Tollywood Movies Hit In TV But Not In Theatres : ఇప్పుడు అంతటా రీరిలీజ్ మేనియా నడుస్తోంది. ఈ నేపథ్యంలో ఇప్పటి వరకు పలు స్టార్ల సినిమాలు మళ్లీ సిల్వర్ స్క్రీన్పై సందడి చేశాయి. ఒకప్పుడు థియేటర్లలో అంతగా ప్రేక్షకాదరణ పొందని సినిమాలు కూడా ఆ తర్వాత ఆడియెన్స్ను ఆకట్టుకుంటున్నాయి. థియేటర్లలోనే కాదు బుల్లితెరపై కూడా మంచి టాక్ అందుకుంటుంటాయి. ఈ లిస్ట్లో చాలా సినిమాలు ఉన్నాయి. అవేంటంటే ?
పోతురాజు:
కోలీవుడ్ స్టార్ హీరో కమలహాసన్ నటించిన 'పోతురాజు' సినిమా కూడా తొలుత థియేటర్లలో ఆశించిన స్థాయిలో హిట్ కాలేకపోయింది. అయితే ఈ సినిమా ఆ తర్వాత బుల్లితెరతో పాటు యూట్యూబ్లోనూ రికార్డు స్థాయిలో వ్య్వూస్ అందుకుంది.
ఆరెంజ్:
మెగా పవర్ స్టార్ రామ్ చరణ్, జెనీలియా లీడ్ రోల్స్లో తెరకెక్కిన ఫీల్గుడ్ లవ్స్టోరీ 'ఆరెంజ్'. భారీ అంచనాల నడుమ వచ్చిన ఈ మూవీ ఆశించిన స్థాయిలో టాక్ అందుకోలేకపోయింది. అయితే బుల్లితెరపై ఈ చిత్రానికి విశేషాదరణ దక్కింది. ఇటీవలే రీరిలీజ్లోనూ ఈ సినిమాను చూసేందుకు ఎంతో మంది ఆసక్తి చూపించారు.
- " class="align-text-top noRightClick twitterSection" data="">
ఓయ్:
వాలెంటైన్స్ డే స్పెషల్గా తాజాగా పలు లవ్ మూవీస్ థియేటర్లలో సందడి చేశాయి. అందులో 'ఓయ్' సినిమా ఒకటి. అప్పుడు టాక్ అందుకోని ఈ సినిమాను ఇప్పుడు ప్రేక్షకులు ఓ రేంజ్లో చూశారు. టీవీలో కూడా సూపర్ టాక్ అందుకుంది ఈ మూవీ.
- " class="align-text-top noRightClick twitterSection" data="">
ఖలేజా:
టాలీవుడ్ సూపర్ స్టార్ మహేశ్ బాబు, మాటల మాంత్రికుడు త్రివిక్రమ్ కాంబినేషన్లో వచ్చిన మూవీ ఖలేజా. ఈ సినిమాను ప్రేక్షకులు థియేటర్లలో ఆదరించలేదు. అయితే టీవీలో మాత్రం ఈ సినిమాకు మంచి రెస్పాన్స్ వచ్చింది.
- " class="align-text-top noRightClick twitterSection" data="">
గౌతమ్ నంద:
మాచోమ్యాన్ గోపిచంద్, హన్సిక, కేథరిన్ ట్రెసా నటించిన 'గౌతమ్నంద'కి థియేటర్లలో విశేషాదరణ లభించలేదు. అయితే ఈ మూవీని టీవీ ప్రేక్షకులు అక్కున చేర్చుకున్నారు.
నా ఆటోగ్రాఫ్ స్వీట్ మెమరీస్:
మాస్ మహారాజ రవితేజ, భూమిక కలిసి నటించిన ఆ టైమ్లైన్ క్లాసిక్ ఎంటర్టైనర్ 'నా ఆటోగ్రాఫ్'. బుల్లితెరపై హిట్ కొట్టిన ఈ మూవీ థియేటరల్లో ప్రేక్షకులను అంతగా ఆకట్టుకోలేకపోయింది.
- " class="align-text-top noRightClick twitterSection" data="">
వేదం :
ఐకాన్ స్టార్ అల్లు అర్జున్, మంచు మనోజ్ అనుష్క కీలక పాత్రలు పోషించిన 'వేదం' మూవీ థియేటర్లలో ఆశించిన టాక్ అందుకోలేకపోయింది. అయితే టీవీలో మాత్రం దీనికి మంచి వ్యూవర్షిప్ వచ్చింది.
రుద్రవీణ, ఆపద్భాంధవుడు:
మెగాస్టార్ చిరంజీవిలో అద్భుత నటుడిని పరిచయం చేసిన రెండు సినిమాలు రుద్రవీణ, ఆపద్భాంధవుడు బాక్సాఫీస్ దగ్గర అంతంత మాత్రంగానే ఆడాయి. కానీ థియేటర్లలో పెదవి విరిచిన ప్రేక్షకులు ఇప్పటికీ టీవీల్లో మాత్రం ఈ సినిమాలు వస్తున్నాయంటే చూడకుండా ఉండలేరు. ఈ సినిమాలు టీవీలో ఎప్పుడు వచ్చినా సరే రికార్డుస్థాయిలో టీఆర్పీ రేటింగ్స్ను సొంతం చేసుకుంటున్నాయి.
