Sri Leela Dance Secret : ప్రస్తుతం టాలీవుడ్ ఫిల్మ్ ఇండస్ట్రీలో టాప్ హీరోయిన్‌గా దూసుకుపోతున్న సెన్సేషన్ బ్యూటీ అనగానే టక్కున గుర్తచ్చే నటి హీరోయిన్ శ్రీలీల. పెళ్లిసందD చిత్రంతో ఎంట్రీ ఇచ్చిన ఈ బ్యూటీ ఆ తర్వాత ఒకేసారి దాదాపు 10 సినిమాలకు సైన్ చేసి కెరీర్ పరంగా అందరినీ ఆశ్చర్యపరిచింది. అదే విధంగా తన గ్లామర్ యాక్టింగ్తో పాటు అద్భుతమైన డ్యాన్సింగ్స్ స్కిల్స్ను ప్రదర్శించి ప్రేక్షకులను ఫిదా చేసేసింది. తోటి హీరోయిన్లకు టాప్ కాంపిటేటర్‌గా మారిపోయింది.
సాధారణంగా తెలుగు చిత్రసీమలో ఉన్న హీరోయిన్లలో బెస్ట్ డ్యాన్సర్ అనగానే అందరూ సాయి పల్లవి అనేవారు. కానీ ఇప్పుడీ పేరు కాస్త తగ్గించి శ్రీలీల అనడం మొదలుపెట్టేశారు. అంతలా ఈ ముద్దుగుమ్మ డాన్స్కు ప్రత్యేకమైన ఫ్యాన్ ఫాలోయింగ్ బేస్ ఏర్పడింది. అలా హీరోయిన్లకే కాదు ఏకంగా స్టార్ హీరోలకు సైతం గట్టి పోటీనిస్తూ డాన్స్తో ఇరగదీస్తోంది.
ఇక రీసెంట్గా విడుదలైన గుంటూరు కారం సినిమాలోనూ శ్రీలీల మరోసారి తన ఎనర్జీ డ్యాన్సింగ్ టాలెంట్ను చూపించి కట్టిపడేసింది. ముఖ్యంగా కుర్చీ మడతపెట్టి సాంగ్‌లో ఈ ముద్దుగుమ్మ వేసిన స్టెప్పులకు మహేశ్ కూడా తేలిపోయాడు. థియేటర్లు దద్దరిల్లిపోయాయి. ఈ సాంగ్ వచ్చినంత సేపు ఈలలు, చప్పట్లతో థియేటర్లు హోరెత్తిపోయాయి. అంతలా ఈ గ్లామర్ బ్యూటీ తన డ్యాన్స్ మూమెంట్స్‌తో మ్యాజిక్ చేసేసింది.
అలా తాను నటించే ప్రతి సినిమాలోనూ డ్యాన్స్, ఎనర్జీ విషయంలో ఎవరూ తనని బీట్ చేయలేరని మరోసారి నిరూపించింది శ్రీలీల. మరి ఈ ముద్దుగుమ్మ డ్యాన్స్ వెనక ఉన్న సీక్రెట్ ఏంటా అని ఆరా తీస్తే ఓ విషయం బయట పడింది. ఈ ముద్దుగుమ్మ అంతలా తన శరీరాన్ని మెలికలు తిప్పుతూ డ్యాన్స్ అంత బాగా వేయడానికి కారణం ఆమె చిన్నప్పటి నుంచే భరతనాట్యంలో ఆరి తేరడం. అందుకే ఆమెకు ఎటువంటి స్టెప్స్ అయినా వెన్నతో పెట్టిన విద్య అంట. ఎలాంటి కాంప్లికేటెడ్ డాన్స్ స్టెప్ట్స్ అయినా ఇట్టే నేర్చుకుని అవలీలగా చిందులేయగలదు. వాస్తవానికి ఈ విషయం చాలా మందికి తెలిసినప్పటికీ మరోసారి ఈ విషయమే నెట్టింట్లో తెరపైకి వచ్చింది.
ఇకపోతే ప్రస్తుతానికి మంచి డ్యాన్సింగ్ టాలెంట్ అండ్ గ్లామర్ యాక్టింగ్ తారగా దూసుకుపోతూ, అందరినీ మంత్రముగ్ధుల్ని చేస్తున్న రైజింగ్ బ్యూటీ శ్రీలీల ముందు ముందు టాలీవుడ్ను ఏ రేంజ్‌లో ఏలేస్తుందో చూడాలి మరి.
- " class="align-text-top noRightClick twitterSection" data="">
ఆపరేషన్ వాలంటైన్ - మెగా ప్రిన్స్ వరుణ్ తేజ్ అసలు పేరు ఇదా?
నేచురల్ స్టార్ నాని తొలి జీతం రూ.2500 - ఇప్పుడు ఎన్ని కోట్లో తెలుసా?
