This Week OTT Release Movies : వీకెండ్ దగ్గర పడడంతో పలు ఓటీటీ సంస్థలు గురువారమే పలు ఆసక్తికర చిత్రాలను విడుదల చేశాయి. అలా ఈ ఒక్కరోజే ఏకంగా 6 సినిమాలు డిజిటల్ స్ట్రీమింగ్కు వచ్చేశాయి. అవన్నీ తెలుగులోనే అందుబాటులో ఉన్నాయి. వీటిలో ఏకంగా మూడు చిత్రాలు ఒకే ఓటీటీలోకి వచ్చాయి. తాజాగా స్ట్రీమింగ్కు వచ్చిన వాటిలో సైకలాజికల్ సస్పెన్స్ థ్రిల్లర్, క్రైమ్ థ్రిల్లర్, ఫ్యామిలీ డ్రామా, స్పై యాక్షన్ ఇలా ఒక్కోటి ఒక్కో జోనర్‌లో స్ట్రీమింగ్ అవుతున్నాయి.
క్రియేషన్ ఆఫ్ ది గాడ్స్ 1 - ఫాంటసీ అడ్వెంచర్ థ్రిల్లర్ అయిన ఈ చిత్రానికి ఐఎమ్‌డీబీలో 6.7 రేటింగ్ ఉంది. అమెజాన్ ప్రైమ్‌లో ఈ చిత్రం ఇంగ్లీష్, హిందీ, తెలుగు, తమిళ భాషల్లో అందుబాటులో ఉంది.
బోన్‌యార్డ్ (Boneyard Amazon prime ott) - నిజ జీవిత వాస్తవ సంఘటనల ఆధారంగా తెరకెక్కిన క్రైమ్ థ్రిల్లర్ చిత్రం బోన్‌యార్డ్. 2009లో 11 మంది అమ్మాయిలను ఓ సీరియల్ కిల్లర్‌ అతి కిరాతకంగా చంపుతాడు. అతడిని పట్టుకునేందుకు ఒక డిటెక్టివ్, ఒక పోలీస్ కలిసి ఎఫ్‌బీఐలో జాయిన్ అవుతారు. ఆ తర్వాత ఏం జరిగిందన్నదే కథ. ఇది అమెజాన్ ప్రైమ్‌లో హిందీతో పాటు తెలుగు, తమిళం, మరాఠీ భాషల్లో అందుబాటులో ఉంది.
బ్లింక్ ట్వైస్ ఓటీటీ - రీసెంట్గా కన్నడలో విడుదలైన బ్లింక్ చిత్రం ఎంతటి విజయం సాధించిందో సినీ ప్రియులకు తెలిసే ఉంటుంది. ఇప్పుడదే సేమ్ టైటిల్తో అమెరికన్ సైకలాజికల్ సస్పెన్స్ థ్రిల్లర్ ట్వైస్ బ్లింక్ ఓటీటీ స్ట్రీమింగ్కు వచ్చేసింది. అమెజాన్ ప్రైమ్‌లో ఇది అందుబాటులో ఉంది. ఇంగ్లీష్తో పాటు హిందీ, తెలుగు, తమిళ భాషల్లో స్ట్రీమింగ్ అవుతోంది. ఐఎమ్‌డీబీలో దీనికి 6.5 రేటింగ్ ఉంది.
బ్యూటీ ఇన్ బ్లాక్ - ఈ అమెరికన్ డ్రామా బ్యూటీ ఇన్ బ్లాక్ నెట్‌ఫ్లిక్స్లో స్ట్రీమింగ్ అవుతోంది. ప్రస్తుతానికి మొదటి ఎపిసోడ్‌ అందుబాటులో ఉంది. ఇంగ్లీష్తో పాటు హిందీ, తెలుగు, తమిళ భాషల్లో అందుబాటులో ఉంది.
లిటిల్ హార్ట్స్ ఓటీటీ - ఈ మలయాళ రొమాంటిక్ ఫ్యామిలీ కామెడీ ఈ ఏడాది జూన్లో విడుదలై మంచి రెస్పాన్స్ అందుకుంది. ఆహా ఓటీటీలో స్ట్రీమింగ్ అవుతోంది. ఐఎమ్‌డీబీలో ఈ చిత్రానికి 6 రేటింగ్ ఉంది. సినిమాలో ఆంటో జోస్ పెరైరా, అబీ ట్రేసా పాల్ దర్శకత్వం వహించారు.
హిడెన్ ఐడెంటిటీ ఓటీటీ(Hidden Identity korean) - కొరియన్ స్పై యాక్షన్ డ్రామా సిరీస్ హిడెన్ ఐడెంటిటీ తెలుగు వెర్షన్‌ను తాజాగా డిజిటల్ స్ట్రీమింగ్కు వచ్చింది. 2015లో వచ్చిందీ సిరీస్. ఇప్పుడు ఇది ప్రముఖ తెలుగు ఓటీటీ ఈటీవీ విన్‌ ప్లాట్‌ఫామ్‌లో అందుబాటులో ఉంది. ఈ సిరీస్కు ఐఎమ్‌డీబీలో 6.6 రేటింగ్ ఉంది.
'ఆ రెండు అగ్రనిర్మాణ సంస్థలకు అహంకారం ఎక్కువ' - ప్రముఖ నటుడు షాకింగ్ కామెంట్స్!
