Rakul Preet Singh In Indian 2 : కమల్ హాసన్ ప్రధాన పాత్రలో శంకర్ దర్శకత్వంలో తెరకెక్కుతోన్న చిత్రం 'భారతీయుడు 2'. ఇందులో సిద్ధార్ధ్, కాజల్, ప్రియా భవానీ శంకర్ లాంటి స్టార్స్ కీలక పాత్రలో నటించగా, బాలీవుడ్ బ్యూటీ రకుల్ ప్రీత్ సింగ్ కూడా ఓ స్ట్రాంగ్ రోల్లో కనిపించనుంది. ఈ నేపథ్యంలో తాజాగా జరిగిన ఓ ఇంటర్వ్యూలో తన రోల్ గురించి పలు ఇంట్రెస్టింగ్ విషయాలు చెప్పుకొచ్చింది.
'నా కెరీర్‌లోని బెస్ట్ సినిమాల్లో 'ఇండియన్-2' ఒకటి. ఎందుకంటే ఇందులో నా పాత్ర అంత గొప్పగా ఉంటుంది. నా నిజ జీవితానికి దగ్గర పోలికలతో ఉంటుంది. ఇందులోని నా పాత్ర ఓ గొప్ప ఆత్మవిశ్వాసం కలిగిన మహిళగా ఉండనుంది. ఇప్పటి వరకు ఇలాంటి పాత్రలో నేనెప్పుడూ నటించలేదు. ఈ మూవీ షూటింగ్ మొత్తం నాకు గొప్ప అనుభూతినిచ్చింది. శంకర్ వంటి గొప్ప డైరెక్టర్తో పనిచేయడం అదృష్టంగా భావిస్తున్నాను. ఈ సినిమా గురించి మీతో చాలా విషయాలు పంచుకోవాలని ఆసక్తిగా ఉంది. దానికి ఇంకా సమయం పడుతుంది' అని రకుల్ తెలిపింది.
ఇక 'ఇండియన్ 2' సినిమా విషయానికొస్తే జులై 12న ఈ చిత్రం వరల్డ్ వైడ్ గ్రాండ్గా రిలీజ్ కానుంది. 1996లో శంకర్ డైరెక్షన్లో వచ్చిన 'బారతీయుడు' సంచలనం సృష్టించింది. సేనాపతి పాత్రలో కమల్ ఆహార్యం, నటన ప్రేక్షకుల్ని విశేషంగా ఆకట్టుకున్నాయి. ఇప్పుడీ ఈ చిత్రానికి సీక్వెల్‌గా 'భారతీయుడు 2' మరోసారి మ్యాజిక్‌ చేసేందుకు సిద్ధమైంది. ఇప్పటికే విడుదలైన గ్లింప్స్, పాటలు ఆడియెన్స్ను విపరీతంగా ఆకట్టుకున్నాయి. దీంతో ప్రేక్షకుల్లో అంచనాలు మరింత పెరిగిపోయాయి. ఇది విడుదలైన వెంటనే మూడో భాగానికి సంబంధించిన నిర్మాణాంతర పనుల్ని మొదలు పెట్టనున్నారు.
'భారతీయుడు2'లో మనీషా కొయిరాల?
తాజాగా ఈ చిత్రానికి సంబంధించిన ఓ వార్త సోషల్‌ మీడియాలో వైరల్‌గా మారింది. ఇందులో మనీషా కొయిరాల కూడా ఓ కీలక పాత్రలో కనిపించనున్నట్లు వార్తలు వస్తున్నాయి. శంకర్‌తో ఆమె దిగిన ఫొటో వైరల్‌ కావడం వల్లే మనీషా నటించారని టాక్‌ వినిపిస్తోంది. ఇక ఇక ఈ సినిమాలో బ్రహ్మానందం, ఎస్‌జే సూర్య, సిద్దార్థ్‌, స‌ముద్రఖని, బాబీ సింహా, మధుబాల, కీలక పాత్రలు పోషించారు. ఈ చిత్రాన్ని లైకా ప్రొడక్షన్స్- రెడ్ జేయింట్స్ బ్యానర్పై ఉద‌య‌నిధి స్టాలిన్‌, లైకా సుభాస్కరన్‌ సంయుక్తంగా నిర్మిస్తున్నారు. అనిరుధ్ ర‌విచంద‌ర్ మ్యూజిక్‌, బ్యాక్‌గ్రౌండ్‌ స్కోర్‌ అందించారు.
క్రైమ్ థ్రిల్లర్ 'మీర్జాపూర్‌ 3' వచ్చేస్తుందోచ్ - ఆ రోజు నుంచే స్ట్రీమింగ్‌
