Tollywood Actors Vocals: టాలీవుడ్లో అనేక మంది స్టార్ హీరోలు తమ లక్షలాది అభిమానుల్ని సంపాదించుకున్నారు. ఆయా సినిమాల్లో వారి పాత్రలకు ఫ్యాన్స్ను ఫిదా చేస్తుంటారు. అలా తమ నటనతో ఆడియెన్స్ను స్క్రీన్కు కట్టిపడేస్తారు. అయితే అలా నటనతో అదరగొట్టడమే కాకుండా పలువురు హీరోలు తమ గొంతు స్వరాలనూ వినిపించారు. అలా తమ సినిమాల్లో పాడిన పాటలు కూడా సూపర్ హిట్ అయ్యాయి. మరి సింగర్గా మారిన హీరోలెవరు? అవి ఏ పాటలు? తెలుసుకుందాం.
- పవన్ కల్యాణ్- కాటంరాయుడు: 'కాటమ రాయుడా! కదిరి నరసింహుడా!' అంటూ 2013లో వచ్చిన అత్తారింటికి దారేది సినిమాలో పవన్ కల్యాణ్ పాడిన ఆ పాట సినిమా రిలీజ్ కాకముందే సూపర్ హిట్ అయింది.
- జూనియర్ ఎన్టీఆర్- ఫాలో ఫాలో: ఎన్టీఆర్ అప్పటికే యమదొంగలో 'ఓలమ్మి తిక్క రేగిందా' అనే పాటతో పాటు కంత్రిలో '123 నేనే కంత్రి' అనే పాటను పాడారు. కానీ 'నాన్నకు ప్రేమతో' సినిమాలో పాడిన 'ఫాలో ఫాలో' మాత్రం సూపర్ హిట్ సింగర్ని చేయడమే కాదు మిర్చి మ్యూజిక్ అవార్డును కూడా తెచ్చిపెట్టింది.
- రవితేజ- నోటంకి: పవర్ సినిమాలో 'నాటంకి' అనే పాట ద్వారా మంచి సింగర్ అనిపించుకున్నారు రవితేజ. అంతకు ముందు ఏడాది వచ్చిన బలుపు సినిమాలో 'కాజల్ చెల్లివా' అనే పాటతో సింగర్గా మారారు. ఆ తర్వాత రాజా ది గ్రేట్ సినిమాలో టైటిల్ సాంగ్ కూడా తనే పాడారు.
- వెంకటేష్- జింగిడి: విక్టరీ వెంకటేష్ కూడా గురు సినిమాలో 'జింగిడి' పాట ద్వారా సింగర్ అయిపోయారు.
- నాగార్జున- కొత్త కొత్త భాష: 2016లో వచ్చిన నిర్మల కాన్వెంట్ సినిమాలో 'కొత్త కొత్త భాష' పాటతో నాగార్జున కూడా సింగర్ గా మారారు.
- చిరంజీవి- చాయ్: మెగాస్టార్ చిరంజీవి ఎప్పుడో 2001లో వచ్చిన మృగరాజు సినిమాలో 'చాయ్' పాటతో సింగర్గా మంచి గుర్తింపు వచ్చింది. అయితే అంతకుముందే 'మాస్టార్' సినిమాలో 'తమ్ముడు అరే తమ్ముడు' పాటతో సింగర్గా మారారు.
- బాలకృష్ణ- మామా ఏక్ పెగ్ లా: పూరీ జగన్నాధ్ తన సినిమా 'పైసా వసూల్' తో బాలకృష్ణని సింగర్గా మార్చారు. సినిమా ఫలితం ఎలా ఉన్నా ఈ పాట మాత్రం బాలకృష్ణ ఫ్యాన్స్ ని విపరీతంగా ఆకట్టుకుంది.
- సిద్దార్థ్- అప్పుడో ఇప్పుడో: సిద్దార్థ్ చుక్కల్లో చంద్రుడు సినిమాతో సింగర్గా మారినా బొమ్మరిల్లు సినిమాలో పాడిన 'అప్పుడో ఇప్పుడో' పాటతో పాటు ఓయ్లో 'ఓయ్' పాట కూడా మంచి పేరు తెచ్చింది.
- రాశీ ఖన్నా- జోరు: హీరోలే కాదు హీరోయిన్లు కూడా సింగర్ గా తమ అదృష్టాన్ని పరీక్షించుకున్నారు. రాశీ ఖన్నా జోరు సినిమాలో 'జోరు' పాట ద్వారా సింగర్గా మారింది. అయితే జవాన్ సినిమాలో పాడిన 'బంగారు' పాట రాశికి మంచి పేరు తీసుకువచ్చింది.
- లక్ష్మీ మంచు- ఏందిరో: లక్ష్మీ మంచు నటించి నిర్మించిన 2015లో వచ్చిన దొంగాట సినిమాలో 'ఏందిరో' అని పాడిన పాట అప్పట్లో మంచి హిట్ అయింది.
- " class="align-text-top noRightClick twitterSection" data="">
- " class="align-text-top noRightClick twitterSection" data="">
