Ram Charan Honorary Doctorate : గ్లోబల్ స్టార్ రామ్ చరణ్కు అరుదైన గౌరవం దక్కింది. చెన్నైకి చెందిన వేల్స్ విశ్వవిద్యాలయం ఆయనకు గౌరవ డాక్టరేట్ ప్రకటించింది. ఏప్రిల్ 13న జరగనున్న వేల్స్ యూనివర్సిటీ స్నాతకోత్సవంలో ఈ డాక్టరేట్ను ప్రదానం చేయున్నారు.
ఏప్రిల్ 13న జరిగే ఈ స్నాతకోత్నవం సినీ నిర్మాత, యూనివర్సిటీ ఛాన్సలర్ ఈసారి గణేశ్ అధ్యక్షతన జరగనున్నాయి. ఈ వేడుకలకు ముఖ్య అతిథిగా రామ్ చరణ్ హాజరకానున్నారు. కళా రంగానికి రామ్ చరణ్ చేస్తున్న సేవలకు గుర్తింపు ఈ డాక్టరేట్ను ప్రకటించారు. దీనిని ఆల్ ఇండియా కౌన్సిల్ ఆఫ్ టెక్నికల్ ఎడ్యుకేషన్ అధ్యక్షుడు డీజీ సీతారాం అందజేయనున్నారు.
Ram Charan Movie : ఇక 'ఆర్ఆర్ఆర్' సినిమాతో అంతర్జాతీయ స్థాయిలో మంచి గుర్తింపును తెచ్చుకున్నారు. 'ఆర్ఆర్ఆర్', ' ఆచార్య' తర్వాత రామ్ చరణ్ నటిస్తోన్న చిత్రం 'గేమ్ ఛేంజర్'. ప్రస్తుతం ఈ సినిమా షూటింగ్లో బిజీగా ఉన్నారు. పొలిటికల్ యాక్షన్ థీమ్తో తెరకెక్కుతున్న ఈ సినిమా ఈ ఏడాది రిలీజ్ కానున్నట్లు సమాచారం. ఇందులో రామ్చరణ్ సరసన కియారా అద్వానీ నటిస్తుండగా, ఈ సినిమాలో నటి అంజలి, SJ సూర్య, శ్రీకాంత్, శుభలేఖ సుధాకర్ తదితరులు నటిస్తున్నారు. ప్రముఖ నిర్మాత దిల్రాజు శ్రీ వేంకటేశ్వర క్రియేషన్స్ బ్యానర్పై శిరీష్తో ఈ చిత్రాన్ని సంయుక్తంగా రూపొందిస్తున్నారు.
ఇటీవలే చెర్రీ బర్త్డే స్పెషల్గా ఈ చిత్రం నుంచి జరగండి అనే సాంగ్ను విడుదల చేశారు. ఇక డైరెక్టర్ శంకర్ ఈ పాటను చాలా గ్రాండ్గా డిజైన్ చేశారు. నేచురల్ లుక్ కోసం ప్రత్యేకంగా ఈ సెట్ వేశారు. ఈ సాంగ్లో రామ్చరణ్- కియారా లుక్స్, స్క్రీన్ ప్రెజెన్స్ సాంగ్కు హైలైట్గా నిలిచాయి. వీళ్లిద్దరి మధ్య కెమిస్ట్రీ, స్టిల్స్, కాస్ట్యూమ్కు ఫ్యాన్స్ ఫిదా అవుతున్నారు. రచయిత అనంత శ్రీరామ్ పాటకు లిరిక్స్ అందించగా ఎప్పటిలాగే తమన్ మ్యూజిక్ ఇరగదీశారు. డ్యాన్స్ మాస్టర్ ప్రభుదేవా 'జరగండి' సాంగ్కు కొరియోగ్రఫి చేపట్టారు. ఈ చిత్రం తర్వాత 'ఉప్పెన' ఫేమ్‌ బుచ్చిబాబుతో చరణ్ ఇటీవల కొత్త చిత్రాన్ని అనౌన్స్‌ చేశారు. ఇవి కాకుండా సుకుమార్తో RC 17 సినిమాను ఖరారు చేశారు.
ముంబయి 'వార్'లో దిగిన ఎన్టీఆర్ - పది రోజులు అక్కడే! - War 2 Shooting
