గెట్ రెడీ ఫర్ మాస్ జాతర- 'పుష్ప 2' తెలుగు ఈవెంట్ ఎప్పుడంటే?

పుష్ప హైదరాబాద్ ఈవెంట్​కు డేట్ ఫిక్స్- ఎప్పుడు, ఎక్కడంటే?

Pushpa 2 Pre Release Event Hyderabad : ఐకాన్ స్టార్ అల్లు అర్జున్ 'పుష్ప 2' ప్రమోషన్స్​లో బిజీ బిజీగా ఉన్నారు. మూవీటీమ్ ఇప్పటికే చెన్నై, కోచి నగరాల్లో ప్రీ రిలీజ్ ఈవెంట్ నిర్వహించగా, శుక్రవారం ముంబయిలో ప్రెస్​మీట్​లో పాల్గొంది. దేశవ్యాప్తంగా ఈవెంట్​లు పూర్తి చేసుకున్న మూవీటీమ్, ఇక తెలుగు అభిమానుల కోసం మాస్ జాతర నిర్వహించేందుకు సిద్ధమైంది. ఈ క్రమంలో మేకర్స్ ఈవెంట్​ డేట్ అనౌన్స్ చేస్తూ, మాస్ పోస్టర్ రిలీజ్ చేశారు.

పుష్ప తెలుగు ప్రీ రిలీజ్ ఈవెంట్ డిసెంబర్ 2న జరగనున్నట్లు మేకర్స్ అధికారికంగా ప్రకటించారు. ఈ ఈవెంట్​కు హైదరాబాద్ యూసుఫ్ గూడ పోలీస్ గ్రౌండ్స్ వేదిక కానుంది. ఈ మేరకు 'హైదరాబాద్​లో పుష్ప వైల్డ్ ఫైర్ జాతర' అంటూ పోస్టర్ రిలీజ్ చేశారు. ఈ కార్యక్రమం సోమవారం సాయంత్రం 6 గంటలకు ప్రారంభం కానుంది. దీంతో బన్నీ ఫ్యాన్స్​ సంతోషం వ్యక్తం చేస్తున్నారు.

After celebrating THE BIGGEST INDIAN FILM across the nation, it's time to bring that euphoria home ❤‍🔥 #Pushpa2WildfireJAAthara in HYDERABAD on December 2nd from 6 PM onwards 💥💥
Venue : Police Grounds, Yousufguda #Pushpa2TheRule #Pushpa2TheRuleOnDec5th

Icon Star… pic.twitter.com/JZWuR9rvru

— Pushpa (@PushpaMovie) November 30, 2024

కాగా, ఈ ఈవెంట్​ చాలా గ్రాండ్​గా నిర్వహించేందుకు మేకర్స్ ప్లాన్ చేస్తున్నారు. పటిష్ఠ భద్రత మధ్య కార్యక్రమం జరగనుంది. ఇక ఈ ఈవెంట్​కు హీరో బన్నీ సహా హీరోయిన్ రష్మిక మంధన్నా, డ్యాన్స్ క్వీన్ శ్రీలీల హాజరుకానున్నారు. అలాగే తెలుగు ఇండస్ట్రీ నుంచి పలువురు ప్రముఖుల కూడా ఈవెంట్​లో కనిపించనున్నారని ఇన్​సైట్ టాక్ వినిపిస్తోంది. ఇక అల్లు అర్జున్ స్పీచ్ కోసం బన్నీ ఫ్యాన్స్ తెగ వెయిట్ చేస్తున్నారు.

అప్పుడు నో మరి ఇప్పుడు?
అయితే 2021లో పుష్ప పార్ట్ 1 ప్రీ రిలీజ్ ఈవెంట్​లో దర్శకుడు సుకుమార్ హాజరు కాలేదు. అప్పట్లో సినిమా పోస్ట్ ప్రొడక్షన్ పనుల్లో బిజీగా ఉండడం వల్ల సుకుమార్ రాలేకపోయినట్లు మూవీటీమ్ క్లారిటీ ఇచ్చింది. కాగా, ఈ సీక్వెల్​కు కూడా ఇదివరకు జరిగిన ఏ ఈవెంట్, ప్రెస్​మీట్​​లోనూ సుకుమార్ కనిపించలేదు. అయితే ఈసారైనా సుక్కూ వస్తారని, ఆయన స్పీచ్ వినాలని ఫ్యాన్స్ ఆత్రుతగా ఉన్నారు. మరి చూడాలి డైరెక్టర్ వస్తారో అని?

కాగా, ఈ సినిమా డిసెంబర్ 5న వరల్డ్​వైడ్ గ్రాండ్​గా రిలీజ్ కానుంది. ఈ క్రమంలో డిసెంబర్ 4న రాత్రి 9.30 గంటలకు, అర్ధరాత్రి 1.00 గంటలకు బెనిఫిట్ షోలు పడనున్నాయి. శనివారమే అడ్వాన్స్ బుకింగ్స్ కూడా ప్రారంభం అయ్యాయి. ఇక ఈ చిత్రంలో ఫాహద్ ఫాజిల్, జగపతి బాబు, సునీల్, అనసూయ తదితరులు కీలక పాత్రల్లో నటించారు. దేవీ శ్రీ ప్రసాద్ సంగీతం అందించగా, మైత్రి మూవీ మేకర్స్​ బ్యానర్​పై రవి, నవీన్ సంయుక్తంగా నిర్మించారు.