Prabhas ETV Win Special Programme : పాన్ ఇండియా స్టార్ ప్రభాస్ బర్త్డే సెలబ్రేషన్స్ ఘనంగా జరుగుతున్నాయి. ఈ క్రమంలో దేశవిదేశాల్లో ఉన్న డార్లింగ్ ఫ్యాన్స్, సెలబ్రిటీలు ఆయనకు నెట్టింట విషెస్ చెబుతూ సంబరాలు చేసుకుంటున్నారు. మరికొందరేమో తన అప్కమింగ్ మూవీస్కు సంబంధించిన స్పెషల్ అప్డేట్స్ కోసం తెగ ఎదురుచూస్తన్నారు. ఈ నేపథ్యంలో ప్రముఖ ఓటీటీ ఛానెల్ ఈటీవీ విన్ కూడా ప్రభాస్ ఫ్యాన్స్ను తమ కంటెంట్తో సర్ప్రైజ్ చేసింది. ఆయనకు సంబంధించిన ఓ ప్రోగ్రామ్ను బర్త్డే స్పెషల్గా ఓటీటీలో రిలీజ్ చేసింది.
దివంగత లిరిసిస్ట్ సిరివెన్నెల సీతారామ శాస్త్రిని గుర్తు చేసుకుంటూ ఇటీవలె ఈటీవీ విన్ ఓ స్పెషల్ ప్రోగ్రామ్ను ఏర్పాటు చేసింది. 'నా ఉచ్ఛ్వాసం కవనం' అనే పేరిట రన్ అవుతున్న ఈ షోలో సిరివెన్నెల సాహిత్యం గురించి అలాగే ఆయన తమకున్న అనుబంధం గురించి ప్రముఖులు పలు ఆసక్తికరమైన విషయాలు పంచుకుంటుంటారు. అలా ఈ సారి ఈ వేదికకు ప్రభాస్ అతిథిగా వచ్చి సందడి చేశారు.
"సాహిత్యం అందం అర్థంతో పాటు, రాసేవాళ్లకు ఉన్న విలువ ఏంటో తెలియజెప్పిన వ్యక్తి 'సిరివెన్నెల' అంటూ ప్రభాస్ సిరివెన్నెలను కొనియాడారు. అంతేకాకుండా తన సినిమాల్లోని పలు సాంగ్స్కు ఆయన రాసిన లిరిక్స్ గురించి మాట్లాడారు.
తాజాగా విడుదలైన ప్రోమోకు నెట్టింట విశేష స్పందన లభించింది. ప్రస్తుతం ఇది ఈటీవీ విన్లో స్ట్రీమ్ అవుతుండగా, ప్రేక్షకులు, అభిమానులు దాన్ని సబ్స్క్రైబ్ చేసుకుని చూడొచ్చు. అంతేకాకుండా ఓ ప్రత్యేకమైన కోడ్ (REBEL 100) ఉపయోగించుకుని ప్రీమియమ్ అమౌంట్లో డిస్కౌంట్ కూడా పొందవచ్చని తాజా ప్రకటనలో పేర్కొంది. మరోవైపు ఇదే ఎపిసోడ్ను ఆదివారం (అక్టోబర్ 27) ఉదయం 9 గంటలకు ఈటీవీలో ఈ కార్యక్రమం ప్రసారం చేయనున్నారు.
Get ready with your subscription and watch it on the ETV Win app before it airs on TV. Use the coupon code 'REBEL100' to get a discount.#Etvwin#HappyBirthdayPRABHAS pic.twitter.com/9QYejDFwYp
— ETV Win (@etvwin) October 23, 2024
ఈటీవీ విన్లో ప్రభాస్ సినిమాలు!
ఇక ఈటీవీ విన్లో ఈ ప్రోగ్రామే కాకుండా ప్రభాస్ నటించిన పలు సినిమాలు కూడా ఉన్నాయి. బుజ్జిగాడు, రాఘవేంద్ర లాంటి సినిమాలను ఈటీవీ విన్ ప్రస్తుతం సబ్స్క్రైబర్ల కోసం అందుబాటులో ఉంచింది.
'ఆయన పాటలు మనుషులకు నేస్తాలు - అందుకే ఆ సినిమా అంత పెద్ద హిట్' - Nagarjuna About Sirivennela
'ఆ కటౌట్ చూసి అన్ని నమ్మేయాలి డూడ్!' - డార్లింగ్కు చిరు స్పెషల్ విషెస్!
