Sunny Deol JAAT Teaser : బాలీవుడ్‌ స్టార్ యాక్టర్ సన్నీ దేవోల్‌ హీరోగా తెలుగు దర్శకుడు గోపీచంద్‌ మలినేని ఓ సినిమా తెరకెక్కిస్తున్న సంగతి తెలిసిందే. 'జాట్' పేరుతో ఇది రూపొందనుంది. మైత్రీ మూవీ మేకర్స్, పీపుల్స్‌ మీడియా ఫ్యాక్టరీ సంయుక్తంగా నిర్మిస్తున్నాయి. ప్రస్తుతం ఇది షూటింగ్ దశలో ఉంది. పాన్ ఇండియా రేంజ్లో రూపొందుతోన్న ఈ సినిమా టీజర్ను తాజాగా మూవీ టీమ్ విడుదల చేసింది. పూర్తి పక్కా యాక్షన్‌ మోడ్తో ఈ సినిమాను రూపొందిస్తున్నట్టు టీజర్ చూస్తే అర్థమవుతోంది. ప్రస్తుతానికి హిందీ వెర్షన్‌ టీజర్ను రిలీజ్ చేశారు మేకర్స్. త్వరలోనే ఇది తెలుగులో విడుదలయ్యే అవకాశాలున్నాయి. సినిమాలో రెజీనా, సయామీ ఖేర్‌ హీరోయిన్లుగా నటిస్తున్నారు. రణదీప్‌ హుడా కీలక పాత్ర పోషిస్తున్నారు.
మ్యూజిక్ సెన్సేషన్ త‌మ‌న్ ఈ చిత్రానికి సంగీతాన్ని అందిస్తున్నారు. కమర్షియల్ ఎంటర్‌టైనర్‌గా రూపుదిద్దుకుంటోన్న ఈ చిత్రానికి రిషి పంజాబి సినిటోగ్రాఫర్‌ కాగా, అవినాష్‌ కొల్ల ప్రొడక్షన్‌ డిజైనర్‌గా వ్య‌వ‌హ‌రిస్తున్నారు. ఈ చిత్రాన్ని ఏప్రిల్ 2025లో ప్రేక్ష‌కుల ముందుకు తీసుకురానున్న‌ట్లు చిత్ర బృందం ఇప్పటికే ప్రకటించింది.
పవర్ఫుల్గా సన్నీ దేవోల్‌ - గోపీచంద్‌ మలినేని మూవీ టైటిల్ పోస్టర్
ఒక్క సెకెండ్ ఆలోచించకుండా ఆ సినిమాకు ఓకే చెప్పేశాను : రిషబ్‌ శెట్టి
