Sandeep Reddy Vanga Prabhas Spirit Movie : ఇంకా షూటింగ్ మొదలుకానప్పటికీ 'స్పిరిట్'పై అంచనాలు ఆకాశాన్ని తాకుతున్నాయి. అర్జున్ రెడ్డి, కబీర్ సింగ్తో డెబ్యూ హిట్ అందుకుని ఆ తర్వాత యానిమల్తో భారీ బ్లాక్ బస్టర్ ఖాతాలో వేసుకున్న సందీప్ రెడ్డి వంగా స్పిరిట్ను తెరకెక్కిస్తున్నారు. పైగా ఇందులో ప్రభాస్ నటించబోతుండడంతో ఆ అంచనాలు మరింత పెరిగిపోయాయి.
ప్రస్తుతం ఈ 'స్పిరిట్' సినిమా సోషల్ మీడియాలో తెగ ట్రెండ్ అవుతోంది. గ్యాప్ లేకుండా ఫ్యాన్స్ దీన్ని ట్రెండ్ చేస్తూనే ఉన్నారు. ఎందుకంటే స్పిరిట్ గురించి మరింత హైప్ పెంచేలా ఏకంగా నాలుగు అప్డేట్స్ బయట చక్కర్లు కొడుతున్నాయి. అదేంటంటే సినిమాలో ఏకంగా ఇద్దరు మెగాస్టార్స్ నటించే అవకాశం ఉన్నట్లు జోరుగా ప్రచారం సాగుతోంది. దీంతో పాటే ఓ బాలీవుడ్ హీరోయిన్ కూడా దాదాపుగా కన్ఫామ్ అయిపోతుందని చెబుతున్నారు. స్పిరిట్ సెట్స్పైకి ఎప్పుడు వెళ్లనుందో కూడా సమాచారం బయటకు వచ్చింది.
ఇంతకీ వారెవరంటే? - ఓ కీలక పాత్ర కోసం మలయాళ మెగాస్టార్ మమ్ముట్టిని సందీప్ రెడ్డి సంప్రదించారట. అలానే టాలీవుడ్ మెగాస్టార్ చిరంజీవిని(Spirit Chiranjeevi) కూడా సందీప్ వంగా సంప్రదించినట్లు వార్తలు వస్తున్నాయి. కొద్ది రోజులుగా కరీనా కపూర్ నటించబోతున్నట్లు కూడా ప్రచారం సాగింది. ఇప్పుడు ఇది కూడా కన్ఫామ్ అయినట్లు కొత్త ప్రచారం తెరపైకి వచ్చింది. అలా ఈ ముగ్గురు ప్రభాస్ స్పిరిట్ కోసం పని చేస్తారనే సమాచారం బయటకు రావడంతో 'స్పిరిట్' గ్యాప్ లేకుండా ట్రెండ్ అవుతూ ఫ్యాన్స్లో ఫుల్ జోష్ నింపుతోంది. ఒకవేళ వీళ్లంతా నిజంగా స్పిరిట్లో నటిస్తే మాత్రం ఈ సినిమా పక్కా మెంటల్ మాస్ కాంబినేషన్ అవుతుంది.
Spirit Movie Shooting : కాగా, స్పిరిట్ సినిమా 2025 జనవరిలో సెట్స్పైకి వెళ్లే అవకాశముందని కూడా ప్రస్తుతం నెట్టింట్లో ట్రెండింగ్ అవుతోంది. ఈ చిత్రం పోలీస్‌ డ్రామాగా తెరకెక్కనుంది. పూర్తి యాక్షన్‌ ఎంటర్‌టైనర్‌గా రానుంది. ఇందులో ప్రభాస్ తొలిసారి ఖాకీ దుస్తులు ధరించి, లాఠీ ఝుళిపించనున్నారు. టి సిరీస్ భూషణ్‌కుమార్‌ నిర్మాతగా వ్యవహరిస్తున్నారు.
రామ్చరణ్, ప్రశాంత్ నీల్ కాంబో ఫిక్స్- షూటింగ్ ఎప్పుడంటే? - Ram Charan Prashanth Neel Movie
'పుష్ప 2' కోసం ఫహాద్ ఫాజిల్ రెమ్యునరేషన్ ఇదే - ఫస్ట్ పార్ట్ కన్నా ఎంత ఎక్కువంటే?
