Rashmika New Hindi Movie Thama : సౌత్తో పాటు నార్త్లోనూ వరుస చిత్రాలు చేస్తూ కెరీర్‌లో దూసుకెళ్తోంది హీరోయిన్ రష్మిక. గతేడాది యానిమల్‌తో హిందీలో భారీ విజయాన్ని అందుకున్న ఆమె, ప్రస్తుతం చేతి నిండా సినిమాలతో, వరుస షూటింగ్స్‌తో బిజీగా గడుపుతోంది.
అయితే తాజాగా బాలీవుడ్‌లో మరో భారీ ప్రాజెక్ట్ను ఓకే చేసి సర్ప్రైజ్ చేసింది. 'స్త్రీ', 'బేడియా', 'ముంజ్య' క్రియేటర్స్‌ ఈ ప్రాజెక్ట్ను తెరకెక్కించనున్నారు. భిన్న కాన్సెప్ట్తో ఇది రూపుదిద్దుకోనుంది. ఈ చిత్రానికి థమా అనే టైటిల్ ఖరారు చేశారు. ఈ విషయాన్ని తెలియజేస్తూ రష్మిక తాజాగా పోస్ట్‌ కూడా పెట్టింది.
"ఈ యూనివర్స్ ఓ ప్రేమ కథ కోరుకుంటుంది. దురదృష్టవశాత్తూ అది చాలా ఉద్వేగంతో కూడినది. " అని టీమ్‌ పేర్కొంది. ఆయుష్మాన్‌ ఖురానా, నవాజుద్దీన్‌ సిద్ధిఖీ, పరేశ్‌ రావల్‌ ఈ చిత్రంలో కీలక పాత్రల్లో కనిపించనున్నారట. ‘ముంజ్య’ దర్శకుడు ఆదిత్య సర్పోత్థార్‌ ఈ ప్రాజెక్ట్కు దర్శకత్వం వహించనున్నారు. బేడియా, స్త్రీ నిర్మాత దినేష్‌ విజన్‌ ఈ చిత్రానికి నిర్మాతగా వ్యవహరిస్తున్నారు. వచ్చే ఏడాది 2025 దీపావళి కానుకగా ఇది ప్రేక్షకుల ముందుకు రానుంది.
దీపావళికి బాక్సాఫీస్ సందడంతా ఈ ముద్దుగుమ్మలదే!
'అది తెలిసి ఆశ్చర్యపోయా - వినగానే బ్లడ్ బాయిల్ అయిపోతది!' : ప్రభాస్‌
