Samantha New Journey : టాలీవుడ్ స్టార్ హీరోయిన్ సమంత తాజాగా తన న్యూ జర్నీ గురించి అభిమానులతో పంచుకుంది. ఆమె వరల్డ్‌ పికిల్బాల్ లీగ్‌లో భాగంగా ఇటీవలే చెన్నై ఫ్రాంచైజీ కొనుగోలు చేసినట్టు ఓ ఈవెంట్‌లో వెల్లడించింది. ఇక చెన్నై టీమ్‌కు యజమానిగా ఉండటం తనకెంతో ఆనందాన్నిస్తోందని పేర్కొంది. ఈ విషయాన్ని సోషల్ మీడియా వేదికగా తన అభిమానులతో పంచుకుంది. 'న్యూ బిగినింగ్‌' అంటూ ఆ పోస్ట్‌కు ఓ హ్యాష్‌ట్యాగ్‌ను కూడా జోడించింది. ఇది చూసి నెటిజన్లు తనకు 'ఆల్ ది బెస్ట్' చెప్తున్నారు. కొత్త జర్నీ సక్సెస్‌ఫుల్‌ కావాలంటూ కామెంట్లు పెడుతున్నారు.
ఏంటీ పికిల్బాల్ ?
టెన్నిస్‌, టేబుల్‌ టెన్నిస్‌, బ్యాడ్మింటన్‌ను లాగే ఉంటుంది ఈ పికిల్బాల్ గేమ్‌. అయితే, దీనికి కొన్ని స్పెషల్ రూల్స్‌ ఉన్నాయి. 1965లో అమెరికాలో మొదలైన ఈ గేమ్‌కు ఇప్పుడు మన దగ్గర కూడా విశేష ఆదరణ లభిస్తోంది. ఇండోర్‌, అవుట్‌డోర్‌లో ఈ గేమ్‌ను బాగా ఆడొచ్చు. సాధారణంగా సింగిల్స్‌లో ఇద్దరు, డబుల్స్‌లో నలుగురు ఆడతుంటారు. ప్రస్తుతం సామ్ పెట్టిన ఈ పోస్ట్‌తో ఈ గేమ్‌పై మరింత ఇంట్రెస్ట్ పెరిగింది అభిమానులకు.
నార్త్ ఫిల్మ్ కోసం సన్నాహాలు!
ఇక సామ్ ప్రస్తుతం తన ప్రొడక్షన్ హౌస్ నిర్మిస్తున్న 'మా ఇంటి బంగారం' అనే మూవీలో నటిస్తోంది. మయోసైటిస్ కారణంగా గతొ కొంతకాలం పాటు సినిమాలకు దూరంగా ఉన్న ఈ చిన్నది ఇప్పుడు మళ్లీ ఇండస్ట్రీలోకి రీఎంట్రీ ఇచ్చి సెలెక్టడ్ సినిమాలకు సైన్ చేస్తోంది. అయితే ఇప్పటివరకు సౌత్లోనే తన జోరు కొనసాగిస్తూ స్టార్డమ్ తెచ్చుకున్న సామ్, సిటాడెల్: హనీ బన్నీతో నార్త్లోనూ మంచి క్రేజ్ సంపాదించుకుంది.
ఆ సిరీస్ ఇంకా విడుదల కానప్పటికీ, సామ్ కోసం ప్రత్యేకంగా చూసేందుకు ఎంతో మంది ఫ్యాన్స్ వెయిట్ చేస్తున్నట్లు తెలుస్తోంది. అయితే దానికంటే ముందే ఈ అమ్మడు బీటౌన్లో తన యాక్టింగ్తో ఆకట్టుకోనున్నట్లు తెలుస్తోంది. అంతే కాకుండా దాని ద్వారా సామ్ మనసులోని కోరిక కూడా నెరవేరనుందట. ఇంతకీ అదేంటంటే?
సమంతకు ఎప్పటి నుంచో బాలీవుడ్ బాద్షా షారుక్ ఖాన్ సరసన నటించాలన్న కోరిక ఉందట. ఆయనతో ఒక్కసారైనా స్క్రీన్ షేర్ చేసుకోవాలనుకుందట. ఇప్పుడు ఆ కోరిక నెరవేరిందని సమాచారం. షారుక్ అప్కమింగ్ మూవీలో ఈ చిన్నది ఓ కీ రోల్ ప్లే చేయనుందట. మరిన్ని విషయాలు ఇంకా తెలియాల్సి ఉంది.
