Ram Pothineni Double Ishmart : ఎనర్జిటిక్ హీరో రామ్ పోతినేని, స్టార్ డైరెక్టర్ పూరి జగన్నాథ్‌ కాంబినేషన్లో తెరకెక్కుతున్న యాక్షన్ మూవీ 'డబుల్ ఇస్మార్ట్'. 2019లో విడుదలైన 'ఇస్మార్ట్ శంకర్'కు సీక్వెల్గా ఇది తెరకెక్కుతోంది. ఇప్పటికే విడుదలైన ట్రైలర్ ఈ చిత్రంపై భారీ అంచనాలు పెంచుతోంది. అయితే ఆగస్టు 15న ఈ ఈ సినిమా విడుదల కానున్న నేపథ్యంలో హీరో రామ్తో పాటు మూవీ టీమ్ ఓ ఈవెంట్లో సందడి చేసింది. దాంతో పాటు సినిమాకు సంబంధించిన విశేషాలను పంచుకుంది. అయితే హీరో రామ్ ఈ సినిమా కోసం వెయిట్ లాస్ అయినట్లు చెప్పుకొచ్చారు.
"ఇస్మార్ట్ శంకర్ సినిమాకు క్లైమాక్సే హైలైట్‌. మళ్లీ అదే లుక్‌లోనే ఈ డబుల్ ఇస్మార్ట్లో కనిపించాలి. స్కంద షూటింగ్ పూర్తయ్యాక ఫారిన్కు వెళ్లి అక్కడ తీవ్రంగా ఎక్సర్సైజ్ చేసి తిరిగి శంకర్ లుక్‌లోకి వచ్చాను. స్కందలో నేను 86 కేజీలు ఉన్నాను. అయితే నెల రోజుల్లో 18 కేజీలు తగ్గి ఇప్పుడు 68కి వచ్చాను". అంటూ రామ్ తన ట్రాన్స్ఫార్మేషన్ గురించి చెప్పుకొచ్చారు.
