Samantha New Movie : టాలీవుడ్ స్టార్ హీరోయిన్ సమంత ఫ్యాన్స్ కోసం సూపర్ సర్ఫ్రైజ్ ఇచ్చింది. తన బర్త్డే సందర్భంగా కొత్త మూవీ గురించి అనౌన్స్ చేసింది. మా ఇంటి బంగాం అనే టైటిల్తో ఈ సినిమా రానుంది. సామ్ తన సొంత ప్రొడక్షన్ హౌస్ అయిన 'ట్రా లాలా' ఈ మూవీని తెరకెక్కించనుంది. ఈ ప్రొడక్షన్ హౌస్ నిర్మించనున్న తొలి సినిమా కూడా ఇదే కావడం విశేషం.
ఇక సామ్ బర్త్డే సందర్భంగా మేకర్స్ ఈ మూవీకి సంబంధించిన ఆసక్తికరమైన పోస్టర్ను నెట్టింట పంచుకున్నారు. దాన్ని సమంత తన సోషల్ మీడియా అకౌంట్స్లో షేర్ చేసింది. 'మెరిసిందల్లా బంగారం అవ్వాలని లేదు' అంటూ ఓ ఇంట్రెస్టింగ్ క్యాప్షన్ను జత చేసింది. అందులో సామ్ చీర కట్టుకుని ఓ గృహిణిగా కనిపించింది. అయితే ఆమె చేతిలో గన్ కూడా పట్టుకుని కాస్త వైలెంట్గానూ కనిపించింది.
ముఖం మీద రక్తం మరకలు కూడా ఉన్నాయి. ఈ పోస్టర్ చూస్తుంటే ఆమె మరోసారి తనలోని యాక్షన్ కోణాన్ని చూపించేందుకు సిద్ధమైనట్లు తెలుస్తోంది. అంతే కాకుండా ఇది లేడీ ఓరియెంటడ్ మూవీగా తెలుస్తోంది. అయితే ఆ ఫోటోలో ప్రొడక్షన్ హౌస్ గురించి తప్ప మిగతా వివరాలను వెల్లడించలేదు. దీంతో ఫ్యాన్స్ ఆసక్తి మరింత పెరిగిపోయింది.
ఇక సమంత గత కొంతకాలంగా మయోసైటిస్ అనే వ్యాధికి చికిత్స తీసుకుంటోంది. ఇంతకాలంగా ఫారిన్లో ఉన్న ఆమె ఇటీవలె తిరిగి ఇండియాకు వచ్చింది. దాని కారణంగానే ఇండస్ట్రీకి దూరంగా ఉంటూ పలు సినిమాలను వదులుకుంది. అయితే ఆమె ఇప్పుడు ఈ మూవీతో ప్రేక్షకులను పలకరించేందుకు సిద్ధమైంది.
మరోవైపు సామ్ చికిత్స తీసుకుంటున్న సమయంలోనే సిటాడెల్ అనే హిందీ వెబ్ సిరీస్లో నటించింది. ప్రముఖ ఓటీటీ సంస్థ అమేజాన్ ప్రైమ్ రూపొందించిన ఈ సిరీస్ హనీ బన్నీ అనే పేరుతో త్వరలో స్ట్రీమింగ్‍కు కానుంది. ఇందులో సామ్తో పాటు బాలీవుడ్ స్టార్ హీరో వరుణ్ ధావన్ కూడా కీలక పాత్ర పోషించారు.
సమంత విలన్గా నటించిన సినిమా తెలుసా? - ఫ్యామిలీమెన్ సిరీస్ మాత్రం కాదు! - Happy Birthday Samantha
అవార్డ్ ఫంక్షన్ కోసం పెళ్లి డ్రెస్ రీమోడలింగ్ - కారణం చెప్పిన సామ్ - Samantha Wedding Gown
