The Marvels Ott Release Date : హాలీవుడ్ మూవీస్ అంటేనే కళ్లు చెదిరే ఊహకందని యాక్షన్‌ సీన్స్ కళ్ల ముందు తిరుగుతుంటాయి. అందులోనూ మార్వెల్ యూనివర్స్‌ మూవీస్ అంటే ఏ రేంజ్‌లో ఆడియెన్స్ను అలరిస్తాయో ప్రత్యేకంగా చెప్పాల్సిన పని లేదు. ఈ యూనివర్స్‌ నుంచి ఓ సినిమా వస్తుందంటే చాలు, అభిమానలు ఆనందపడిపోతారు. ఇప్పటికే ఈ బ్యానర్ నుంచి వచ్చిన 'స్పైడర్‌ మ్యాన్‌', 'ది అవెంజర్స్‌', 'బ్లాక్‌ పాంథర్‌', 'కెప్టన్‌ మార్వెల్' వంటి సినిమాలు బాక్సాఫీస్ ముందు వసూళ్లను అందుకున్నాయి. అయితే ఈ సిరీస్‌ నుంచి ఈ మధ్యే వచ్చిన మరో చిత్రం 'ది మార్వెల్స్'. మార్వెల్ స్డూడియోస్‌ నిర్మించిన ఈ చిత్రం థియేటర్లలలో పాజిటివ్ టాక్ రివ్యూను అందుకుంది. ఇప్పుడు ఓటీటీ ప్లాట్ఫామ్ వేదికగా స్ట్రీమింగ్కు సిద్ధమైంది.
సహజంగా సూపర్ హీరో మూవీస్ అంటే యూనివర్స్‌లో ఆ హీరో చేసే సాహసాలు, స్టంట్స్ను వెండితెరపై అద్భుతంగా చూపిస్తారు. కానీ ఈ సారి దీనికి భిన్నంగా వచ్చందే చిత్రం. ఈ సినిమా కోసం మొదటి సారి ముగ్గురు హీరోయిన్స్ కలిసి నటించారు. ఉమెన్‌ పవర్‌ చూపిస్తూ మార్వెల్‌కు చెందిన ముగ్గురు సూపర్ హీరోయిన్స్ ఒకే మూవీలో కనిపించబోతుండటం వల్ల ఓటీటీ ఆడియోన్స్లోనూ భారీ అంచనాలు నెలకొన్నాయి.
ఇప్పటికే థియేటర్లలో రిలీజై మంచి టాక్ తెచ్చకున్న 'ది మార్వెల్స్' కోసం వరల్డ్ వైడ్గా ఉన్న ఓటీటీ సినీ ప్రియులు ఎంతో ఆసక్తిగా ఎదురు చూస్తున్నారు. హాలీవుడ్ ప్రముఖ కామిక్ నిర్మాణ సంస్థ మార్వెల్ స్టూడియోస్ నిర్మించిన ఈ చిత్రం ప్రస్తుతం ప్రముఖ ఓటీటీ ప్లాట్ఫామ్ వేదికగా డిస్నీ+ హాట్ స్టార్లో ఫిబ్రవరి 7 నుంచి వరల్డ్ వైడ్గా స్ట్రీమింగ్కు రెడీ అయింది.
ఈ చిత్రాన్ని ప్రముఖ హాలీవుడ్ దర్శకురాలు నియో డకోస్టా డైరెక్ట్ చేశారు. ఇందులో బ్రీ లార్సెన్‌, టెయోనా ప్యారిస్‌, ఇమాన్‌ వెల్లని, పార్క్‌ సియో జూన్‌ ఇతర ముఖ్య పాత్రల్లో నటించారు. ఈ చిత్రంలో కెప్టెన్‌ మార్వెల్ పాత్రలో బ్రీ లార్సెన్‌ నటించింది. యాక్షన్‌, అడ్వెంచర్‌ థ్రిల్లర్‌గా ఈ చిత్రాన్ని తెరకెక్కించారు.
- " class="align-text-top noRightClick twitterSection" data="">
పాటకు రూ. 50లక్షలు! - అత్యధిక రెమ్యూనరేషన్ తీసుకున్న కొరియోగ్రాఫర్ ఎవరంటే ?
