Saripodhaa Sanivaaram Teaser : హాయ్ నాన్న సినిమాతో మాసివ్ బ్లాక్బస్టర్ అందుకున్న నేచురల్ స్టార్ నాని ప్రస్తుతం గ్యాప్ లేకుండా వరుస షెడ్యుల్లో బిజీగా ఉన్నారు. తాజాగా ఈయన లీడ్ రోల్లో డివివి దానయ్య ఎంటర్టైన్మెంట్స్ సరిపోదా శనివారం అనే మూవీని తెరక్కిస్తోంది. ఇప్పటికే వచ్చిన పోస్టర్లు, టైటిల్ రివీల్ వీడియో ఆడియెన్స్ను ఆకట్టుకోగా, తాజాగా వచ్చిన టీజర్ అభిమానుల్లో ఈ సినిమాపై మరింత అంచనాలు పెంచేసింది. నాని బర్త్డే సందర్భంగా రిలీజ్ చేసిన ఈ గ్లింప్స్ ఆద్యంతం ఆసక్తికరంగా ఉంది. ఇందులో నాని సూర్య అనే పాత్రలో కనిపించారు.
"కోపాలు ర‌క ర‌కాలు. ఒక్కో మనిషికి కోపం ఒక్కోలా ఉంటుంది. కానీ ఆ కోపాన్ని క్రమబద్ధంగా, పద్దతిగా వారంలో ఒక్క రోజు మాత్రమే చూపించే పిచ్చొడిని ఎవరైనా చూశారా ?. నేను చూశాను" అంటూ ఎస్ జే సూర్య చెప్పే డైలాగ్తో ఈ గ్లింప్స్ మెదలైంది. ఇందులో నాని ఓ అగ్రెసివ్ రోల్లో కనిపించారు. లుక్, ఫైట్స్ ఇలా అన్ని ఆకట్టుకునేలా ఉన్నాయని ఫ్యాన్స్ ఆనందం వ్యక్తం చేస్తున్నారు.
- " class="align-text-top noRightClick twitterSection" data="">
Saripodhaa Sanivaaram Cast : ప్రస్తుతం ఈ మూవీ షూటింగ్ శరవేగంగా జరుగుతోంది. ఇందులో నానితో ప్రియాంక అరుల్ మోహన్ నటిస్తున్నారు. గ్యాంగ్ లీడర్ తర్వాత ఈ జంట సరిపోదా శనివారంలో అలరించనుంది. మరోవైపు కోలీవుడ్ స్టార్ డైరెక్టర్ ఎస్జే సూర్య ఈ సినిమాలో కీలక పాత్ర పోషిస్తున్నారు. ఇందులో ఆయన ఓ పోలీస్ ఆఫీసర్ రోల్లో కనిపించారు. ఇక ఈ మూవీకి జేక్స్ బిజోయ్ సంగీతాన్ని అందిస్తున్నారు. స్టార్ డైరెక్టర్ వివేక్ ఆత్రేయ ఈ సినిమాను ప్రతిష్టాత్మకంగా తెరకెక్కిస్తున్నారు. అయితే అంటే సుందరానికి తర్వాత నాని - వివేక్ కలిసి పనిచేస్తున్న రెండో సినిమా ఇది. మరోవైపు పాన్ ఇండియా లెవెల్లో ఈ మూవీ రిలీజ్ కానుంది. గ్లింప్స్లో ఈ సినిమా రిలీజ్ డేట్ను కూడా రివీల్ చేశారు మేకర్స్. ఆగస్టు 29న సినిమా విడుదల కానున్నట్లు ప్రకటించారు.
అసిస్టెంట్ డైరెక్టర్ టు రూ.100 కోట్ల స్టార్ - అందరు హీరోల్లా నాని చేయకపోవడానికి కారణం ఇదే!
వాలెంటైన్స్ డే స్పెషల్ - జున్ను న్యూ ట్యాలెంట్ - మురిసిపోయిన నాని
