Bhamakalapam 2 Teaser : ఓటీటీలో డైరెక్ట్గా రిలీజై విశేష ప్రేక్షకాదరణ పొందిన సినిమాల్లో 'భామా కలాపం' ఒకటి. ఇప్పుడు దీనికి సీక్వెల్‌గా 'భామా కలాపం 2' రాబోతుంది. ఇప్పటికే విడుదలైన గ్లింప్స్ను కూడా బాగానే ఆకట్టుకుంది. ప్రియమణి, శరణ్య సస్పెన్స్ డైలాగ్స్‌తో ప్రేక్షకుల్లో భామాకలాపం 2పై మరింత ఆసక్తిని పెంచారు మేకర్స్. ఈ నేపథ్యంలో ఇప్పుడు మూవీటీమ్ టీజర్ను కూడా మంగళవారం విడుదల చేసింది . ఈ సినిమాలో ప్రియమణి ప్రధాన పాత్ర పోషించగా అభిమన్యు దర్శకత్వం వహించారు. ఆద్యంతం ఆసక్తిగా సాగిన ఈ టీజర్‌పై మీరూ ఓ లుక్కేయండి..
'అను మనం వదిలి వెళ్తుంది మన పాత ఇంటినే కాదు నీ తప్పుల్ని కూడా' అనే చెప్పే డైలాగ్తో ఈ టీజర్ ప్రారంభమైంది. ఆ తర్వాత 'అనుపమ అనే నేను పక్కన వాళ్ల విషయంలో తలదూర్చనని, నా పని నేను చేసుకుంటూ ప్రశాంతంగా ఉంటానని మాట ఇస్తున్నాను' అంటూ ప్రియమణి చెప్పడం కానీ ఆ తర్వాత ఏదో మర్డర్ మిస్టరీలోకి ఇరుక్కోవడం వంటి చూపించారు. కాసేపు టీజర్ను కామెడీతో పాటు ఇంటెన్స్ మోడ్లో తీసుకెళ్లారు. చివరికి శర్యణ్య - ప్రియమణి ఏదో శవాన్ని పూడ్చిపెట్టడంతో ముగించారు. ఆ సమయంలో శరణ్య.. 'అక్క నీకు శవాలకు మధ్య బాగా డీప్ కనెక్షన్ ఉందనుకుంటా' అంటూ చెప్పడం ఆసక్తికరంగా ఉంది. మొత్తంగా ఈ సినిమా కూడా ఓ మర్డర్ మిస్టరీ థ్రిల్లర్గా రూపొందిందని అర్థమైంది.
- " class="align-text-top noRightClick twitterSection" data="">
Bhamakalapam 2 Release Date : టీజర్తో పాటు ప్రీమియర్స్ స్ట్రీమింగ్ డేట్ను అనౌన్స్ చేశారు మేకర్స్. ఫిబ్రవరి 16 నుంచి స్ట్రీమింగ్ కానున్నట్లు తెలిపారు. ఈ చిత్రాన్ని బాపినీడు, సుధీర్‌ ఈదర సంయుక్తంగా నిర్మించారు. సీరత్‌ కపూర్‌, రఘు ముఖర్జీ, బ్రహ్మాజీ తదితరులు ఇతర కీలక పాత్రల్లో నటించారు. ఇకపోతే ఈ మధ్య కాలంలో ప్రియమణి ఎక్కువగా ఓటీటీ సినిమాలు, వెబ్ సిరీసుల్లో నటిస్తోంది. ది ఫ్యామిలీ మ్యాన్ ఫ్రాంచైజీ, సర్వం శక్తిమయం వంటి సిరీస్లలో నటించి మంచి గుర్తింపు తెచ్చుకుంది. రీసెంట్గా జవాన్‌లోనూ ఓ కీలక పాత్ర పోషించి ఆకట్టుకుంది.
రాజమౌళి - మహేశ్ సినిమాలో నాగార్జున?
'గుంటూరు కారం' ఎఫెక్ట్ - త్రివిక్రమ్కు ఆ మాట ఇచ్చిన మహేశ్!
