Rashmika Mandanna Upcoming Movies : సౌత్ ఇండస్ట్రీతో పాటు నార్త్లోనూ వరుస సినిమాలు చేస్తూ కెరీర్‌లో దూసుకెళ్తోంది హీరోయిన్ రష్మిక. గతేడాది యానిమల్‌ చిత్రంతో భారీ విజయాన్ని అందుకున్న ఈ ముద్దుగుమ్మ ఆ తర్వాత మళ్లీ తెరపై కనిపించలేదు. అలా అని ఆమెమీ గ్యాప్ తీసుకోలేదు. ప్రస్తుతం ఈ భామ చేతినిండా చిత్రాలతో వరుస షూటింగ్స్‌తో గ్యాప్ లేకుండానే గడుపుతోంది. ఈ సారి పది నెలల గ్యాప్లోనే ఏకంగా అరడజను సినిమాలతో ప్రేక్షకుల ముందుకు రానుంది.
మొదటగా పుష్ప 2 ది రూల్ చిత్రంతో శ్రీ వల్లిగా ఈ ఏడాది డిసెంబర్లో థియేటర్లలో సందడి చేయనుంది. మొదటి భాగం కన్నా రెండో భాగంలో ఎక్కువగా రష్మిక పాత్రను దర్శకుడు సుకుమార్ తీర్చిదిద్దినట్టు ఇప్పటికే టాక్ నడుస్తోంది. క్యారెక్టరైజేషన్ అద్భుతంగా ఉంటుందని అంటున్నారు.
ఈ సినిమా విడుదలైన నెలలోపే బాలీవుడ్ చిత్రం ఛావాతో ప్రేక్షకుల ముందుకు రానుంది. మరాఠా వీరుడు శంభాజీ కథ ఆధారంగా రూపొందిన ఈ హిస్టారికల్ డ్రామాలో విక్కీ కౌశల్ సరసన నటించింది. శంభాజీ భార్య ఏసుబాయి పాత్రలో మెప్పించనుంది.
బాలీవుడ్ హీరో సల్మాన్ ఖాన్ నటిస్తున్న సికందర్ చిత్రంలోనూ హీరోయిన్గా నటిస్తోంది రష్మిక. ఈద్ సందర్భంగా ఈ చిత్రం థియేటర్లకు రానుంది. మురుగదాస్ దర్శకత్వం వహిస్తున్నారు.
నాగార్జున ధనుశ్ కాంబోలో రూపొందుతున్న కుబేరలోనూ రష్మిక కీలక పాత్రలో నటిస్తోంది. శేఖర్ కమ్ముల రష్మికను ఎలా ప్రెజెంట్ చేస్తారనే ఆసక్తి అభిమానుల్లో ఎక్కువగానే ఉంది.
రాహుల్ రవీంద్రన్ దర్శకత్వంలో ది గర్ల్ ఫ్రెండ్ అనే చిత్రంలో నటిస్తోంది. ఈ చిత్రం దాదాపుగా చివరి దశకు చేరుకుంది. విడుదల తేదీ ఇంకా పక్కా కాలేదు. వచ్చే ఏడాది సమ్మర్లో వచ్చే అవకాశముంది.
'స్త్రీ', 'బేడియా', 'ముంజ్య' క్రియేటర్స్‌ రూపొందిస్తున్న మరో హారర్ డ్రామా తమాలోనూ రష్మిక మందన్న నటించనుంది.
ఇంకా రైన్బో అనే మరో చిత్రాన్ని కూడా చేస్తోంది. కానీ ప్రస్తుతానికి ఈ సినిమా ఆప్డేట్స్ ఏమీ రావట్లేదు. ఇలా మొత్తంగా దాదాపు అరడజనకుపైగా చిత్రాల్లో నటిస్తోంది రష్మిక. ఇవన్నీ బ్యాక్ టు బ్యాక్ రిలీజ్ కానున్నాయి.
కొత్త పోస్టర్తో 'పుష్ప 2' సర్ప్రైజ్ - ట్రైలర్ రిలీజ్ డేట్ ఫిక్స్
