Samantha First Bollywood Movie : సౌత్ స్టార్ హీరోయిన్ సమంత ప్రస్తుతం తన ప్రొడక్షన్ హౌస్ నిర్మిస్తున్న 'మా ఇంటి బంగారం' అనే మూవీలో నటిస్తోంది. మయోసైటిస్ కారణంగా గతొ కొంతకాలం పాటు సినిమాలకు దూరంగా ఉన్న ఈ చిన్నది ఇప్పుడు మళ్లీ ఇండస్ట్రీలోకి రీఎంట్రీ ఇచ్చి సెలెక్టడ్ సినిమాలకు సైన్ చేస్తోంది. అయితే ఇప్పటివరకు సౌత్లోనే తన జోరు కొనసాగిస్తూ స్టార్డమ్ తెచ్చుకున్న సామ్, సిటాడెల్: హనీ బన్నీతో నార్త్లోనూ మంచి క్రేజ్ సంపాదించుకుంది.
ఆ సిరీస్ ఇంకా విడుదల కానప్పటికీ, సామ్ కోసం ప్రత్యేకంగా చూసేందుకు ఎంతో మంది ఫ్యాన్స్ వెయిట్ చేస్తున్నట్లు తెలుస్తోంది. అయితే దానికంటే ముందే ఈ అమ్మడు బీటౌన్లో తన యాక్టింగ్తో ఆకట్టుకోనున్నట్లు తెలుస్తోంది. అంతే కాకుండా దాని ద్వారా సామ్ మనసులోని కోరిక కూడా నెరవేరనుందట. ఇంతకీ అదేంటంటే?
సమంతకు ఎప్పటి నుంచో బాలీవుడ్ బాద్షా షారుక్ ఖాన్ సరసన నటించాలన్న కోరిక ఉందట. ఆయనతో ఒక్కసారైనా స్క్రీన్ షేర్ చేసుకోవాలనుకుందట. ఇప్పుడు ఆ కోరిక నెరవేరిందని సమాచారం. షారుక్ అప్కమింగ్ మూవీలో ఈ చిన్నది ఓ కీ రోల్ ప్లే చేయనుందట.
సినీ వర్గాల సమాచారం ప్రకారం, 'డంకీ' డైరెక్టర్ రాజ్‌కుమార్‌ హిరానీ డైరెక్షన్లో రానున్న ఓ చిత్రంలో షారుక్, సామ్ నటించనున్నారట. ఇప్పుడు ఇదే విషయం బీటౌన్లో పాటు నెటింట తెగ ట్రెండ్ అవుతోంది. అయితే ఇప్పటి వరకూ ఈ విషయంపై ఎటువంటి అధికారిక ప్రకటన రానప్పటికీ అభిమానులు మాత్రం తెగ సంబరాలు చేసుకుంటున్నారు. త్వరగా సామ్ హిందీలోనూ డెబ్యూ చేయాలని ఆశిస్తున్నారు. ఈ సినిమా ఆమెకు స్ట్రాంగ్ కమ్బ్యాక్ ఇవ్వాలని కోరుకుంటున్నారు.
ఇదిలా ఉండగా, ఇదే సినిమాకు సంబంధించిన మరో రూమర్ కూడా చక్కర్లు కొడుతోంది. అదేంటంటే, ఈ మూవీ యాక్షన్తో దేశభక్తి నేపథ్యంలో రూపొందనున్నట్లు తెలుస్తోంది. ఇది గనుక నిజమైతే సామ్ ఇటువంటి జానర్లో నటించడం తొలిసారి అవుతోంది.
మరోవైవు సామ్ మాలీవుడ్ మెగాస్టార్ మమ్ముట్టితో సినిమా చేసేందుకు గ్రీన్సిగ్నల్ ఇచ్చినట్లు తెలుస్తోంది. డైరెక్టర్ గౌతమ్ మేనన్‌ డైరెక్షన్లో రానున్న ఆ చిత్రంలో సమంతను హీరోయిన్‌గా తీసుకోవాలని చర్చలు జరుగుతున్నాయట. చూస్తుంటే ఈ సినిమా కూడా దాదాపు ఖాయమైనట్లే తెలుస్తోంది.
'వాటి కోసం మనమే వెతుక్కోవాలి' - ధ్యానం చేస్తున్న సామ్ - Samantha Meditation
