Ramayan Movie Shooting : బాలీవుడ్ స్టార్ డైరెక్టర్ నితీశ్ తివారీ తెరకెక్కిస్తున్న రామాయణ్ సినిమా ప్రస్తుతం చిత్రీకరణ దశలో ఉంది. ఇప్పటికే రణ్బీర్ కపూర్, సాయి పల్లవి కూడా సినిమా షూటింగ్లో పాల్గొన్నారని పలు వార్తలు వచ్చాయి. అయితే ఆ రూమర్స్ నిజమే అంటూ పలు ఫొటోలు నెట్టింట సందడి చేస్తున్నాయి. అందులో రణ్బీర్ సాయి పల్లవి రాముడు, సీత వేషధారణలో కనిపించారు.దీంతో ఈ ఇద్దరూ రామయణంలో భాగమని ఫిక్స్ అయ్యారు నెటిజన్లు.
అయితే ఇప్పటి వరకు మేకర్స్ ఈ సినిమా గురించి బయట ఎటువంటి అనౌన్స్మెంట్ ఇవ్వలేదు. కనీసం ఈ సినిమాలో ఎవరెవరు ఉన్నారన్న విషయం గురించి కూడా అధికారికంగా ఎక్కడా చెప్పలేదు. షూటింగ్ కూడా సైలెంట్గానే మొదలుపెట్టారు. అప్పట్లో ఈ సినిమా గురించి కీలక అప్డేట్ను విడుదల చేస్తారంటూ వార్తలు వచ్చినప్పటికీ మూవీ టీమ్ స్పందించి క్లారిటీ ఇవ్వలేదు.
-
#Ranbir & #SaiPallavi as #Ram & #Sita for #Ramayana pic.twitter.com/RNvC1kGKDQ
— R a J i V (@RajivAluri) April 27, 2024
ఇక ఈ సినిమాలో రకుల్ ప్రీత్ సింగ్ సూర్పణఖగా, హనుమంతుడి పాత్రలో సన్నీ డియోల్, రావణుడిగా యశ్ కనిపించనున్నట్లు పలు రూమర్స్ నెలలుగా నెట్టింట ట్రెండ్ అవుతోంది. దీంతో పాటు వీరి రెమ్యూనరేష్ గురించి సోషల్ మీడియాలో డిస్కషన్ జరిగింది.
ఇదిలా ఉండగా, లక్ష్మణుడి పాత్రలో యంగ్ హీరో నవీన్ పోలిశెట్టి కనిపించున్నారని సమాచారం. కానీ ఆయన ప్రస్తుతం అమెరికాలో ఉండటం వల్ల ఈ విషయం ఇంకా ఎలాంటి కన్ఫర్మేషన్ లేదని తెలుస్తోంది. అయితే లక్ష్మణుడి పాత్ర కోసం హిందీ సీరియల్ నటుడు రవి దూబే పేరు కూడా వినిపిస్తోంది.
ఈ సినిమాలో కేజీఎఫ్ స్టార్ యశ్ కీలక పాత్ర పోషించడంతో పాటు కో ప్రొడ్యూసర్గా కూడా వ్యవహరించనున్నారట. నమిత్ మల్హోత్రా కు చెందిన ప్రొడక్షన్ కంపెనీ ప్రైమ్ ఫోకస్ స్టూడియోస్తో యశ్ స్థాపించిన కంపెనీ మాన్స్టర్ మైండ్ క్రియేషన్స్ కలిసి ఈ చిత్రాన్ని నిర్మించనున్నాయి.
నమిత్ మల్హోత్రా DNEGకు గ్లోబల్ సీఈవో కూడా. ఈ సినిమాను నిర్మించాలని చాలాకాలం నుంచి ప్రయత్నిస్తున్నారు. ఆ ప్రయత్నం ఇప్పటికీ నితీశ్ తివారి ద్వారా నెరవేరబోతుంది. ఇప్పటికే ఈ చిత్రానికి రణ్బీర్ కపూర్ అత్యధికంగా రూ.250 కోట్లు రెమ్యునరేషన్, సాయిపల్లవి రూ.20కోట్లు తీసుకోనున్నట్లు ప్రచారం జరుగుతుంది.
రామాయణం మొదలు - యశ్, రణ్బీర్ సెట్లోకి జాయిన్ అయ్యేది అప్పుడే! - Ramayana Movie
