విజయ్ 'మహారాజ' అరుదైన ఘనత- బాలీవుడ్ సినిమాల్ని వెనక్కినెట్టి రికార్డ్​ - Vijay Sethupathi Maharaja

Vijay Sethupathi Maharaja: విజయ్ సేతుపతి రీసెంట్​గా 'మహారాజ' సినిమాతో భారీ విజయం అందుకున్నారు. అయితే ఈ సినిమా తాజాగా మరో అరుదైన ఘనత సాధించింది.

Vijay Sethupathi Maharaja: కోలీవుడ్ స్టార్ హీరో విజయ్ సేతుపతి 50వ సినిమాగా తెరకెక్కిన 'మహారాజ' భారీ విజయం సాధించింది. జూన్ 14న రిలీజైన ఈ సినిమా అన్ని వర్గాల ప్రేక్షకులను మెప్పించి బాక్సాఫీస్ వద్ద కాసుల వర్షం కురిపించింది. వరల్డ్​వైడ్​గా రూ.100కోట్ల మార్క్ దాటింది. అనేక రికార్డులు బద్దలుకొట్టిన ఈ మూవీ గతనెల నుంచి ప్రముఖ ఓటీటీ వేదిక నెట్​ఫ్లిక్స్​లో స్ట్రీమింగ్ అవుతోంది. ఈ క్రమంలోనే మహారాజ అరుదైన ఘనత సాధించింది.

ఓటీటీలో రిలీజై ఆరు వారాలు గడుస్తున్నా మహారాజ నెట్​ఫ్లిక్స్​లో టాప్ ట్రెండింగ్​లోనే కొనసాగుతోంది. ఈ క్రమంలోనే 2024లో నెట్​ఫ్లిక్స్​లో అత్యధిక మంది చూసిన సినిమాగా రికార్డ్ కొట్టింది. 18.6మిలియన్ వ్యూస్​తో నెట్​ఫ్లిక్స్​ 2024లో టాప్​లో నిలిచింది. ఇదివరకు ఈ రికార్డు 17.9మిలియన్లు క్రూ (Crew) సినిమాపై ఉండేది. వీటి తర్వాత లాపతా లేడీస్ (Laapataa Ladies) 17.1 మిలియన్లు మూవీని అత్యధిక మంది వీక్షించారు.

కాగా, ఈ సినిమాకు డైరెక్టర్ నిథిలన్ సామినాథన్ దర్శకత్వం వహించారు. భారీ గ్రాఫిక్స్​తో పనిలేకుండా సింపుల్​గా ఫ్యామిలీ ఎమోషన్ డ్రామాగా ఈ సినిమా తెరకెక్కింది. అనురాగ్ కశ్యప్, మమతా మోహన్​దాస్, భారతీరాజా, అభిరామ్ తదితరులు ఈ సినిమాలో నటించారు. సుదన్ సుందరం, జగదీశ్ పళనిస్వామి సంయుక్తంగా నిర్మించిన ఈ సినిమాకు అజనీశ్ లోక్​నాథ్ మ్యూజిక్ అందించారు.

A Blockbuster everywhere 🔥#Maharaja becomes the most viewed Indian movie on @NetflixIndia in 2024 💥#MegaBlockBusterMaharaja#MakkalSelvan @VijaySethuOffl

Written and Directed by @Dir_Nithilan@anuragkashyap72 @mamtamohan @Natty_Nataraj @Abhiramiact@AjaneeshB @Philoedit… pic.twitter.com/TfvQOAVI1h

— Passion Studios (@PassionStudios_) August 21, 2024

స్టోరీ ఏంటంటే?
మ‌హారాజా (విజ‌య్ సేతుప‌తి) ఓ బార్బ‌ర్‌. ఒక‌ ప్ర‌మాదంలో తన భార్య‌ను పోగొట్టుకుంటాడు. దీంతో అత‌డు తన కుమార్త జ్యోతితో క‌లిసి సిటీకి దూరంగా ఉన్న ఓ ఇంట్లో నివసిస్తుంటాడు. అయితే ఓ రోజు ఒంటి నిండా గాయాల‌తో మ‌హారాజా పోలీస్‌స్టేష‌న్​కు వెళ్తాడు. ముగ్గురు ఆగంత‌కులు త‌న ఇంట్లోకి చొర‌బ‌డి త‌న‌పై దాడి చేశార‌ని అంటాడు. ఈ క్ర‌మంలోనే త‌మ బిడ్డ ప్రాణాల్ని కాపాడిన ల‌క్ష్మిని ఎత్తుకెళ్లిపోయార‌ని, ఎలాగైనా ఆ ల‌క్ష్మిని వెతికి పెట్ట‌మ‌ంటూ పోలీసుల‌కు కంప్లైంట్ ఇస్తాడు. మ‌రి మ‌హారాజా చెప్పిన ఆ ల‌క్ష్మి ఎవ‌రు? అతడి ఫిర్యాదును స్వీక‌రించ‌డానికి పోలీసులు తొలుత ఎందుకు నిరాకరించారు? అస‌లు మ‌హారాజ‌పై దాడి చేసిన ఆ ముగ్గురు ఎవ‌రు? వాళ్లకు అత‌నికి ఉన్న విరోధం ఏంటి? ఇటువంటి విషయాలు సినిమా చూసి తెలుసుకోవాల్సిందే!