Unstoppable Season 4 Guest : నందమూరి నట సింహం బాలకృష్ణ హోస్ట్గా 'అన్స్టాపబుల్ సీజన్ 4' సక్సెస్ఫుల్గా రన్ అవుతోంది. ఈ టాక్ షోకు ఇప్పటికే ఏపీ సీఎం చంద్రబాబు నాయుడు రాగా, తాజాగా 'లక్కీ భాస్కర్' మూవీ టీమ్ వచ్చింది. హీరో దుల్కర్ సల్మాన్, హీరోయిన్ మీనాక్షి చౌదరి, ప్రొడ్యూసర్ నాగవంశీ హాజరై బాలయ్యతో హుషారుగా ఈ షో లో సందడి చేశారు.
అయితే బాలయ్య తన షో ద్వారా ప్రేక్షకులకు వినోదం పంచడమే కాకుండా స్ఫూర్తి నింపే ప్రయత్నమూ చేస్తుంటారు. ఈ క్రమంలోనే ఈ ఎపిసోడ్లో అనుకోని గెస్ట్ వచ్చి ప్రేక్షుకుల్లో స్ఫూర్తి నింపారు. 'సినిమాలో అదృష్టం ఒక మనిషి జీవితాన్ని మారుస్తుంది. కానీ, నిజ జీవితంలో ఎలాంటి లక్ లేకుండా ఓ అమ్మాయి కృషి, పట్టుదలతో తన కలను గెలిచిన కథ' అంటూ బాలయ్య ఆ ఛాంపియన్ AV (వీడియో)కి ఇంట్రడక్షన్ ఇచ్చారు. తను ఎవరో కాదు. ఇటీవల పారిస్ పారాలింపిక్స్లో బ్రాంజ్ మెడల్ సాధించిన పారా అథ్లెట్ దీప్తి జివాంజి.
ఇక దీప్తితోపాటు ఆమె కోచ్ కూడా అన్స్టాపబుల్ షో కి విచ్చేశారు. దీప్తి సాధించిన బ్రాంజ్ మెడల్ను బాలయ్య ఆమె మెడలో వేశారు. ఆమెతో సరదాగా మాట్లాడారు. ఈసారి గోల్డ్ మెడల్ సాధించాలంటూ ఆమెకు విషెస్ తెలిపారు. అలాగే ఆమెకు అన్స్టాపబుల్ స్పాన్సర్ల తరపున రూ. 1,50,000 చెక్ అందించారు. దీప్తి పట్టుదలకు ముగ్ధులైన నిర్మాత నాగవంశీ కూడా వెంటనే ఆమెకు ఆర్థిక ప్రోత్సాహం ప్రకటించారు. సితార ఎంటర్టైన్మెంట్ తరఫున రూ.50 వేలు ఇవ్వనున్నట్లు చెప్పారు.
కాగా, పారిస్ వేదికగా సెప్టెంబర్లో జరిగిన పారాలింపిక్స్లో దీప్తి కాంస్య పతకంతో సత్తా చాటింది. 400 మీటర్ల టీ- 20 విభాగం ఫైనల్లో దీప్తి 55.82 సెకన్లలో లక్ష్యాన్ని చేరుకుని మూడో స్థానంలో నిలిచి బ్రాంజ్ మెడల్ ముద్దాడింది. ఇక ప్రముఖ ఓటీటీ ప్లాట్ఫామ్ ఆహా వేదికగా అన్స్టాపబుల్ టాక్ షో స్ట్రీమింగ్ అవుతోంది.
'అన్స్టాపబుల్' సీజన్ 4 - ఫస్ట్ ఎపిసోడ్లోనే పవర్ఫుల్ గెస్ట్-ఎవరంటే?
'హోస్ట్గా నాకు చాలా ఆఫర్లు వచ్చాయి- ఆయన కోసమే ఈ షో చేస్తున్నాను'
