Socio Fantasy Movies In Telugu: టాలీవుడ్లో కొంతకాలంగా సోషియో ఫాంటసీ జానర్ సినిమాలు బాక్సాఫీస్ వద్ద ఘన విజయం సాధిస్తున్నాయి. అక్కినేని నాగచైతన్య 'బంగార్రాజు' నుంచి 'కార్తికేయ 2', 'బింబిసార'’, 'విరూపాక్ష', 'హను-మాన్‌', ఇలా అనేక సినిమాలు బ్లాక్బస్టర్లుగా నిలిచాయి. ఈ క్రమంలో టాలీవుడ్లో మరికొంత మంది స్టార్ హీరోలు అలాంటి సినిమాలతో ప్రేక్షకుల ముందుకు రానున్నారు.
చిరంజీవి: మెగాస్టార్ చిరంజీవి 'విశ్వంభర' సినిమాతో టాలీవుడ్ ప్రేక్షకులకు సరికొత్త ఫాంటసీ యాక్షన్ అడ్వెంచరస్‌ థ్రిల్లర్‌ ఎక్స్పీరియన్స్ ఇవ్వనున్నారు. ఈ సినిమాను బింబిసార ఫేమ్ వశిష్ఠ తెరకెక్కిస్తున్నారు. ఈ కథ పంచభూతాలతో ముడిపడి ఉంటుదని తెలుస్తోంది. అలాగే ముల్లోకాలతో ముడిపడిన అంశాలు ఉంటాయని కూడా సినీవర్లాల్లో టాక్. సినిమా కోసం మూవీయూనిట్ ఓ ప్రత్యేకమైన ఊహా ప్రపంచాన్ని సృష్టిస్తోంది. అవన్నీ సినీప్రియులకు కొత్త అనుభూతినిస్తాయని అంటున్నారు. ఈ మూవీ 2025 జనవరిలో రిలీజ్ కానుంది.
ప్రభాస్: యాక్షన్ సీన్స్కు కేరాఫ్ అడ్రస్గా చెప్పుకునే ప్రభాస్ కూడా ఈ జానర్లోకి ఎంట్రీ ఇచ్చారు. ఆయన 'కల్కి' అనే సైన్స్‌ ఫిక్షన్‌ సినిమాతో ఆడియెన్స్ ముందుకు రానున్నారు. డైరెక్టర్ నాగ్ అశ్విన్ ఈ మూవీ తెరకెక్కిస్తున్నారు. ఈ సినిమా కథ 6వేల ఏళ్ల నాటికిందటిది అని టాక్. ఇప్పటికే రిలీజైన గ్లింప్స్ ఆకట్టుకుంది. భారీ బడ్జెట్తో తెరకెక్కిన ఈ సినిమా అతి త్వరలోనే థియేటర్లలో సందడి చేసే ఛాన్స్ ఉంది.
నాగచైతన్య: యవసామ్రాట్ నాగచైతన్య దర్శకుడు కార్తీక్‌ దండుతో జతకట్టనున్నాడు. ఈ సినిమా కూడా ఇదే జానర్లో తెరకెక్కనుందని తెలుస్తోంది. ప్రస్తుతం స్క్రిప్ట్‌ పనులు శరవేగంగా జరుగుతున్నాయి. ఈ సినిమా కూడా ఆయన తొలి చిత్రం 'విరూపాక్ష' వలే ఉండనుందట. త్వరలో సినిమా పట్టాలెక్కనుంది.
నిఖిల్: నిఖిల్ పాన్ఇండియా సినిమా 'కార్తికేయ- 2' 2022లో భారీ హిట్ సొంతం చేసుకుంది. డైరెక్టర్ చందూ మొండేటి ఆధ్యాత్మికతకు సైన్స్‌ను ముడిపెట్టి ఈ సినిమా తెరకెక్కించారు. ఇక ఈ సినిమాకు సీక్వెల్గా మూడో పార్ట్ రానున్నట్లు రీసెంట్గా హింట్ ఇచ్చారు. రెండో భాగం కథ ఎక్కడైతే ముగిసిందో అక్కడి నుంచే ఈ మూడో భాగం కొనసాగనుంది.
'రాజాసాబ్' సెట్స్లోకి ప్రభాస్ ఎంట్రీ - న్యూ లుక్లో ఎలా ఉన్నారంటే ? - Prabhas New Look
