Vaishnav Tej New Movie Title : మెగా యంగ్ హీరో వైష్ణవ్ తేజ్ ప్రస్తుతం తన అప్కమింగ్ ప్రాజెక్ట్ పనుల్లో బిజీగా ఉన్నారు. ఇటీవలే 'ఆదికేశవ' సినిమాతో ప్రేక్షకుల ముందుకొచ్చినప్పటికీ, ఆ చిత్రం అభిమానులను అంతగా ఆకట్టుకోలేకపోయింది. ఫలితంగా బాక్సాఫీస్ వద్ద ఆ చిత్రం తీవ్ర నిరాశపరిచింది. అయితే ఈ సారి వైష్ణవ్ మరింత కొత్త కాన్సెప్ట్తో తెరకెక్కుతున్న సినిమాలో నటిస్తున్నట్లు తెలుస్తోంది. ఇప్పటికే దీని ప్రీ ప్రోడక్షన్ పనులు కూడా శరవేగంగా జరుగుతోంది. అయితే ఈ చిత్రానికి మేకర్స్ ఓ ఇంట్రెస్టింగ్ టైటిల్ను ఫిక్స్ చేసేందుకు ప్లాన్ చేస్తున్నారట. అది కూడా ఓ ఫేమస్ సాంగ్లోని లైన్ అని తెలుస్తోంది.
సూపర్ స్టార్ మహేశ్ బాబు నటించిన 'భరత్ అనే నేను' సినిమా ఎంతటి సూపర్ సక్సెస్ సాధించిందో అందరికీ తెలిసిందే. ఈ సినిమనే కాదు అందులోని పాటలు కూడా మ్యూజిక్ లవర్స్ను తెగ ఆకట్టుకున్నాయి. ఇక 'వచ్చాడయ్యో సామీ' అంటూ వచ్చే హీరో ఎలివేషన్ సాంగ్ ఇప్పటికీ మహేశ్ అభిమానుల్లో ఎంతో జోష్ నింపుతుంది. అయితే ఇప్పుడు వైష్ణవ్ తేజ్ సినిమాకు ఈ సాంగ్లోని 'వచ్చాడయ్యో సామి' అనే లైన్ను టైటిల్గా పెట్టనున్నారట.
ప్రస్తుతం ఈ టైటిల్ మూవీ లవర్స్లో తెగ ఆసక్తి నింపుతోంది. అయితే ఈ సినిమా గురించి మరింత సమాచారం తెలియనుందున అభిమానుల్లో మరింత ఉత్కంఠ నెలకొంది. టైటిల్ చూస్తుంటే ఇది మరో ఎనర్జిటిక్ యాక్షన్ మూవీగా అనిపిస్తోందని పలువురు అభిప్రాయపడుతుండగా, మరికొందరేమో ఇది ఫ్యామిలీ ఎంటర్టైనర్ అయ్యుండచ్చని అంటున్నారు.
ఇక వైష్ణవ్ కెరీర్ విషయానికి వస్తే, 'ఉప్పెన'తో ఇండస్ట్రీకి పరిచమైన ఈ యంగ్ హీరో తొలి సినిమాతోనే ప్రేక్షకులను అలరించారు. అంతకంటే ముందే ఆయన 'జానీ',' శంకర్ దాదా MBBS',' అందరివాడు' లాంటి సినిమాల్లో చైల్డ్ ఆర్టిస్ట్గా చేశారు. ఇక 'ఉప్పెన' హిట్తో వరుసగా 'కొండపొలం','రంగ రంగ వైభవంగా',' ఆదికేశవ'లో నటించినప్పటికీ అవేవీ ఆశించిన స్థాయిలో టాక్ అందుకోలేకపోయాయి.
