Rashmika Mandanna Kubera : నేషనల్ క్రష్ రష్మిక మందన్న ప్రస్తుతం 'కుబేర' షూటింగ్లో యాక్టివ్గా పాల్గొంటోంది. ఇటీవలే ఈ సినిమాకు సంబంధించిన బిజీ షెడ్యూల్లో గడిపినట్లు సోషల్ మీడియా వేదికగా పోస్ట్ చేసింది. అయితే తాజాగా ఈ సినిమాలోని తన ఫస్ట్ లుక్ను అభిమానులతో పంచుకుని సర్ప్రైజ్ చేసింది. మేకర్స్ రిలీజ్ చేసిన స్పెషల్ గ్లింప్స్ వీడియోను నెట్టింట పంచుకుంది.
అందులో రష్మిక సింపుల్గా కనిపించింది. ఓ గునపం చేతిలో పట్టుకుని అడవిలాంటి ప్రదేశానికి వెళ్లి అక్కడ తవ్వడం మొదలెడుతుంది. ఇంతలో ఆ తవ్వకాల్లో తనకు ఓ పెద్ద సూట్కేస్ దొరుకుతుంది. ఆమె ఆ పెట్టెను ఓపెన్ చేయగా, దాని నిండా డబ్బులు కనిపిస్తుంది. దీంతో రష్మిక ఆనందంగా ఆ సూట్కేస్ను తీసుకుని వెళ్తుంది. ఈ గ్లింప్స్ చూసి అభిమానులు స్టోరీని రకరకాలుగా గెస్ చేస్తున్నారు. తానే ఈ దబ్బులు అక్కడ దాచిపెట్టి ఉండొచ్చు అని కొందరు అంటుండగా, మరికొందరేమో తనకు దొరికిన హింట్ వల్ల ఆమె అక్కడ చేరకుని ఉండొచ్చు అని కామంట్లు పెడుతున్నారు.
Kubera 💕💕💕💕@dhanushkraja @iamnagarjuna @sekharkammula @jimSarbh @Daliptahil @ThisIsDSP @SVCLLP @amigoscreation @AdityaMusic @KuberaTheMovie #Kubera pic.twitter.com/ikkwUcnXhS
— Rashmika Mandanna (@iamRashmika) July 5, 2024
ఇప్పటికే ఈ చిత్రం నుంచి ధనుశ్, నాగార్జున ఫస్ట్ లుక్ కూడా రివీల్ అయ్యింది. రిలీజైన మూడు లుక్స్ కూడా అభిమానుల్లో ఈ సినిమాపై మరింత ఆసక్తి రేపుతోంది. ప్రస్తుతం ఈ మూవీ శరవేగంగా షూటింగ్ జరుపుకుంటోంది. హీరో ధనుశ్తో పాటు మూవీ టీమ్ మొత్తం కీలక చిత్రీకరణలో పాల్గొంటున్నారు.
తాజాగా జుహూ బీచ్‌లో ధనుశ్కు సంబంధించిన కీలక సీన్స్ను మూవీ టీమ్ చిత్రీకరించగా, దీనికి సంబంధించిన ఫొటోలు వీడియోలు క్షణాల్లో వైరల్ అయ్యాయి. ఇక హైదరాబాద్‌లోనూ నాగ్, ధనుశ్ మధ్య పలు యాక్షన్‌ సీన్స్ కూడా షూట్ చేసినట్లు సమాచారం.
ఇక 'కుబేర' విషయానికి వస్తే డిఫరెంట్ జానర్తో డైరెక్టర్ శేఖర్ కమ్ముల తెరకెక్కిస్తున్న ఈ చిత్రాన్ని ఏషియన్‌ సినిమాస్‌ బ్యానర్‌పై పీ రామ్మెహన రావు, సునీల్ నారంగ్‌, సంయుక్తంగా నిర్మిస్తున్నారు. సోషల్ డ్రామా నేపథ్యంలో రూపొందుతున్న ఈ సినిమను పాన్ఇండియా లెవెల్లో రిలీజ్ చేసేందుకు మేకర్స్ సన్నాహాలు చేస్తున్నారు.
చెత్తలో 10 గంటలు మాస్క్ లేకుండా - కుబేర కోసం ధనుశ్ భారీ రిస్క్! - Kubera Dhanush
'కుబేర' నాగ్ పోస్టర్ ఔట్- స్టైలిష్ లుక్లో కింగ్ అదుర్స్ - Kubera Movie Nagarjuna First Look
