Nani Saripoda Sanivaram Movie : 'సరిపోదా శనివారం'తో ప్రేక్షకుల ముందుకు వచ్చేశారు హీరో నాని. వివేక్‌ ఆత్రేయ తెరకెక్కించిన చిత్రమిది. ప్రియాంకా మోహన్‌ హీరోయిన్గా నటించారు. ఎస్.జె. సూర్య ప్రతి నాయకుడిగా కీలక పాత్ర పోషించారు. సినిమా విడుదల సందర్భంగా ఎక్స్‌ వేదికగా అభిమానులతో సరదాగా ముచ్చటించారు నాని. ఏం మాట్లాడారంటే?
'ఇంటర్వెల్ బ్యాంగ్ ఎలా ఉండబోతోంది?' అని ఓ ఫ్యాన్ అడగగా - స్థిర శనివారం సమవర్థి (డైలాగ్‌ను ఉద్దేశించి) లా ఇంటర్వెల్ బ్యాంగ్ ఉంటుందని సినిమా గురించి నాని చెప్పారు. ఈ సినిమా ఫైనల్‌ కాపీ చూశాక ఈ మువీ 'సరిపోయింది శనివారం'లా ఉందని తన అభిప్రాయాన్ని వ్యక్తం చేశారు.
సాధారణంగా నాని సినిమాల్లో ఎమోషన్స్ ఎక్కువగా ఉంటాయి. సినిమా చూసిన ఆడియెన్స్ ఏదో ఒక సందర్భంలో కన్నీరు పెట్టుకుంటుంటారని వింటూనే ఉంటాం. అయితే ఈ సారి కూడా అలాంటి ఏడిపించే ఎమోషన్స్ ఉంటాయా? అని ఓ అభిమాని అడిగారు. దానికి 'నేను ప్రామిస్ చేయలేను' అని నాని బదులిచ్చారు.
'ఈ సినిమాతో సమంత, కిచ్చా సుదీప్‌లకు ఏదైనా లింక్‌ ఉందా?' అని అడగగా ఉందని మరోసారి క్లారిటీ ఇచ్చారు నేచురల్ స్టార్. అంతకుముందు 'ఈగ'లో సమంత, కిచ్చా సుదీప్తో కలిసి నాని నటించిన సంగతి తెలిసిందే. అలానే సరిపోదా శనివారం ప్రమోషన్స్లోనూ సమంత, కిచ్చా సుదీప్ను కలిశారు నాని.
Nani Saripoda Sanivaram Movie Review : ఇకపోతే సరిపోదా శనివారం రివ్యూ విషయానికొస్తే తొలి షో నుంచే పాజిటివ్ రెస్పాన్స్ వస్తోంది. సోషల్ మీడియాలో నాని ఫ్యాన్స్ హంగామా ప్రారంభించేశారు. సినిమా బాగుందంటూ కామెంట్లు చేస్తున్నారు. నాని ఇంట్ర‌డ‌క్ష‌న్ సీన్తో పాటు ఇంటర్వెల్ ట్విస్ట్‌, క్లైమాక్స్ యాక్ష‌న్ సీక్వెన్స్ గూస్‌బంప్స్‌ తెప్పించేలా ఉన్నాయని అంటున్నారు. రేసీ స్క్రీన్‌ప్లే, హై ఇంటెన్స్‌ యాక్ష‌న్ సీక్వెన్స్ థ్రిల్లింగ్‌ను పంచాయని కామెంట్లు చేస్తున్నారు. నాని, ఎస్ జే సూర్య(Nani, SJ Suryah) నటన వేరె లెవల్ ఉందని చెబుతున్నారు. ముఖ్యంగా జేక్స్‌ బెజాయ్‌ అందించిన సంగీతం సినిమాను మరో లెవెల్కు తీసుకెళ్లిందని తమ అభిప్రాయాన్ని వ్యక్తం చేస్తున్నారు.
నాని 'సరిపోదా శనివారం' ఎలా ఉందంటే? - Saripoda Sanivaram Movie Review
ఆ ఓటీటీలోనే 'సరిపోదా శనివారం' - ఎప్పుడు వస్తుందంటే? - Saripoda Sanivaram OTT
