Vijay Thalapathy Sreeleela : త్వరలోనే పొలిటికల్ ఎంట్రీ ఇవ్వనున్న విజయ్ దళపతి తన పెండింగ్ మూవీ ప్రాజెక్ట్స్ను పూర్తిచేసుకుని రాజకీయాలలోకి వస్తానని చెప్పిన సంగతి తెలిసిందే. దీనితో అయన నటించే చివరి రెండు సినిమాలపై ఫ్యాన్స్ విపరీతమైన క్రేజ్ పెంచుకున్నారు. ఆ రెండు ఫిల్మ్స్ లో వెంకట్ ప్రభు దర్శకత్వంలో వస్తున్న గోట్ ఒకటి. యువన్ శంకర్ రాజా ఈ చిత్రానికి సంగీతం అందిస్తున్నారు. ఈ మూవీలో టాలీవుడ్ హీరోయిన్ శ్రీలీలకు ఒక స్పెషల్ సాంగ్ చేసే అవకాశం వచ్చిందట. కానీ ఈ భామ దానికి నో చెప్పిందని కథనాలు వస్తున్నాయి.
టాలీవుడ్లో వరుస అవకాశాలతో దూసుకుపోతున్న శ్రీలీల కోలీవుడ్ లో మాత్రం ఆచి తూచి అడుగులు వేయాలని అనుకుంటుందట. ఇప్పటికే కోలీవుడ్ టాప్ హీరో అజిత్ సరసన గుడ్ బ్యాడ్ అగ్లీ అనే చిత్రంలో నటిస్తున్నట్లు సమాచారం అందింది. త్వరలోనే షూటింగ్ ప్రారంభం కానున్న ఈ మూవీకి మార్క్ ఆంటోనీ ఫేమ్ అధిక్ రవిచంద్రన్ దర్శకత్వం వహిస్తున్నారు.
కోలీవుడ్లో అజిత్ సరసన శ్రీలీల గ్రాండ్ ఎంట్రీ ఇస్తే అది కచ్చితంగా ఆమె కెరీర్కు సహాయపడుతుంది. అందుకే గోట్ సినిమాలో స్పెషల్ సాంగ్ కి నో చెప్పిందని ఇండస్ట్రీలో కొందరు అభిప్రాయ పడుతున్నారు. పైగా శ్రీలీల ఇదివరకే కొన్ని ఇంటర్వ్యూలలో తను స్పెషల్ సాంగ్స్ చేయనని చెప్పింది. అందుకే గోట్ మూవీకి నో చెప్పిందని మరికొందరు అంటున్నారు.
ఏదేమైనా టాలీవుడ్ వరుస అవకాశాలు ఎలా అయితే శ్రీలీలకు వస్తున్నాయో ఆ రేంజ్లో హిట్స్ మాత్రం రావడంలేదు. గత ఏడాది చాలా మూవీస్లో ముందు పెట్టుకున్న వారిని తీసేసి మరీ శ్రీలీలకు అవకాశం ఇచ్చేవారు. కానీ ఈ ఏడాదికి పరిస్థితి మారింది. ఇప్పుడు శ్రీలీల ముందే ఒప్పుకున్న ప్రాజెక్ట్స్లోనూ కొత్తగా వస్తున్న మలయాళ భామలకు ఎక్కువగా ప్రాధాన్యతను ఇస్తున్నారని తెలిసింది. ప్రస్తుతం తెలుగులో శ్రీలీల చేతిలో పవన్ కళ్యాణ్ ఉస్తాద్ భగత్ సింగ్ ఒక్కటే ఉంది. అయితే ఆ మూవీ షూటింగ్ కూడా ఎన్నికల వల్ల వాయిదా పడింది.
ఈ వారం అందరి ఫోకస్ ఆ 5 చిత్రాలపైనే! - This week Movie Releases
