Prashanth Varma PVCU 3 : టాలీవుడ్ యంగ్ డైరెక్టర్ ప్రశాంత్ వర్మ తన PVCU యూనివర్స్ నుంచి మూడో సినిమా అనౌన్స్ చేశారు. 'మహాకాళి' అనే టైటిల్ తో ఈ సినిమా రానుంది. ప్రశాంత్ వర్మ ఈ సినిమాకు స్టోరీ అందిస్తున్నారు. పూజా కొల్లురు ఈ సినిమాకు దర్శకత్వం వహించనున్నారు. అలాగే మహాకాళి సినిమాకు స్మారణ్ సాయి సంగీతానికి అందిస్తున్నారు. ఈ మేరకు ప్రశాంత్ అధికారిక ట్విట్టర్ లో ప్రకటించారు. ఈ క్రమంలో గురువారం ఓ పోస్టర్, వీడియో గ్లింప్స్ రిలీజ్ చేశారు.
'ఈ నవరాత్రుల శుభ సందర్భంగా, నేను చాలా ప్రత్యేకమైన విషయాన్ని షేర్ చేసుకోవడానికి థ్రిల్‌గా ఉన్నాను. RKDstudiosతో కలిసి అజేయమైన యోధురాలు, నిజాయితీపరుల రక్షణ, చెడు నాశనం చేసే వారి కథను తెరకెక్కించనున్నామని తెలుపడానికి సంతోషిస్తున్నాం' అని రాసుకొట్టారు. ఓ చిన్నారి తన తలను పులికి ఆనించినట్లుగా పోస్టర్ను పవర్ఫుల్గా డిజైన్ చేశారు. పోస్టర్ చూస్తుంటే కోల్కతా ఆధారంగా తెరకెక్కనున్నట్లు తెలుస్తోంది.
Excited to join hands with @RKDStudios to bring a powerful new force to the universe 🔥
— Prasanth Varma (@PrasanthVarma) October 10, 2024
Presenting the rise of #MAHAKĀLI ⚜️ - an embodiment of Goddess Kali, the fiercest destroyer of evil.
This Navratri, we’re breaking the mold and redefining what a superhero can be. 🙏… pic.twitter.com/HCId8MzrkR
మహిళా సూపర్ హీరో ఫిల్మ్
PVCU యూనివర్స్ నుంచి రానున్న మూడో సినిమా మహాకాళి. ఈ సినిమా భారతీయ మొదటి మహిళా సూపర్ హీరో ఫిల్మ్ అని తెలుస్తోంది. ఆర్ కేడీ స్టూడియోస్ ఈ చిత్రాన్ని భారీ బడ్జెట్‌, అత్యున్నత నిర్మాణ విలువలతో తెరకెక్కించనున్నట్లు సమాచారం. అలాగే మహాకాళి మూవీ పాన్ ఇండియన్ లెవల్లో రూపొందనుంది. దీన్ని 3D ఐమ్యాక్స్ ఫార్మాట్‌లో విడుదల చేయాలని సన్నాహాలు చేస్తున్నారు.
On this auspicious occasion of Navratri, I’m thrilled to share something very special. Together with @RKDStudios, we proudly present the tale of an invincible warrior, the protector of the righteous, and the ultimate destroyer of evil 🔥
— Prasanth Varma (@PrasanthVarma) October 10, 2024
From the universe of #HanuMan ❤️🔥, prepare… pic.twitter.com/hDP8pFX9PE
జోష్లో ప్రశాంత్ వర్మ
'హనుమాన్' మూవీ విజ‌యంతో దర్శకుడు ప్రశాంత్ వర్మ మంచి జోష్ లో ఉన్నారు. అదే ఉత్సాహంతో వరుసగా సినిమాలను ప్ర‌క‌టిస్తూ వ‌స్తున్నారు. నంద‌మూరి న‌టసింహం బాల‌కృష్ణ కుమారుడు మోక్ష‌జ్ఞ‌ను సినీ ఇండ‌స్ట్రీకి ప‌రిచ‌యం చేయ‌నున్న‌ట్లు ఇప్ప‌టికే ప్రకటించారు ప్రశాంత్ వర్మ. అయితే, తాజాగా తన సినిమాటిక్ యూనివర్స్ మూడో సినిమాను ప్రకటించారు.
కాగా, ప్రశాంత్ వర్మ దర్శకత్వంలో తేజ సజ్జా హీరోగా 'హనుమాన్' మూవీ తెరకెక్కింది. ఈ సినిమా భారీ విజయాన్ని అందుకుంది. అలాగే ప్రేక్షకుల నుంచి ప్రశంసలు సైతం పొందింది. ఈ క్రమంలో ప్రశాంత్ వర్మ ఈ సినిమా సీక్వెల్ తీసే పనిలో బిజీగా ఉన్నారు. అలాగే PVCU యూనివర్స్ నుంచి వరుసగా సినిమాలను తెరకెక్కిస్తున్నారు.
మోక్షజ్ఞ, ప్రశాంత్ వర్మ సినిమా - మొదటి అడుగు పడింది అక్కడే! - Mokshagna Prasanth Varma
