Kalki 2898 AD Bujji and Bhairava : పాన్ ఇండియా స్టార్ ప్రభాస్ హీరోగా నటిస్తున్న సైన్స్‌ ఫిక్షన్‌ మూవీ కల్కి 2898 ఏడీ. మహానటి ఫేమ్ దర్శకుడు నాగ్‌ అశ్విన్‌ తెరకెక్కిస్తున్నారు. ప్రభాస్ ఈ చిత్రంలో భైరవగా కనిపించనున్నారు. అలానే ఈ మూవీ బుజ్జి అనే వాహనం కీలకంగా మారనుంది. అయితే ఈ అధునాతన భారీ కారును ఓ స్పెషల్ ఈవెంట్ ద్వారా ప్రేక్షకులకు పరిచయం చేశారు మేకర్స్. ఈ కారును ప్రముఖ ఆటోమొబైల్ కంపెనీలు మహీంద్రా, జయం మోటార్స్ సంస్థలు కలిసి తయారు చేశాయి. దాదాపు ఆరు టన్నుల బరువురు ఉన్న ఈ కారు తయారీ కోసం రూ. 7 కోట్ల వరకు ఖర్చయ్యిందట.
ఈ క్రమంలోనే కల్కి టీమ్‌ మరో సర్‌ప్రైజ్‌ ఇచ్చింది. బుజ్జి అండ్‌ భైరవ పేరుతో రూపొందించిన ప్రత్యేక వీడియో ఓటీటీ అమెజాన్‌ ప్రైమ్‌ వీడియోలో రిలీజ్ చేయనుంది. ఈ నెల 31 నుంచి స్ట్రీమింగ్‌ అవుతుందని తెలిపింది. బుజ్జితో భైరవ ప్రయాణం ఎలా సాగిందో ఇందులో చూపించనున్నట్లు తెలుస్తోంది. చిన్నారులకు వినోదం పంచే ఉద్దేశంతో దీన్ని రూపొందించినట్టు తాజాగా విడుదలైన విడుదైన గ్లింప్స్ చూస్తే అర్థమవుతోంది.
దేశవ్యాప్తంగా బుజ్జితో ప్రమోషన్స్ - బుజ్జికి సోషల్ మీడియాలో వచ్చిన రెస్పాన్స్తో మేకర్స్ సంతృప్తిగా చెందారు. అందుకే మరో అడుగు ముందుకు వేసి దేశంలో ఉన్న ప్రధాన నగరాల్లో మూవీ యూనిట్తో పాటు ఈ కారును ప్రమోషన్స్లో తిప్పనున్నారు. అలానే బుజ్జితో సెల్ఫీ తీసుకునేందుకు అవకాశం కల్పించనున్నారు. దీంతో ప్రేక్షకులు తెగ సంబరపడుతున్నారు. ఎప్పుడెప్పుడు బుజ్జి తమ నగరం వస్తుందా అని ఆసక్తిగా ఎదురుచూస్తున్నారు.
Kalki 2898 AD Release Date : కాగా, ఇతిహాసాలతో ముడిపడిన ఈ భారీ బడ్జెట్‌ సినిమాలో బాలీవుడ్ బిగ్బీ అమితాబ్‌ బచ్చన్‌, యూనివర్సల్ స్టార్ కమల్‌ హాసన్‌, బోల్డ్ బ్యూటీస్ దీపికా పదుకొణె, దిశా పటానీ కీలక పాత్రలు పోషిస్తున్నారు. ఇప్పటికే విడుదలై గ్లింప్స్ కూడా ఫ్యాన్స్ను బాగా ఆకట్టుకున్నాయి. ఈ చిత్రం ప్రపంచవ్యాప్తంగా జూన్‌ 27న విడుదల కానుంది.
