Thursday Movie Releases 2024: టాలీవుడ్లో ఒకప్పుడు పండగలు దృష్టిలో ఉంచుకొని సినిమాలు విడుదల చేసేవారు. ఆ తర్వాత ఐటీ (IT) బూమ్ పెరగడం, వీకెండ్ కల్చర్ కూడా ఎక్కువ అవ్వడం రెండు రోజులు (శని, ఆదివారం) కలిసొస్తుందని శుక్రవారం రోజు సినిమా విడుదల చేయడం ప్రారంభించారు. అయితే ఇప్పుడు మరోసారి టాలీవుడ్లో ట్రెండ్ మారినట్లు కనిపిస్తోంది. వీకెండ్స్లో లాంగ్ రన్ కోసం ఒక రోజు ముందే అంటే గురువారమే మూవీస్ రిలీజ్ చేయడానికి ప్లాన్ చేస్తున్నారు. అలా ఈ ఏడాది రానున్న ఆయా బడా హీరోల సినిమాలు గురువారమే రిలీజ్ కానున్నాయి. ఈ క్రమంలో ఈ ఏడాదిలో గురువారమే రిలీజ్ కానున్న సినిమాలేంటంటే?
- ఇండియన్ 2( భారతీయుడు 2): గత మూడేళ్లుగా ప్రేక్షకులను ఊరిస్తున్న కమల్ హాసన్ సినిమా భారతీయుడు 2. ఇప్పటికీ పోస్ట్ ప్రొడక్షన్ పనులు పూర్తి చేసుకుని విడుదలకు సిద్ధం అయింది. ఈ మూవీ జూన్ 13 (గురువారం)న రిలీజ్ కానుంది. ఆ వీకెండ్ తర్వాత వచ్చే సోమవారం బక్రీద్ సెలవు కలిసివచ్చేలా ఆ మూవీ యూనిట్ రిలీజ్ను ఇలా ప్లాన్ చేశారు. కమల్ హాసన్, రకుల్ ప్రీత్ సింగ్, కాజల్ ప్రధాన పాత్రల్లో నటించిన ఈ మూవీక్ టాప్ డైరెక్టర్ శంకర్ దర్శకత్వం వహించారు.
- కల్కి 2898 AD: రెబెల్ స్టార్ ప్రభాస్ ప్రధాన పాత్రలో నటిస్తున్న ఈ చిత్రం మొదట మే 9న విడుదల కావాల్సింది. అయితే ఎన్నికల హడావుడి ఉండడం వల్ల ఈ మూవీ రిలీజ్ జూన్ 27కు వాయిదా చేశారు. అయితే ఈ సినిమా విడుదలవతున్న వారం లాంగ్ వీకెండ్ కాదు. కానీ, గురువారం రీలీజ్ చేయడం వలన వీకెండ్ కలెక్షన్లు పెరిగే అవకాశం ఉందని సినిమా యూనిట్ భావిస్తుంది.
- పుష్ప ది రూల్: స్టైలిష్ స్టార్ అల్లు అర్జున్ నటించిన 'పుష్ప ది రైజ్' పాన్ ఇండియా రేంజ్లో హిట్ అయింది. పాటలు కూడా అన్ని భాషల్లో టాప్ ప్లే లిస్ట్ లో స్థానం సంపాదించుకున్నాయి. ఇప్పుడు 'పుష్ప ది రూల్' కూడా అదే మ్యాజిక్ కొనసాగిస్తుందా లేదా అని ఆగస్టు 15న తెలుస్తుంది. స్వతంత్ర దినోత్సవం సందర్భంగా వచ్చే సెలవు ఆ తర్వాత వచ్చే వీకెండ్ ఈ మూవీకి ఉపయోగపడే అవకాశం ఉంది.
- సరిపోదా శనివారం: నేచురల్ స్టార్ నాని హీరోగా నటిస్తున్న 'సరిపోదా శనివారం' మూవీ కూడా ఆగస్ట్ 29న అంటే గురువారమే విడుదలవుతుంది. అయితే ఈ సినిమా రీలీజ్ అవుతున్న వారం ఎలాంటి లాంగ్ వీకెండ్ లేదు.
- దేవర: యంగ్ టైగర్ ఎన్టీఆర్ నటిస్తున్న 'దేవర' వేసవిలో రిలీజ్ చేయాలని అనుకున్నారు. కానీ, షూటింగ్ ఇంకా పూర్తి కాకపోవడం వల్ల దసరాకు వాయిదా వేశారు. ఈ చిత్రం కూడా అక్టోబర్ 10 అంటే గురువారం విడుదల కానుంది. దసరా సెలవులు ఈ మూవీ కలెక్షన్స్ పైన ప్రభావం చూపించే అవకాశం ఉంది.
- " class="align-text-top noRightClick twitterSection" data="">
- " class="align-text-top noRightClick twitterSection" data="">
ఎట్టకేలకు ప్రభాస్ 'కల్కి' కొత్త రిలీజ్ డేట్ కన్ఫామ్ - వచ్చేది ఆ రోజే - Kalki 2898 AD Release Date
