Vijay Thalapathy Heroine Rambha Family Photos : హీరోయిన్ రంభ గురించి చాలా మంది తెలుగు ప్రేక్షకులకు తెలిసే ఉంటుంది. ఒకప్పుడు టాలీవుడ్లో అగ్ర హీరోయిన్గా పేరు పొందిన వారిలో ఆమె కూడా ఒకరు. ముఖ్యంగా ఆమె అందానికి ప్రతిఒక్కరూ ఫిదా అవ్వాల్సిందే. అంతటి అందం ఆమె సొంతం. అల్ట్రా మోడరన్గా కనిపించినా, బికినీ వేసినా, చీర కట్టినా ఈమెకే చెల్లింది.
తెలుగులో ఇ.వి.వి.సత్యనారాయణ తెరకెక్కించిన ఆ ఒక్కటీ అడక్కు సినిమాతో పరిచయమైన ఈ భామ ఆ తర్వాత ఎన్నో సూపర్ హిట్ సినిమాల్లో నటించి మెప్పించింది. అల్లరి ప్రేమికుడు, అల్లుడా మజాకా, బావగారూ బాగున్నారా, బొంబాయి ప్రియుడు ఇలా ఎన్నో సినిమాల్లో నటించి మెప్పించింది. హీరోయిన్గానే కాదు స్పెషల్ సాంగ్స్లోనూ చిందులేసి మెప్పించింది. కానీ పెళ్లి తర్వాత రంభ సినిమాలకు దూరమైంది. మలేషియాకు చెందిన వ్యాపారవేత్తను వివాహం చేసుకుంది.
అయితే తాజాగా ఈ భామ కోలీవుడ్ స్టార్ హీరో విజయ్ దళపతితో కలిసి దిగిన ఫొటోలను సోషల్ మీడియాలో పోస్ట్ చేసింది. ఆమె కుటుంబమంతా కలిసి దళపతితో ఫొటోలు దిగారు. రంభకు ఇద్దరు కుమార్తెలు, ఓ కుమారుడు ఉన్నారు. ఆ పిక్స్నే ఆమె నెట్టింట్లో షేర్ చేసింది. ప్రస్తుతం ఈ పిక్స్ ట్రెండ్ అవుతున్నాయి. ఈ పిక్స్లో రంభ పెద్ద కూతురు కూడా నెటిజన్ల దృష్టిని ఆకర్షించింది. అచ్చం తల్లిలానే ఎంతో అందంగా కనిపించిందని నెటిజన్లు కామెంట్లు పెడుతున్నారు.
Vijay Thalapathy GOAT Movie : ఇకపోతే విజయ్ దళపతి ప్రస్తుతం గోట్( గ్రేటెస్ట్‌ ఆఫ్‌ ఆల్‌ టైమ్‌) చిత్రంలో నటిస్తున్నారు. మీనాక్షి చౌదరి విజయ్‌కి జోడీగా నటిస్తోంది. ప్రశాంత్‌, ప్రభుదేవా, స్నేహ, లైలా తదితరులు సినిమాలో కీలక పాత్రలు పోషిస్తున్నారు. యువన్‌ శంకర్‌రాజా సంగీతం అందించారు. ఈ సైన్స్‌ ఫిక్షన్‌ యాక్షన్‌ చిత్రాన్ని ఏజీఎస్‌ ఎంటర్‌టైన్‌మెంట్‌ సంస్థ నిర్మిస్తోంది. వెంకట్ ప్రభు దర్శకత్వం వహిస్తున్నారు. సినిమాలో విజయ్ కోసం ప్రత్యేకంగా డీ-ఏజింగ్‌ టెక్నాలజీ వాడి పాతికేళ్ల కుర్రాడిగా చూపిస్తున్నారు. ఈ చిత్రం సెప్టెంబర్‌ 5న ప్రేక్షకుల ముందుకురానుంది.
మతిపోయే రేంజ్లో విజయ్ 'GOAT' రైట్స్ - Vijay Thalapathy Goat
ఇప్పుడే అసలు ఆట మొదలైంది! : వరలక్ష్మీ శరత్‌కుమార్‌ - Varalaxmi Nicholai Sachdev
