Sudheer Babu New Talent : టాలీవుడ్ స్టార్ హీరో ప్రస్తుతం 'హరోం హర' సినిమా పనుల్లో బిజీగా ఉన్నారు. పాన్ ఇండియా లెవెల్లో రూపొందిన ఈ మూవీ ఈ నెల 31న ప్రపంచవ్యాప్తంగా విడుదలయ్యేందుకు సిద్ధంగా ఉంది. ఇప్పటికే ఈ సినిమా నుంచి విడుదలైన టీజర్, పాటలకు మూవీ లవర్స్ నుంచి మంచి రెస్పాన్స్ వస్తోంది. సుధీర్ కూడా ఓ నయా స్టోరీతో రావడం వల్ల ఈ చిత్రంపై భారీ అంచనాలే పెరిగాయి.
ఇదిలా ఉండగా, తాజాగా ఈ సినిమా నుంచి మరో కొత్త పాట విడుదల చేశారు మేకర్స్. 'మురుగుడి మాయ' అంటూ సాగే ఆ పాట ప్రేక్షకులను తెగ ఆకట్టుకుంటోంది. లిరిక్స్తో పాటు సాంగ్కు కూడా మంచి క్రేజ్ వస్తోంది. అయితే తాజాగా హీరో సుధీర్ బాబు ఈ సాంగ్ను తన వెర్షన్లో విడుదల చేశారు. తన కుమారులిద్దరితో కలిసి పాడి ఆ వీడియోను సోషల్ మీడియాలో షేర్ చేశారు.
అందులో సుధీర్ ఎంతో చక్కగా ఈ సాంగ్ను పాడగా, తనయులిద్దరూ ఆ వీడియోను తీసేందుకు సపోర్ట్ చేశారు. ప్రస్తుతం ఈ క్యూట్ వీడియో నెట్టింట ట్రెండ్ అవుతోంది. ఇది చూసిన అభిమానులు 'సో క్యూట్' అంటూ కామెంట్లు పెడుతున్నారు. మరికొందరేమో 'సుధీర్లో ఈ ట్యాలెంట్ కూడా ఉందా' అంటూ కితాబులిస్తున్నారు.
-
This is seriously not-so-serious version of #MurugudiMaya featuring the band of my boys 😬😎 🎵 Ahem, you can enjoy the original gem of a version here❤️ https://t.co/mrHk83eV4C
— Sudheer Babu (@isudheerbabu) May 14, 2024
try out with ur gang😉#HaromHara worldwide release in theaters on May 31st#HaromHaraOnMay31st… pic.twitter.com/SiuB2ZxAt4
ఇక 'హరోం హర' సినిమా విషయానికి వస్తే, కుప్పం నేపథ్యంలో రూపొందుతున్న ఓ ఫిక్షనల్‌ స్టోరీ ఇది. 1989-90 సంవత్సరాల మధ్యలో ఈ కథ జరిగినట్టుగా మేకర్స్ చూపించారు. అంతే కాకుండా నిజ జీవితంలో స్ఫూర్తి పొందిన పలు పాత్రలను ఆధారంగా చేసుకుని ఇందులో పాత్రలు క్రియేట్‌ చేసినట్లు తెలిపారు.
"ఈ స్టోరీ చాలా కొత్తగా ఉంటుంది. ఇప్పటివరకూ నేను ఇలాంటి కథలో నటించలేదు. కమర్షియల్‌ ఎలిమెంట్స్‌ కూడా చక్కగానే కుదిరాయి. కథ, నటీనటుల పాత్రల చిత్రీకరణ, సినిమాలోని ప్రతి రంగంపై డైరెక్టర్కు ఉన్న అభిరుచిని చూసి ఈ సినిమాకు ఓకే చెప్పాను." అంటూ సుధీర్ గతంలో ఈ సినిమా గురించి ఆసక్తికరమైన విషయాన్ని పంచుకున్నారు.
'సినిమా బాలేదంటే నష్టపరిహారం చెల్లించిన రోజులున్నాయి - నేను చేసినంతగా ఏ హీరో చేయలేరు'
'మా ఇద్దరికి దిష్టి పెట్టేశారు.. భవిష్యత్తులో డైరెక్టర్ అవుతానేమో!'
