Most Popular Male Film Star Prabhas : సలార్, కల్కి 2898 ఏడీ బ్యాక్ టు బ్యాక్ విజయాలతో ఫుల్ జోష్లో ఉన్న పాన్ ఇండియా స్టార్ ప్రభాస్ ప్రస్తుతం తన కొత్త సినిమాలపై దృష్టి పెట్టారు. అయితే రీసెంట్గా బాలీవుడ్ నటుడు అర్షద్ వార్సి కల్కి సినిమాను ఉద్దేశించి ప్రభాస్ లుక్ జోకర్లా ఉందని కామెంట్స్ చేయడం వివాదస్పదమైంది. దీంతో టాలీవుడ్ వర్సెస్ బాలీవుడ్ మరోసారి సోషల్ మీడియాలో వైరల్గా మారింది. టాలీవుడ్లోని చాలా మంది నిర్మాతలు, నటులు అర్షద్పై విమర్శలు గుప్పించారు. అలా అనడం కరెక్ట్ కాదని సూచించారు.
ఈ వివాదం ఇంకా సాగుతూనే ఉంది. ఈ క్రమంలోనే తాజాగా ప్రభాస్ మరో ఘనత సాధించారు. ప్రముఖ మీడియా సంస్థ ఆర్మాక్స్‌ విడుదల చేసిన మోస్ట్ పాపులర్ మేల్ ఫిల్మ్ స్టార్ ఇన్ ఇండియా లిస్ట్లో జులై నెలకుగానూ అగ్రస్థానంలో నిలిచారు. షారుక్ ఖాన్, అక్షయ్ కుమార్, సల్మాన్ ఖాన్ లాంటి స్టార్ హీరోలను దాటేసి మరోసారి టాప్ పొజిషన్లోనే కొనసాగారు.
ఇక రెండో స్థానంలో కోలీవుడ్ విజయ్ దళపతి, నాలుగో స్థానంలో సూపర్ స్టార్ మహేశ్ బాబు, ఐదో స్థానంలో యంగ్ టైగర్ ఎన్టీఆర్, ఏడో స్థానంలో ఐకాన్ స్టార్ అల్లు అర్జున్, తొమ్మిది స్థానంలో మెగా పవర్ స్టార్ రామ్ చరణ్, పదో స్థానంలో తలా అజిత్ కుమార్ నిలిచారు. మూడు, ఆరు, ఎనిమిది స్థానాల్లో షారుక్, అక్షయ్, సల్మాన్ ఉన్నారు.
ఇక ఇది చూసిన నెటిజన్లు, సినీ ప్రియులు 'అదీ ప్రభాస్ రేంజ్, ఇండియా నెం.1 హీరో అని మరోసారి నిరూపించారు' అని కామెంట్లు చేస్తున్నారు. బాలీవుడ్పై సెటైర్లు వేస్తున్నారు.
Most Popular FeMale Film Stars In India : ఇక హీరోయిన్లలో అలియా భట్ అగ్రస్థానంలో నిలిచింది. సమంత, దీపికా పదుకొణె, కాజల్ అగర్వాల్, నయనతార, కత్రినా కైఫ్, త్రిష, కియారా అద్వాణీ, కృతి సనన్, రష్మిక మందాన వరుసగా టాప్ -10లో నిలిచారు.
'రాజాసాబ్'పై నిర్మాత ఇంట్రెస్టింగ్ అప్డేట్ - సినిమాలో ఆ ఎలిమెంట్స్కు పెద్ద పీట - Prabhas Rajasaab
భైరవ, రాయన్ వచ్చేశారు - ఈ వీకెండ్ OTTలో ఇంకా ఏఏ క్రేజీ మూవీస్ ఉన్నాయంటే? - This Week OTT Releases
