Squid Game Type Movies: కొరియన్ సిరీస్ 'స్క్విడ్ గేమ్' ఎంత పెద్ద హిట్ అయిందో ప్రత్యేకంగా చెప్పనవసరం లేదు. భారీ నగదు బహుమతి గెలుచుకునే అవకాశం కోసం 456 మంది ఆటగాళ్లు వారి ప్రాణాలను పణంగా పెట్టి గేమ్ ఆడతారు. ఈ గేమ్ ఆడే ప్రక్రియలో సిరీస్ ప్రతి క్షణం ఉత్కంఠ భరితంగా సాగుతుంది. ప్రస్తుతం ఈ సిరీస్ ప్రముఖ ఓటీటీ ప్లాట్ఫామ్ నెట్ఫ్లిక్స్లో స్ట్రీమింగ్కు అందుబాటులో ఉంది. ఇక ఇదే నేపథ్యంలో సాగే ఈ సిరీస్కు నెట్ఫ్లిక్స్లో చాలానే ఉన్నాయి. అందులోని టాప్- 10 సినిమాలు ఇవే!
- The Wailing: ఒక గుర్తు తెలియని వ్యక్తి ఒక ఊరిలోకి ప్రవేశించిన తర్వాత జరిగిన పరిణామాలు ఒక మిస్టరీగా మారతాయి. తన కూతురిని కాపాడడం కోసం ఆ కేసును ఛాలెంజ్ గా తీసుకుంటాడు ఒక పోలీసు అధికారి.
- Time to Hunt: ఈ సినిమాలో సౌత్ కొరియా ఆర్ధిక కష్టాల్లో మునిగిపోయినట్టు చూపిస్తారు. పేదరికంలో ఉన్న కొంతమంది స్నేహితులు సుఖంగా బ్రతకాలి అనుకుంటారు. అయితే ఈలోగా వారిని ఒక వ్యక్తి వెంబడించడం మొదలుపెడతాడు. ఆ తర్వాత ఏం జరిగిందో తెలుసుకోవాలంటే Time to Hunt చూడాల్సిందే.
- Closed School: 2019లో రిలీజైన ఈ హారర్ సినిమాలో కొంతమంది హై స్కూల్ స్టూడెంట్స్ లోపల ఉండగా స్కూల్ కూలిపోతుంది. ఆ తర్వాత భయంకరమైన సంఘటనలు జరుగుతాయి.
- Seol Station: ఇది ఒక యానిమేటెడ్ హారర్ సినిమా. 2016లో రిలీజైన ఈ సినిమాలో జాంబి విజృంభణ జరిగిన తర్వాత కొంతమంది తమను తాము ఈ జాంబిల నుండి కాపాడుకోవడానికి చేసే ప్రయత్నం ఈ సినిమా కథ.
- The Outlaws: 2007లో మొదటి భాగం, 2022లో రెండవ భాగం వచ్చింది. ఒక రెండు గ్రూపుల మధ్య జరిగే యుద్దం ఈ సినిమా కథాంశం.
- Smugglers: ఈ సినిమా కథ అంతా 1970ల్లో జరుగుతుంది. ఒక ప్రశాంతమైన ఊరులో ఇద్దరూ ఆడవాళ్లు స్మగ్లింగ్ కేసులో ఇరుక్కుంటారు. ఈ సినిమా 2023లో రిలీజ్ అయింది.
- I Saw the Devil: ఒక రిటైర్డ్ పోలీస్ ఆఫీసర్ కూతురు ఒక సైకో చేతిలో హత్యకు గురి అవుతుంది. ఆ అమ్మాయికి కాబోయే భర్త ఆ హత్యకు పగ తీర్చుకోవాలని అనుకుంటాడు.
- The Swindlers: ఒక పెద్ద పేరున్న వ్యక్తిని పట్టుకోవడానికి విభిన్న పరిస్థితుల నుండి వచ్చిన ఇద్దరూ కలుస్తారు. వాళ్ల లక్ష్యాన్ని ఎలా సాధించారు అన్నదే ఈ సినిమా కథ.
- Cold Eyes: బ్యాంక్ ను దోచుకున్న దొంగలని పట్టుకోవడానికి ఒక స్పెషల్ పోలీస్ టీం చేసిన ప్రయత్నం ఈ సినిమా కథ.
- The Thieves: ఈ సినిమాలో కొంతమంది దొంగలు ఒక కాసినోలో ఉన్న ఖరీదైన డైమండ్ ను దొంగలించాలని ప్లాన్ చేస్తారు. అయితే మరొకరు కూడా అదే రకమైన ప్లాన్ ను అమలుచేస్తారు.
- " class="align-text-top noRightClick twitterSection" data="">
