Salman Khan Kick 2 Movie : బాలీవుడ్ కండల వీరుడు షారుక్ ఖాన్ నటించిన బ్లాక్బస్టర్ మూవీస్లో 'కిక్'ఒకటి. 2014లో వచ్చిన ఈ చిత్రం బాక్సాఫీస్ వద్ద మంచి టాక్తో పాటు కాసుల వర్షం కురిపించింది. అయితే అప్పట్లో ఈ చిత్రానికి సీక్వెల్ విడుదల కానున్నట్లు ప్రకటించినప్పటికీ అది రూమర్స్గానే మిగిలిపోయాయి. కానీ ఇప్పుడు ఆ రూమర్స్ నిజం కానున్నట్లు మేకర్సే ఓ స్పెషల్ అనౌన్స్మెంట్ ఇచ్చారు. కండల వీరుడి సూపర్ ఫొటో షూట్తో 'కిక్ 2' అఫీషియల్ అనౌన్స్మెంట్ ఇచ్చారు.
స్టార్ నిర్మాత సాజిద్‌ నడియాద్వాలా తాజాగా సల్మాన్కు సంబంధించిన బ్లాక్ అండ్ వైట్ ఫొటోను షేర్ చేసి 'ఇది ఓ గ్రేట్ కిక్ 2 ఫొటోషూట్ సికందర్' అంటూ క్యాప్షన్ను జోడించారు. చూస్తుంటే ఈ సారి మొదటి పార్ట్ కంటే సీక్వెల్లో ఏదో భారీగా ప్లాన్ చేస్తున్నట్లు తెలుస్తోందని అభిమానులు అంటున్నారు. ఇక ఈ సినిమాలో సమంత కూడా నటిస్తున్నట్లు రూమర్స్ వస్తున్నాయి. కానీ మేకర్స్ ఈ విషయంపై ఇప్పటివరకూ స్పందించలేదు.
ఇదిలా ఉండగా, 2009లో రవితేజ హీరోగా నటించిన 'కిక్' రీమేక్గా తెరకెక్కిన ఈ చిత్రం అప్పట్లో బాక్సాఫీస్ను షేక్ చేసింది. అయితే ఒరిజినల్ సినిమాలోని కొన్ని సీన్స్ను బీటౌన్ అభిమానులకు తగ్గట్లుగా మార్చి తెరకెక్కించడం వల్ల అక్కడి వారు ఈ చిత్రానికి బాగా కనెక్ట్ అయ్యారు. సల్మాన్ ఖాన్, జాక్వెలిన్‌ ఫెర్నాడెంజ్‌ తమ తమ పాత్రల్లో అద్భుతంగా నటించి ప్రేక్షకులను అలరించారు.
యాక్షన్‌ కామెడీ ఫిల్మ్‌గా తెరకెక్కిన ఈ సినిమాను రూ.140 కోట్ల బడ్జెట్‌తో సాజిద్‌ దీనిని నిర్మించగా, అది రూ.400 కోట్లకు పైగా వసూళ్లు సాధించి దూసుకెళ్లిందని ట్రేడ్ వర్గాల మాట.
ఇక సల్మాన్ ఖాన్ ప్రస్తుతం 'సికందర్' అనే భారీ బడ్జెట్ సినిమాలో నటిస్తున్నారు. కోలీవుడ్ డైరెక్టర్ ఎ.ఆర్‌.మురుగదాస్‌ తెరకెక్కిస్తున్న ఈ చిత్రానికి సాజిద్‌ నడియాడ్‌వాలా నిర్మాతగా వ్యవహరిస్తున్నారు. కన్నడ స్టార్ హీరోయిన్ రష్మిక ఇందులో ఫీమేల్ లీడ్గా మెరవనుంది. ప్రస్తుతం ఈ సినిమా శరవేగంగా చిత్రీకరణ జరుపుకుంటోంది.
వెబ్సిరీస్లో కలిసి నటించనున్న షారుక్, సల్మాన్! - Salman Khan Sharukh Khan Webseries
