Spirit Movie Shooting : దర్శకుడు సందీప్ వంగా రెడ్డి ప్రస్తుతం బాలీవుడ్లో తన హవా కొనసాగిస్తున్నారు. తీసింది మూడు సినిమాలే(అర్జున్ రెడ్డి, కబీర్ సింగ్, యానిమల్) అయినా సందీప్ రెడ్డి వంగా బ్రాండ్ బీటౌన్లో టాప్ రేంజ్లో దూసుకెళ్తోంది. ప్రస్తుతం ఆయన భారీ బడ్జెట్ 'స్పిరిట్' ప్రీ ప్రొడక్షన్ పనులతో బిజీగా ఉన్నారు. ఈ చిత్రం హర్షవర్ధన్ రామేశ్వర్ ఆధ్వర్యంలో మ్యూజిక్ సిట్టింగ్స్ను జరుపుకుంటోంది. త్వరలోనే సినిమాను డిసెంబర్లో సెట్స్పైకి తీసుకెళ్లేందుకు మూవీ టీమ్ రెడీ అవుతోందని సమాచారం.
అయితే ఈ స్పిరిట్ సినిమాను వీలైనంత త్వరగా షూటింగ్ జరిపి, ప్రేక్షకుల ముందుకు తీసుకొచ్చేలా ప్లానింగ్ చేస్తున్నారని తెలిసింది. రీసెంట్గానే నిర్మాత భూషణ్ కుమార్ కూడా భూల్ భులయ్యా 3 ప్రమోషన్స్లో స్పిరిట్ చిత్రాన్నీ వేగంగా పూర్తిచేసేలా ప్లానింగ్ జరుగుతోందని చెప్పారు. స్పిరిట్ మొదలుపెట్టిన ఆరు నెలలకే యానిమల్ పార్క్(సందీప్ వంగానే దర్శకుడు) కూడా మొదలు పెడతారని తెలిపారు.
ఇప్పటికే కెరీర్లో తొలిసారిగా పవర్ ఫుల్ పోలీస్ ఆఫీసర్ పాత్ర చేయబోతున్న ప్రభాస్ ఫస్ట్ లుక్ టెస్ట్ను కూడా ఇటీవలే ఓకే చేశారని ఇన్ సైడ్ టాక్ వినిపిస్తోంది. పైగా ప్రభాస్కు ప్రస్తుతం ఉన్న వరస కమిట్ మెంట్ల దృష్ట్యా ఒకే దర్శకుడికి ఎక్కువ కాల్ షీట్స్ ఇవ్వలేని పరిస్థితి ఏర్పడింది. బాహుబలి, సాహో, రాధే శ్యామ్ తర్వాత ఇకపై ఆలస్యానికి చోటివ్వకుండా ఏడాదికి కనీసం రెండు సినిమాలు చేస్తానని ఫ్యాన్స్కు ఆ మధ్య హామీ ఇచ్చారు ప్రభాస్. అందుకు తగ్గట్టుగానే ప్రభాస్ ప్లానింగ్ చేసుకుంటూ ముందుకు వెళ్తున్నారు. ది రాజా సాబ్, ఫౌజీలు నిర్మాణంలో ఉండగానే హోంబాలే ఫిల్మిస్కు మూడు పాన్ ఇండియా చిత్రాల కమిట్మెంట్లు కూడా ఇచ్చేశారు. కల్కి, సలార్ సీక్వెల్స్ కూడా చేయనున్నారు.
కాబట్టి స్పిరిట్ కోసం ఎక్కువ ఏళ్ల పాటు ఎదురు చూసే అవసరం పడదనే చెప్పాలి. పైగా సందీప్ వంగా కూడా వరుస ప్రాజెక్ట్లను లైన్లో పెట్టారు. స్పిరిట్ పూర్తవ్వగానే యానిమల్ పార్క్ మొదలు పెడతారు. ఆ తర్వాత అల్లు అర్జున్ కోసం రెడీ చేస్తున్న స్క్రిప్ట్ పనులపై దృష్టి పెడతారు. పుష్ప 2 ది రూల్ పూర్తయ్యాక బన్నీ త్రివిక్రమ్తో ఓ సినిమా చేస్తారు. ఇది పూర్తయ్యే లోగా సందీప్ వంగా, స్పిరిట్, యానిమల్ పార్క్ పూర్తి చేసుకుని బన్నీ కోసం రెడీ అవుతారు.
అందాల పోటీల్లో భారత్‌కు మరో కిరీటం - ఎవరీ మిస్ టీన్ యూనివర్స్ తృష్ణా రే?
1500 ఏళ్ల నాటి ప్రపంచం, రూ.300 కోట్ల బడ్జెట్ - 'కంగువా' 10 ఆసక్తికర విశేషాలివే!
