'విధి అతడి కోసం వేచి ఉంది' - 'VD 12' రిలీజ్​ ఎప్పుడంటే? - VD 12 Release Date

VD 12 Release Date : విజయ్ దేవరకొండ 'VD 12' రిలీజ్​ డేట్​ను మేకర్స్ రివీల్ చేశారు. ఇంతకీ ఈ సినిమా థియేటర్లలోకి ఎప్పుడు రానుందంటే?

VD 12 Release Date : రౌడీ హీరో విజయ్ దేవరకొండ, స్టార్ డైరెక్టర్ గౌతమ్ తిన్ననూరి కాంబినేషన్​లో తెరకెక్కుతున్న 'VD 12' నుంచి ఓ సాలిడ్ పోస్టర్​ను మేకర్స్ తాజాగా విడుదల చేశారు​. అందులో విజయ్ వర్షంలో తడుస్తున్న ఓ కొత్త లుక్​లో కనిపించి ఆకట్టుకున్నారు. ఇక ఈ సినిమా టైటిల్​ను ఈ నెలలో (ఆగస్టు) విడుదల చేస్తున్నట్లు పేర్కొన్న మేకర్స్, 2025 మార్చి 28న ఈ సినిమాను ప్రపంచవ్యాప్తంగా విడుదల చేస్తున్నట్లు ప్రకటించారు.

అయితే గతంలో ఈ సినిమాలో విజయ్ ఓ సూపర్ పోలీస్ ఆఫీసర్​గా కనిపిస్తారని మేకర్స్ హింట్ ఇచ్చారు. దానికి తగ్గట్లుగానే ఓ అఫీషియల్ పోస్టర్​ను కూడా విడుదల చేశారు. కానీ ఇప్పుడీ పోస్టర్ చూస్తుంటే ఇందులో విజయ్ డిఫరెంట్ షేడ్స్​ ఉన్న రోల్​లో కనిపించనున్నట్లు తెలుస్తోంది. అంతే కాకుండా ఇందులో ఓ స్ట్రాంగ్ ఫ్లాష్ బ్యాక్​ కూడా ఉండనున్నట్లు పోస్టర్ ద్వారా అర్థమవుతోంది.

ఇక ఈ సినిమాలో మ్యూజిక్ సెన్సేషన్ అనిరుథ్​ రవిచందర్ ఈ చిత్రానికి సంగీతం అందిస్తున్నారు. గిరీశ్​ గంగాధరన్ సిినిమాటోగ్రాఫర్​గా నటిస్తుండగా, నేషనల్ అవార్డు విన్నర్ నవీన్ నూలి ఈ చిత్రానికి ఎడిటర్​గా బాధ్యతలు అందుకున్నారు. సితార ఎంటర్‌టైన్‌మెంట్స్‌, ఫార్చూన్‌ ఫోర్ సినిమాస్‌ బ్యానర్స్​పై నాగవంశీ, సాయి సౌజన్య ఈ చిత్రాన్ని సంయుక్తంగా నిర్మిస్తున్నారు. ఇప్పటికే 60 శాతం షూటింగ్ జరిగినట్లు సమాచారం.

His Destiny awaits him.

Mistakes.
Bloodshed.
Questions.
Rebirth.

28 March, 2025.#VD12 pic.twitter.com/z2k0qKDXTC

— Vijay Deverakonda (@TheDeverakonda) August 2, 2024

ఇక విజయ్ దేవరకొండ ఈ సినిమాతో పాటు 'VD 14' అనే పీరియాడిక్ డ్రామాలో నటిస్తున్నారు. 1854 నుంచి 1878 మధ్యలో జరిగిన కథతో ఈ చిత్రం తెరకెక్కుతుంది. ఇందులో విజయ్ తండ్రిగా, కొడుకుగా ఇలా డ్యూయల్ రోల్​లో కనిపించనున్నారట. ఇక ఈ చిత్రం షూటింగ్ ఈ ఏడాది అక్టోబర్​లో మొదలయ్యే అవకాశం ఉంది. దీని తర్వాత విజయ్ 'రాజావారు రాణివారు' మూవీ ఫేమ్ రవికిరణ్ కోలాతో మరో చిత్రం చేయనున్నారు. రూరల్ యాక్షన్ డ్రామా నేపధ్యంలో ఈ చిత్రం తెరకెక్కనుంది. ఈ మూవీని వేంకటేశ్వర క్రియేషన్స్ బ్యానర్ కింద దిల్ రాజు నిర్మిస్తున్నారు.