'తండేల్' సాలిడ్ అప్డేట్- మూడు రోజుల్లో ఫ్యాన్స్​కు ట్రీట్!

నాగచైతన్య తండేల్ : సినిమా నుంచి అప్డేట్ ఇచ్చిన మేకర్స్

Thandel Movie Update : యువసామ్రాట్ అక్కినేని నాగచైతన్య- సాయి పల్లవి లీడ్ రోల్స్​లో తెరకెక్కుతున్న సినిమా 'తండేల్'. చందూ మొండేటి ఈ సినిమాకు దర్శకత్వం వహిస్తున్నారు. ఈ సినిమాను వాలెంటైన్ వీక్ సందర్భంగా 2025 ఫిబ్రవరి 7న విడుదల చేయనున్నట్లు చిత్రబృందం ఇటీవల వెల్లడించింది. దీంతో మేకర్స్ త్వరలోనే ప్రమోషన్స్ ప్రారంభించే ఆలోచనలో ఉన్నారు.

ఈ నేపథ్యంలో సినిమా నుంచి ఫస్ట్ సింగిల్ రిలీజ్ డేట్ అనౌన్స్ చేశారు. 'బుజ్జి తల్లి' అనే పాటను నవంబర్ 21న విడుదల చేయనున్నట్లు మేకర్స్ సోమవారం ప్రకటించారు. ఈ మేరకు ఓ చైతన్య- సాయిపల్లవి ఫొటో ఒకటి సోషల్ మీడియాలో షేర్ చేశారు. 'తండేల్ రాజు బుల్లితల్లికి ప్రేమతో' ఈ లవ్ ట్రాక్ 2024లోనే సాంగ్ ఆఫ్ ది ఇయర్​ అవ్వనుందంటూ క్యాప్షన్ రాసుకొచ్చారు. తాజా అప్డేట్​తో దీంతో అక్కినేని ఫ్యాన్స్ హ్యాపీ ఫీల్ అవుతున్నారు. అలాగే నాగచైతన్య బర్త్ డే సందర్భంగా నవంబర్ 23న కూడా సినిమా మరో అప్డేట్ ఇవ్వాలంటుూ ఫ్యాన్స్ రిక్వెస్ట్ చేస్తున్నారు.

Thandel Raju's adoring love for his #BujjiThalli will be 'The Love Song of the Year' 💕#Thandel First Single #BujjiThalli out on November 21st 🫶#ThandelonFeb7th#Dhullakotteyala
Yuvasamrat @chay_akkineni @Sai_Pallavi92 @chandoomondeti @ThisIsDSP @GeethaArts #AlluAravind… pic.twitter.com/7oCaPGRMz1

— Geetha Arts (@GeethaArts) November 18, 2024

ఇదీ కథ
ఒక మత్స్యకారుడి నిజ జీవితంలో జరిగిన సంఘటనల ఆధారంగా ఇది తెరకెక్కుతోంది. ఈ కథంతా సముద్ర తీర ప్రాంతం చుట్టూనే తిరుగనుంది. శ్రీకాకుళంలో మొదలై పాకిస్థాన్ వరకూ చేరుకుంటుంది. ఈ క్రమంలో కొందరు మత్స్యకారులు పాకిస్థాన్‌ కోస్టు గార్డులకు చిక్కుతారు. ఆ తర్వాత వాళ్లు ఎదుర్కొన్న సమస్యలు, కష్టాల గురించి ఈ సినిమాలో చూపించనున్నారు.

కాగా, ఇప్పటికే రిలీజైన వీడియో గ్లింప్స్​కు మంచి రెస్పాన్స్ లభించింది. అందులో నాగ చైతన్య రగ్గ్‌డ్ లుక్​లో కనిపించగా, సాయి పల్లవి తన క్యూట్ లుక్స్​తో ఆకట్టుకున్నారు. బోటుపై చేపల వేటకు వెళ్తున్న చైతూ 'దద్దా గుర్తెట్టుకో ఈపాలి యాట గురి తప్పేదెలేదేస్ ఇక రాజులమ్మ జాతరే' అంటూ చెప్పే డైలాగ్‌ అభిమానులను ఆకట్టుకుంది.

ఈ సినిమాకు రాక్​స్టార్ దేవీశ్రీ ప్రసాద్ సంగీతం అందించగా, గీతా ఆర్ట్స్ బ్యానర్​పై అల్లు అరవింద్, బన్నీ వాస్​ సంయుక్తంగా నిర్మిస్తున్నారు. ఇక ఈ సినిమా ఓటీటీ రైట్స్ కూడా భారీ ధరకు అమ్ముడైనట్లు తెలుస్తోంది. అన్ని భాషల డిజిటల్ రైట్స్​ను ప్రముఖ ఓటీటీ సంస్థ నెట్​ఫ్లిక్స్​ సుమారు రూ. 40 కోట్లకు సొంతం చేసుకున్నట్లు సమాచారం.