Pushpa 2 Shooting Completed : ఐకాన్ స్టార్ అల్లు అర్జున్, డైరెక్టర్ సుకుమార్ కాంబోలో రూపొందుతున్న 'పుష్ప: ది రూల్‌' సినిమా షూటింగ్ తాజాగా కంప్లీట్ అయ్యింది. ఈ క్రమంలో బన్నీ ఈ విషయాన్ని తెలియజేస్తూ ఆనందం వ్యక్తం చేశారు. " లాస్ట్ డే షూటింగ్. అద్భుతమైన ఐదేళ్ల 'పుష్ప' ప్రయాణం పూర్తయింది" అంటూ ఓ ఎమోషనల్ నోట్ షేర్ చేశారు. దాంతో పాటు షూట్కు సంబంధించిన ఓ ఫొటోను కూడా షేర్ చేసుకున్నారు. ప్రస్తుతం అది కాస్త నెట్టింట తెగ ట్రెండ్ అవుతోంది.
LAST DAY LAST SHOT OF PUSHPA . 5 years JOURNEY of PUSHPA completed . What a journey 🖤 pic.twitter.com/eQoRhcLFMQ
— Allu Arjun (@alluarjun) November 26, 2024
రన్టైమ్ ఎంతంటే?
మరోవైపు 'పుష్ప 2' రన్టైమ్ పార్ట్ 1 కంటే ఎక్కువగా ఉన్నట్లు తెలుస్తోంది. సినీ వర్గాల సమాచారం ప్రకారం ఈ చిత్రం దాదాపు 3 గంటల 21 నిమిషాల నిడివితో ఉంటుందట. ప్రస్తుతం ఈ వార్త కూడా బాగా వైరల్ అవుతోంది. ఇక తొలుత అనుకున్న స్క్రిప్ట్నే ఇంకాస్త్ మెరుగుపరిచి, దానికి ఇంకాస్త మరిన్ని మెరుగులు దిద్ది 'పుష్ప: ది రూల్‌'ను రెడీ చేశారు. ఈ క్రమంలో ఇప్పటికే విడుదల చేసిన టీజర్, ట్రైలర్, ఈ చిత్రంపై అభిమానుల్లో భారీ అంచనాలే పెంచేశాయి.
తాజాగా వచ్చిన ట్రైలర్లో జాతర ఫైట్, మాస్ సీన్స్కు అభిమానులు బాగా కనెక్ట్ అయ్యారు. అంతేకాకుండా కొన్ని ట్విస్ట్లు, మరికొన్ని కొత్త క్యారెక్టర్ల పరిచయంతో ఆ వీడియో చాలా ఇంట్రెస్టింగ్గా సాగింది. ఈ క్రమంలో అన్ని భాషల్లోనూ మిలియన్స్కు పైగా వ్యూవ్స్తో ఇప్పటికీ ట్రెండింగ్లో ఉంది ఈ ట్రైలర్.
ఇక 'పుష్ప 2' సినిమా విషయానికి వస్తే డైరెక్టర్ సుకుమార్ ఈ చిత్రాన్ని అత్యంత ప్రతిష్ఠాత్మకంగా తెరకెక్కిస్తున్నారు. నేషనల్ క్రష్ రష్మిక మందన్నా ఫీమేల్ లీడ్గా మెరుస్తుండగా, మాలీవుడ్ స్టార్ హీరో ఫాహద్ ఫాజిల్, సీనియర్ నటులు జగపతి బాబు, సునీల్, అనసూయ భరద్వాజ్ కీలక పాత్రలు పోషిస్తున్నారు. స్టార్ మ్యూజిక్ డైరెక్టర్ దేవీశ్రీ ప్రసాద్ ఈ చిత్రానికి అదిరిపోయే సంగీతం అందిస్తున్నారు. ఇప్పటికే రిలీజైన రెండు పాటలు చాట్బస్టర్లుగా నిలిచాయి. మరో పాట త్వరలోనే విడుదల కానుంది. మైత్రి మూవీ మేకర్స్ బ్యానర్పై రవి శంకర్, నవీన్ ఈ సినిమాకు సంయుక్తంగా ప్రోడ్యూస్ చేస్తున్నారు.
ఆ విషయంలో షారుక్ను వెనక్కి నెట్టిన బన్నీ! - అంతా 'పుష్ప' ఎఫెక్టే!
ఇది కదా 'పుష్ప రాజ్' బ్రాండ్ అంటే- తెలుగులో తొలి సినిమాగా రికార్డ్!
