Pushpa 3 Update : స్టైలిష్ స్టార్ అల్లు అర్జున్ 'పుష్ప 2' కోసం ఫ్యాన్స్ ఆత్రుతగా ఎదురు చూస్తున్నారు. 2021లో బ్లాస్బస్టర్ విజయం అందుకున్న పుష్ప ది రైజ్‌ సినిమాకు ఇది సీక్వెల్గా తెరకెక్కింది. అయితే కొంత కాలంగా ఈ సినిమాకు మూడో పార్ట్ కూడా రానుందని సోషల్ మీడియాలో ప్రచారం సాగుతోంది. దీనిపై సినిమా నిర్మాతలు తాజా ప్రెస్మీట్లో క్లారిటీ ఇచ్చారు.
'పుష్ప 1 బ్లాక్ బస్టర్ అయ్యింది. దాని వల్లే రెండో పార్ట్ వస్తోంది. అలాగే పుష్ప 2 కొనసాగింపుగా మూడో పార్ట్ ఇంకేమైనా ఉంటుందా?' అనే మీడియా ప్రశ్నకు ప్రొడ్యూసర్ రవిశంకర్ స్పందించారు. 'కచ్చితంగా మూడో పార్ట్ ఉంటుంది. దానికి కావాల్సిన లీడ్ ఈ క్లైమాక్స్లో ఉంటుంది' అని రవిశంకర్ అప్డేట్ ఇచ్చారు. దీంతో సోషల్ మీడియాలో పుష్ప ట్రెండింగ్లో వచ్చేసింది. ఫ్యాన్స్ ఫుల్ హ్యాపీ ఫీల్ అవుతున్నారు.
There will be a solid lead for #Pushpa3 in #Pushpa2TheRule. Definite ga Part 3 vuntadi
— 𝐁𝐡𝐞𝐞𝐬𝐡𝐦𝐚 𝐓𝐚𝐥𝐤𝐬 (@BheeshmaTalks) October 24, 2024
pic.twitter.com/q7BwJWi4Ic
కాగా, ప్రెస్మీట్లో నిర్మాతలు రవిశంకర్, నవీన్ యర్నేని సినిమా గురించి పలు ఇంట్రెస్టింగ్ విషయాలు షేర్ చేసుకున్నారు. మీడియా అడిగిన పలు ప్రశ్నలకు సమాధానాలు ఇచ్చారు.
స్పెషల్ సాంగ్లో ఎవరు నటిస్తున్నారు?
ఎవరనేది ఇంకా ఖరారు కాలేదు. తుది దశ షూటింగ్లో ఆ పాటే మిగిలి ఉంది. నవంబరు 4 నుంచి షూట్‌ ప్రారంభం చేయాలనుకుంటున్నాం. మరో రెండు రోజుల్లో ఆ వివరాలు వెల్లడిస్తాం.
ప్రీ రిలీజ్‌ బిజినెస్‌ రూ. 1000 కోట్లు అంటున్నారు. నిజమేంత?
థియేట్రికల్‌, నాన్‌ థియేట్రికల్‌ కలిపి అలా చెబుతున్నారు. అయితే, నాన్‌ థియేట్రికల్‌ విషయంలో ఇప్పటి వరకూ ఏ సినిమా చేయని బిజినెస్‌ చేసింది.
టికెట్‌ ధరల పెంపు గురించి చెబుతారా?
'కల్కి' విడుదల సమయంలో ఏపీ డిప్యూటీ సీఎం పవన్‌ కల్యాణ్‌ను కలిశాం. ఆయన నుంచి సానుకూల స్పందన వచ్చింది. అప్పటి నుంచి పెద్ద సినిమాలన్నింటికీ అదే కొనసాగుతోంది. ఆ విషయంలో మాకు సంతోషం.
2021 లో బ్లాస్బస్టర్ విజయం అందుకున్న పుష్ప ది రైజ్‌ సినిమాకు ఇది సీక్వెల్. ఈ సినిమాలో రష్మిక మందన్నా హీరోయిన్గా నటించింది. ఫహద్‌ ఫాజిల్‌, సునీల్‌, అనసూయ కీలక పాత్రలు పోషించారు. మైత్రీ మూవీ మేకర్స్‌ బ్యానర్పై ఈ సినిమా రూపొందింది. రాక్స్టార్ దేవీశ్రీ ప్రసాద్ ఈ సినిమాకు సంగీతం అందించారు.
'పుష్ప 2'లో యానిమల్ యాక్టర్ - సుకుమార్ ప్లానింగ్కు ఫ్యాన్స్ సర్ప్రైజ్
'70 ఏళ్లలో ఎప్పుడూ అలా జరగలేదు' - పుష్ప 2 అప్డేట్ ఇచ్చిన నిర్మాత
