి తారాతోనూ సంప్రదింపులు జరిగినట్లు సమాచారం.
మరోవైపు యశ్ సోదరి పాత్రలో కోలీవుడ్ లేడీ సూపర్స్టార్ నయనతార నటించనుండగా, ఆమెతో పాటు నెగిటివ్ షేడ్స్ ఉన్న ఓ పాత్రలో బాలీవుడ్ హీరోయిన్ హుమా ఖురేషీ నటించనున్నట్లు సమాచారం. దీంతో ఈ సినిమాలో నటించేవారి లిస్ట్ పవర్ఫుల్గా ఉండనున్నట్లు సమాచారం
ఇక టాక్సిక్ విషయానికి వస్తే, 1950 - 1970 మధ్య కాలంలో జరిగే డ్రగ్‌ మాఫియా బ్యాక్డ్రాప్తో ఈ సినిమా రూపొందుతోన్నట్లు సమాచారం. ఇందులో యశ్ స్టైలిష్‌ గ్యాంగ్‌స్టర్‌గా కనిపించనున్నారట. అందుకోసమే తాజాగా తన కొత్త లుక్తో అభిమానులను సర్ప్రైజ్ చేశారు. పూర్తి రగ్గ్డ్గా కనిపించి ఆకట్టుకున్నారు.
కేవీఎన్‌ ప్రొడక్షన్స్, మాన్‌స్టర్‌ మైండ్‌ క్రియేషన్స్‌ సంస్థలు ఈ చిత్రాన్ని సంయుక్తంగా నిర్మిస్తున్నాయి. ఇప్పటికే ఈ చిత్రం రెండు షెడ్యూల్స్‌ పూర్తి చేసుకుంది. సెప్టెంబరు నుంచి మరో కొత్త షెడ్యూల్‌ ప్రారంభం కానున్నట్లు సమాచారం. పాన్ ఇండియా లెవెల్లో వచ్చే ఏడాది ఏప్రిల్‌ 10న ఈ మూవీ థియేటర్లలోకి రానుంది.
అనంత్-రాధిక వెడ్డింగ్లో హీరో యశ్ కొత్త లుక్ - సోషల్ మీడియా షేక్! - KGF Yash Stylish Look
