Tollywood Upcoming Movies Heroines : స్టార్ హీరోల సినిమాల్లో హీరోయిన్ల ఎంపికనేది ఎప్పుడూ కత్తి మీద సాము లాంటిదే. పాన్‌ ఇండియా ట్రెండ్‌ ఎక్కువయ్యాక ఇది మరింత కష్టంగా మారింది. కొత్తదనం కనిపించడంతో పాటు హీరోకు తగిన జోడీ అనిపించుకోవాలి. అలానే ఆమె సక్సెస్ ట్రాక్తో పాటు ప్రేక్షకుల్ని ఆకట్టుకునే గ్లామర్‌ ఉందో లేదో చూసుకోవాలి. అందుకే బడా కథానాయికల చిత్రాలలోకి హీరోయిన్ను వెతికి పట్టుకోవడం అంత ఈజీగా కుదరడం లేదు.
NTR 31 Movie Heroine : ఎన్టీఆర్‌ 31 - ప్రశాంత్‌ నీల్‌ కాంబోలో ఓ సినిమా రానుంది. కేజీఎఫ్‌ సిరీస్, సలార్‌ వంటి భారీ విజయాల తర్వాత ప్రశాంత్‌ నుంచి రానున్న చిత్రమిది. ప్రస్తుతం ప్రీ ప్రొడక్షన్ పనులను జరుపుకుంటోంది. అక్టోబరు నెలాఖరు నుంచి సెట్స్‌పైకి వెళ్లనుందని తెలిసింది. తారక్ జనవరి నుంచి సెట్స్లోకి అడుగుపెడతారు. మరి ఈ చిత్రంలో తారక్కు జోడీగా ఎవరు కనిపిస్తారనేది క్లారిటీ లేదు. ఇప్పటికైతే రష్మికతో పాటు పలువురు బాలీవుడ్‌ భామల పేర్లు వినిపిస్తున్నాయి. తారక్ సెట్లోకి అడుగుపెట్టేనాటికి హీరోయిన్ను ప్రకటించే అవకాశమున్నట్లు సమాచారం.
HIT 3 Movie Heroine : రీసెంట్గా 'సరిపోదా శనివారం'తో మంచి విజయాన్ని అందుకున్న నాని ప్రస్తుతం హిట్‌ 3తో పాటు దర్శకుడు శ్రీకాంత్‌ ఓదెలతో ఓ ప్రాజెక్ట్‌ చేస్తున్నారు. ఇప్పటికే హిట్‌ 3 షూటింగ్ ప్రారంభించగా శ్రీకాంత్‌ ఓదెలతో మూవీ ప్రీ ప్రొడక్షన్ పనుల్లో ఉంది. కానీ ఈ చిత్రాల్లో హీరోయిన్ ఎవరన్నది స్పష్టత రాలేదు. నాని - శ్రీకాంత్‌ కాంబో సినిమా కోసం జాన్వీ కపూర్‌ను తీసుకోనున్నట్లు ఆ మధ్య ప్రచారం జరిగింది. కానీ, బడ్జెట్‌ను దృష్టిలో పెట్టుకుని మీడియం రేంజ్‌ హీరోయిన్ కోసం కొత్త వేట మొదలు పెట్టినట్లు తెలుస్తోంది. ఇక హిట్‌ 3 కోసం నివేదా థామస్‌తో పాటు మరికొందరి పేర్లు పరిశీలిస్తున్నారట.
Ram Pothineni and Mahesh Babu film : మిస్‌ శెట్టి మిస్టర్‌ పొలిశెట్టి సినిమా ఆడియెన్స్ను ఆకట్టుకున్న దర్శకుడు మహేశ్‌బాబు ఇప్పుడు హీరో రామ్‌తో ఓ సినిమా చేయనున్నారు. మైత్రీ మూవీ మేకర్స్‌ బ్యానర్లో రానున్న ఈ సినిమాలో నటించేందుకు హీరోయిన్ వేట కొనసాగుతోంది. సినిమాలో ఓ సీనియర్‌ హీరో కూడా కనిపించే అవకాశమున్నట్లు తెలిసింది. ప్రస్తుతం రామ్ విదేశాల్లో ఉన్నారు. ఆయన తిరిగి రాగానే ఈ ప్రాజెక్ట్‌ను పట్టాలెక్కించనున్నారట.
SSMB 29 Heroine : రాజమౌళి - మహేశ్‌ బాబు కాంబో SSMB 29 భారీ బడ్జెట్‌తో అంతర్జాతీయ స్థాయిలో ముస్తాబవుతోంది. ప్రీ ప్రొడక్షన్ పనులను జరుపుకుంటోంది. ఈ చిత్రంలోనూ హీరోయిన్ ఎవరనేది క్లారిటీ లేదు. అయితే ఓ విదేశీ భామను తీసుకోబోతున్నట్లు ప్రచారం సాగుతోంది. ఇండోనేషియా తార చెల్సియా ఎలిజబెత్‌తో పాటు మరో ఇద్దరు విదేశీ హీరోయిన్ల పేర్లు వినిపించాయి.
Prabhas Hanu Raghavapudi Heroine : ప్రభాస్‌ - హను రాఘవపూడి ఫౌజీ చిత్రాన్ని మైత్రీ మూవీ మేకర్స్‌ సంస్థ నిర్మిస్తోంది. షూటింగ్ ప్రస్తుతం మధురై పరిసర ప్రాంతాల్లో జరుగుతోంది. మూవీలో ఇద్దరు నాయికలకు అవకాశమున్నట్లు సమాచారం. వాటిలో ఓ పాత్ర కోసం కొత్తమ్మాయి ఇమాన్విని ఇప్పటికే ఖరారు చేశారు. అయితే ఆ రెండో నాయికగా ఎవరు కనిపిస్తారన్నది ఇంకా తేలలేదు.
రజనీ, అమితాబ్లో అది కామన్ పాయింట్ : 'వేట్టాయాన్' బ్యూటీ మంజు వారియర్ - Manju Warrier Vettaiyan
